~*~oLi in Dayoland~*~

新聞﹕2016.09.17子華任鄭秀文《Touch Mi 2 世界巡迴演唱會2016》嘉賓 p.2

Sammi演唱會變 Talk騷 黃子華講足十分鐘
東方日報 016-.9.18

子華就係咁拎咗Sammi個舞台嚟開咗十分鐘迷你Talk騷呀！

鄭秀文（Sammi）昨晚繼續為第二場紅館演唱會大跳大唱，吸引許晉亨與老婆李嘉欣、梁漢文夫婦及徐濠瀠等人捧場，身為老公 的許志安睇足全場，又邀得好友黃子華任嘉賓，子華在台上舉行迷你Talk騷講足十分鐘，將許志安擺上枱揶揄，由於Sammi全晚聲 沙至走音，子華心痛說：「陰功囉，我作為一個把聲成日出問題嘅表演者，對妳有一個忠告，我試過臨出場喺廁所又屙又嘔，一路提醒自 己作為一個專業表演者最緊要係乜嘢，無論幾唔舒服都唔好回水。」全場拍爛手掌及叫尖，子華繼續說：「一定唔好回水，叫回水嘅人好 幼稚。」

催Sammi生B
隨即在萬二觀眾前催Sammi生BB，子華說：「我連妳個仔嗰名都諗埋，叫許勝不許敗，三母子走出嚟贏晒。」

黃子華仲將許志安擺埋上枱揶揄𠻹…

子華見Sammi全晚聲沙至走音，都戥佢心痛呀！    

子華仲話自己都係一個把聲成日出問題嘅表演者，所以可以畀一個忠告佢。

子華做咩要跪喺度嘅？

子華之後又催Sammi快啲生BB呀！

佢仲好好人咁幫佢哋諗埋名叫許勝不許敗𠻹呀！

Source: http://hk.on.cc/hk/bkn/cnt/entertainment/20160918/bkn- 20160918200924911-0918_00862_001.html

【足本】黃子華棟篤笑 助失聲Sammi 破天荒唱《其實你心裡有沒有我》
蘋果日報 2016.09.18

 男神黃子華今晚踩上紅館舞台做鄭秀文（Sammi）嘅演唱會嘉賓，佢話自己同Sammi合演完《失戀急讓》時，唔算好熟， 點知之後1年幾，佢收到Sammi邀請，請自己做嘉賓，子華神話：「點解嘅？我哋唔識架喎！然後我上網我睇YouTube，嘩，所有鄭 秀文嘅嘉賓，都係同佢好有關係o架噃，係咪？個個都有關係，直到我睇到一個，哦！呢個衰過我，我搵到有人墊底呀 ………」

噫？咁到底係邊個？

子華神話：「2009年你嘅演唱會有個嘉賓出現咗，同你唱咗一首歌o架！我都識唱，有冇鼓勵？（全場拍手歡呼）我係唔使音樂o 架，因為係冇音樂嗰陣時我最有音樂感o架！我唱呢首歌，睇吓大家知唔知邊個唱嘅？同埋大家睇住我點樣唱吓 ……」

之後，子華神就唱出《其實你心裡有沒有我》嘅頭幾句：「若愛上你怎麼躲 換你迷人笑窩 而我每天總偷偷 ……摸你定想你o架？」Sammi即答：「想！」子華神神回：「想？想，使乜偷偷想啫？光明正大咁想，你都唔知我 想啦，係咪？冇意思吓呢句歌詞，但最後尾佢兜番『總偷偷的想你 這應否算是傻』」

然後，子華神問觀眾：「邊個唱o架？」當全場答完許志安後，子華神就話：「許志安，你話係咪離譜？嗱！各位，我上嚟我犯嘅錯係 咩呢？安仔最錯嘅係，我同Sammi唔熟就扮熟，佢同Sammi好熟但就扮唔熟！」」跟住全場尖叫同拍手以示和應。

「點解我咁講？大家頭先睇到我唱呢首情歌嚟o架嘛，係咪？梗係越唱就越埋o架啦，當時許志安上台唔係o架喎，由頭到尾企喺 呢度，然後我搵把尺喺YouTube度度佢，佢同鄭秀文嘅距離係平均15呎，做咩呀？好生寶呀？而佢同葉德嫻又一齊唱一首歌，平均 距離係8呎，咁係咪扮生寶呀？」

子華講棟篤笑，扯埋Sammi老公許志安落水。

子華神清唱《其實你心裡有沒有我》。

Source: http://hk.apple.nextmedia.com/enews/realtime/20160918/55659218

【足本】黃子華棟篤笑 講「Sammi安仔現象」：香港最後一個童話
蘋果日報 2016.09.18

 子華神講開許志安，停唔到口，問大家:「許志安同鄭秀文同台嗰陣，有冇做過啲親密嘅動作吖？」全場又一片尖叫。子 華再加兩錢肉緊:「你哋係咪好想許志安同Sammi講……」都未講，台下叫聲已經震耳欲聾。

此時Sammi用佢高八度、走晒音嘅聲線，疑似呼籲大家「千祈唔好呀！千祈唔好中計呀!」咁。子華閃身同Sammi保持安全距離 ，問大家:「你哋係咪好想許志安同佢講……」又係一片尖聲。

咁講咩呢？子華話:「Thank You!Thank You!」唔係呢句，而係呢句:「你太瘦喇!咁樣點生BB呀？」Sammi即說:「邊個 話生BB？」子華就話:「仲得0架！你今日攰啲，但休息完你會唔會有啲力，大家傾下？許志安唔係一個好嘅嘉賓，但係你知唔知，你 查番YouTube吖，嗰一次，佢一上台，係嗌到呢……啲人鍾意到佢呢……」全場又嗌。子華 抵死地回應大家:「我只可以形容，嗰種嗌法，完全唔係呢一種嗌法，係俾鬼嚇!……唔係!俾鬼嚇都會停呀，因 為你嗌到最盡你係死鬼咗0架嘛，所以係鬼俾鬼嚇!就算你死咗都要企番起身再嗌!

「然後嗌到最盡有個人係喺度嗌:『Ho正呀!』(扮Sammi腔)佢見到許志安同鄭秀文一齊就話好正呀!點解呀？有病囉!外母病， 好囉，返嚟佢囉佢……一齊囉。

「但我想話俾你(Sammi)聽，我今日係想講有少少社會意義嘅嘢………你唔使諗住走，未走得 住。點解啲人會咁想你同許志安一齊？因為……你唔使答，因為呢個童話呀!」全場發出嘅歡呼聲，已經令人聽唔 到其他聲音。

未完0架，故事都未完，金童玉女………但係爆咗煲!曾經。然後破鏡，竟然又能夠重圓。呢個，係 童話中嘅童話，所以你明唔明白，你嘅社會意義，你嘅社會責任呀？係因為今時今日嘅香港，係少咗好多童話0架喇！所以，如果你兩 口子喺屋企鬧交，如果許志安鬧你，你係有權同佢講:『收聲！』唔係為咗我，係為咗香港！『我叫你去買豉油就買豉油！唔好駁嘴!大 局為重!』」好勁呀！

講咗咁耐，子華仍然唔捨得走，問大家，呢個童話點樣可以最完美呢？「真係，生個仔(你懂的，全場又尖叫)我連你個仔個名都幫 你諗埋，你個仔就叫做『勝不許敗』！」Sammi即尖聲甜笑，子華當然唔罷休，繼續話:「許志安個仔，許勝不許敗！三母子一齊走出嚟 ，贏晒！許志安，鄭秀文，許勝不許敗！」全場報以熱烈掌聲。Sammi失聲走音道：「多謝！」

子華喺台上講許志安同Sammi兩個嘅愛情故事要點 (攝影：陳慧安)

Source: http://hk.apple.nextmedia.com/enews/realtime/20160918/55659247

開金口 黃子華棟篤笑 救失聲Sammi
都市日報 2016.09.18

子華神唔易請，但Sammi就請到對方做嘉賓，仲大放笑彈。

鄭秀文演唱會頭場因病爛聲走晒音，甚至內疚地哭求歌迷退票，睇到觀眾心都痛埋。好彩，一班Fans同好友齊齊為佢集氣，佢第 二場唔喊喇，依然搏盡做好成場騷，話自己雖然靚聲欠奉，但有力又有靚衫幫補。點止呢？仲有嘉賓黃子華嘛！子華神於台上妙語連 珠即場棟篤笑，仲開金口唱歌，觀眾實收貨啦！

雖然聲帶未好番，但敬業的鄭秀文（Sammi）前晚繼續於紅館開第二場騷，仲有「子華神」做嘉賓呀！佢出場時先叫Sammi無論 如何都唔可以回水，仲清唱幾句Sammi同老公許志安的名曲《其實你心裏有沒有我》，回帶講番09年安仔上台扮同Sammi唔熟，但相 反子華自嘲要在台上同只合作過一場戲的Sammi扮熟，令觀眾哄堂大笑。子華直言Sammi同安仔係觀眾心目中的童話，佢話：「金童 玉女，曾經爆咗煲，然後破鏡重圓。你哋一齊係有社會意義同責任，點解？因為今時今日嘅香港少咗好多童話呀！如果許志安鬧你，你 可以同佢講：『收聲！唔係為咗我，係為咗香港！唔好駁嘴，要大局為重。』」子華神更催安仔同Sammi生B，稱已經為兩人仔女取名做 「勝不許敗」，並謂：「三母子走出嚟，許志安、鄭秀文、許勝不許敗，贏晒！」全場觀眾即刻拍手叫好。
縱觀整晚演出，雖然Sammi連說話都不斷走音，但確實係傾盡全力演出，尾聲時，Sammi問：「多謝你哋！雖然把聲沙，但我有6個字 想講，有幾多畀幾多，個騷好唔好睇呀？」呢個問題，相信可以用Sammi今次演唱會主題曲回答，就係《犀利》！

Source: http://www.metrohk.com.hk/?cmd=detail&id=319207

子華任Sammi演 唱會嘉賓 催促生B改名「許勝不許敗」
頭條日報 2016.09.18

子華叫Sammi不要回水。

鄭秀文(Sammi)昨晚的第二場演唱會，雖然病況未癒，但心態轉變，以正面態度面對的Sammi沒有再哭，還笑到彎腰，全因有 黃子華這位表演嘉賓。子華叫Sammi學他，無論如何不適都一定「唔好回水」；又催促她與安仔盡快生B－許勝不許敗！

Sammi昨晚的聲沙、失聲及走音情況較首場更為嚴重，但她傾全力兌現其6字真言「有幾多畀幾多(觀眾)」。表演嘉賓黃子華現 身更贏得掌聲雷動，甫出場即大呼Sammi的走音版，又抵死地重提Sammi曾表示想畀錢退票一事說：「Sammi陰公咯！但我作為一 個把聲成日出問題又病的表演者，我對你有個好大的忠告，就是作為專業表演者，無論幾唔舒服都一定『唔好回水』！事關會影響好多 人，呢樣你真係要學我，有人嗌都唔使理佢，嗌的人好幼稚！」

當大家還未笑完，子華已轉話題指：「唔好睇我咁奔放，其實係上台以來最驚的一次，因為我其實唔認識鄭秀文，只見過佢一日， 合作過一部戲，戲中做佢老公，雖然離咗婚，但戲中講過乜都唔記得，又有幾熟呢？不過就記得你同我講早晨，我問你食咗飯未？你又 問我有冇睇過19世紀俄國大文豪陀思妥耶夫斯基的《罪與罰》？話有啲唔明，然後我就唔想睬你，因為我冇睇過，我哋對話就咁終止， 關係亦就咁結束。」

聽到Sammi笑到走晒音，子華即著對方小心把聲，但隨即繼續發功說：「年幾之後，就話鄭秀文請我做嘉賓，我上網睇，做鄭秀文 嘉賓的個個都同佢有關係…但點知睇到一個衰過我，畀我搵到人墊底。2009年，鄭秀文演唱會出現咗個嘉賓同佢唱咗一首 歌，我都識唱，但唔使音樂，因為無音樂我就最有音樂感，大家仲要睇住我點樣唱…」說罷即清唱《其實你心裡有沒有我》， 還向Sammi愈唱愈埋。聽到全場指當年唱的人是許志安，子華又謂：「你話係咪離譜？安仔最錯係，我同Sammi唔熟就扮熟，佢同 Sammi好熟但就扮唔熟！點解？唱呢首歌好應愈唱愈埋，但安仔當年就由頭到尾都企嚮度，我用過尺嚮片段中量度過，佢同鄭秀文 的平均距離係15呎，而佢同葉德嫻合唱的一次，平均距離係8呎，仲唔係扮生埗？」Sammi和安仔都分別在台上台下笑到彎晒腰。

子華又問觀眾，安仔和Sammi同台時，有沒有做過親密動作？是否很想安仔跟Sammi講…台下即叫囂震天，Sammi 就走向安仔座位方向、竭盡所能的叫安仔不要中計！豈料子華更話有乾坤道：「大家係咪好想安仔同Sammi講，你太瘦喇！咁樣點生 BB？」Sammi反駁：「邊個話要生？」子華卻抵死謂：「仲得㗎！你今日有啲攰，休息完會唔會有啲力同安仔…傾下？我想話 畀你知，講少少社會意義；點解大家想你同安仔一齊？因為係童話，係金童玉女，但係又曾經爆過煲，然後破鏡，竟然又能夠重圓！係 童話中的童話，所以你哋有社會意義、有社會責任，因為今時今日的香港，缺少好多童話；又所以，如果你兩口子嚮屋企鬧交，如果許 志安鬧你，你有權叫安仔收聲！話唔係為我，係為香港，叫安仔買豉油都唔好駁嘴，大局為重！而童話最完美係生個仔，我連你個仔個 名都幫你諗好，就叫『勝不許敗』，許志安個仔，許勝不許敗！一家三口一齊就贏晒，許志安、鄭秀文、許勝不許敗！」贏得全場掌聲如 雷

Source: http://hd.stheadline.com/news/realtime/ent/1096148/