新聞﹕2016.09.17子華任鄭秀文《Touch Mi 2 世界巡迴演唱會2016》嘉賓 p.1－~*~oLi in Dayoland~*~

新聞﹕2016.09.17子華任鄭秀文《Touch Mi 2 世界巡迴演唱會2016》嘉賓 p.1

新聞列表
黃子華：Sammi跟安仔係童話最完美就是生個仔	明報
【一句話激嬲子華神】黃子華稱同Sammi唔熟：佢問我有冇睇過《罪與罰》？	蘋果日報
【子華神登場】黃子華責Sammi不應退票：你影響好多人你知唔知？	蘋果日報

黃子華：Sammi跟安仔係童話最完美就是生個仔
明報 2016.09.17

mingpao20160917a 黃子華出場笑許志安在2009年演唱會上跟Sammi扮不熟，是最差的嘉賓。（鍾偉茵攝）

【今日直擊】鄭秀文（Sammi）請來「男神」黃子華擔任第2場演唱會嘉賓。子華笑許志安是Sammi歷年來最差的演出嘉賓。他說︰「安仔最錯的是，我跟Sammi不熟就扮熟，他跟Sammi很熟卻扮不熟﹗」全場觀眾聞言起哄﹗

子華續說︰「為何我這樣說，他們2人當時在對唱情歌，應該愈唱愈埋，但許志安在台上跟鄭秀文的距離是平均15尺﹗許志安跟葉德嫻合唱時的平均距離是8尺﹗這是不是扮陌生？」

子華問觀眾可聽過許志安在台上對鄭秀文說過親密的話，觀眾答「沒有」，Sammi緊張地走音大叫︰「千萬不要中計﹗千萬不要呀﹗」子華不理會，繼續說︰「大家是否很想聽許志安對她說︰『你太瘦了﹗怎生BB？』」Sammi沒好氣答︰「誰說要生BB？」

子華又指觀眾很喜歡Sammi跟許志安一齊是因為2人是一個童話。他說︰「你們不明白你們有社會意義和責任，今日的香港少了很多童話，所以如果許志安鬧你時，你有權叫他為了香港而收聲﹗你們這個童話最完美就是生個仔，我已想好你們兒子的名字叫『勝不許敗』，許志安的兒子『許勝不許敗』﹗」

黃子華笑言已為Sammi與安仔的兒子想好名字。（鍾偉茵攝）

黃子華問觀眾可聽過許志安對Sammi說親密的話，嚇到Sammi大叫觀眾不要中計。（鍾偉茵攝）

Video is available below.

Source: http://ol.mingpao.com/php/showbiz3.php? nodeid=1474124888072&subcate=latest&issue=20160917

Line

【一句話激嬲子華神】黃子華稱同Sammi唔熟：佢問我有冇睇過《罪與罰》？
蘋果日報 2016.09.17

係咪所有人都以為子華神乜書都睇過晒...（攝影：陳慧安）

好喇，黃子華講完笑，咁跟住就係……繼續講笑，仲同Sammi講:「你真係應該學下我，有人嗌唔使理佢哋!好幼稚呀、回水呀嗰啲……我同大家講，我上舞台咁耐，我最驚係今日，呢個時刻。因為大家唔好睇我咁奔放，其實我係唔識得鄭秀文0架！」全場又大笑拍爛手掌。

子華道：「講真，我見過鄭秀文一日0架咋！」Sammi奇道:「係咩？」子華謂:「係呀，你記唔記得，我哋曾經拍過一套戲，你記唔記得，我首先講我喺戲裡面，我做你老公吖，係咪？你記得係咪？雖然離咗婚。你記唔記得你喺戲裡面同我講啲乜？」Sammi即謂:「梗係唔記得啦!」嗰部戲，就係《失戀急讓》。

子華聞言反應極大:「唔記得？一句都唔記得？我記唔記得同你講過乜嘢？唔記得。你話我哋有幾熟呢？拿，拍咗一日戲吖，你唔拍戲嗰陣時，我哋又講咗啲嘢0架喎，你記唔記得我講咩？」Sammi就話:「記得!講書，同埋講減肥嘅。」

子華繼續講:「一日，咁佢就講，早晨，然後我同佢講：『食咗飯未呀？』係咁上下喇，梗係唔係啦，係！我問你睇書…」此時Sammi笑出嚟，又走音，子華就話:「你小心把聲呀吓！佢同我講，本書好犀利，鄭秀文嘅另一面，佢識我嗰日，佢問我：『子華你有冇睇過十九世紀俄國大文豪陀思妥耶夫斯基嘅《罪與罰》呀？』係咪？然後佢就話：『我唔明呀！』跟住我就唔想睬佢喇，因為我係冇睇過o架，我哋嘅對話就終止咗喇，你睇吓我哋嘅關係咁就完咗喇。」

apple20160917b
子華同Sammi喺14年電影《失戀急讓》合作。