2014雜誌報導 @ ~*~oLi in Dayoland~*~

目前分類：2014雜誌報導 (20)

瀏覽方式：標題列表簡短摘要

Mar 11 Wed 2015 10:59
雜誌﹕黃子華膺高登男神 (2014.03.10忽然1周)

黃子華膺高登男神
忽然1周 2014.03.10

sudden20140310 黃
黃子華高票當選，可以話係眾望所歸

(繼續閱讀...)

oli317 發表在痞客邦留言(0) 人氣()

個人分類：2014雜誌報導

▲top

Nov 19 Wed 2014 05:03
雜誌﹕唔見一截　內地巡迴叫停　黃子華跌咗過千萬 (2014.11.19壹周刊)

唔見一截　內地巡迴叫停　黃子華跌咗過千萬
壹周刊 1289期 2014.11.19

Next20141119a
澳門站上月兩場澳門棟篤笑，黃子華已隻字不提「佔中」。（《蘋果日報》圖片）

(繼續閱讀...)

oli317 發表在痞客邦留言(0) 人氣()

個人分類：2014雜誌報導

▲top

Nov 14 Fri 2014 16:27
雜誌﹕余詠珊出封殺令　歐錦棠　黃子華　禁絕大台騷 (2014.11.14忽然1周)

余詠珊出封殺令　歐錦棠　黃子華　禁絕大台騷
忽然1周 1007期 2014.11.14

sudden20141114a

娛樂喧

以往大台維持三黨鼎立，但綜藝科總監余詠珊（ Sandy）恃住有高層撐腰，近月不停出招欲獨攬大權。早前她發表「每年 5%換血」，及「聯署者或遭減人工冇花紅可能被炒」後，令大台人心惶惶。
日前余詠珊把排除異己行動升級，本刊更收到一份黑名單，寫着：「以下嘉賓請不要搵：歐錦棠、黃子華、林敏驄、張堅庭、陳嘉桓、黃貫中……」據知余廣發短訊，吩咐其下屬封殺名單上共十位藝人，禁止他們現身大台的所有綜藝節目。
大台要維穩，歐錦棠與黃子華等因佔中而榜上有名可以理解，但政治中立的林敏驄及陳嘉桓都被封殺，據知是得罪了有勢力人士。看來方丈真是好小器！

人心不足蛇吞象，余詠珊入主大台不經不覺兩年，坐穩後近日接二連三搞小動作排除異己。早前內地為維穩出了一份「查禁名錄」，首當其衝有黃耀明、何韻詩和杜汶澤。本刊記者發現，余詠珊亦照辦煮碗，向下屬發放黑名單，不再邀請十位藝人現身大台任何綜藝節目。
據知情人士透露：「今次呢份黑名單維穩係其一，除咗歐錦棠，仲有其他黃絲 fans黃子華、黃貫中、黃家強同張敬軒。而陳嘉桓因為係樂易玲嘅人，呢期又叫有啲人氣，所以要即時打壓，就算有冼國林撐都冇情講呀！係邊個下令我就唔講得，總之佢就係綜藝科嘅揸 fit人啦！呢期佢就紅啦，唔單止俾老闆睇起，就連 Do姐、阿倫同阿叻都要買佢怕。」

sudden20141114b

近日，大台綜藝科不少導演和助導都收到據說是余詠珊的這段短訊，指不准許這十位藝人上節目。事後記者多次聯絡余詠珊，但其秘書指她一直開會，至截稿仍未回覆。

sudden20141114c

死因：撐佔中、撐聯署向來天不怕地不怕的歐錦棠，今次就算被大台封殺，都一樣我行我素，只是無辜牽連了太太萬斯敏。
殺盡樂、曾派

sudden20141114d

死因：黃絲 die hard大台維穩騷做到出晒面，所以一切撐佔中、保黃絲的藝人歌手，通通冇得留低。
連林敏驄榜上有名的確令人意外，但事出必有因。原來大台在今年年中曾邀他主持世界盃節目，林敏驄不但拒絕，事後還幫《蘋果日報》製作及主持《依波 Live》，分明剃大台眼眉，所以遭余出手封殺。
楊崢與張堅庭同屬樂小姐派系，每年樂小姐生日，他們例必是座上客；而陳嘉桓亦曾被樂小姐點名傾藝員約，向他們三人開刀理由十分充分。餘下的藝人都是維穩下的犧牲品，當中最無辜要數歐錦棠、萬斯敏兩公婆。過去歐錦棠一直被曾勵珍器重，每年都會安排合適的工作演出，但歐錦棠自 2012年拍畢《體通體透》的綜藝節目便再冇新工作，當年正是余詠珊入台之時。
歐錦棠：同任何高層唔 friend
本刊記者於周一（ 10日）致電歐錦棠，告訴他已成封殺目標，他淡然地說：「咁爆！佢（余詠珊）以前係我舊老細，不過我同任何高層都唔 friend，我係平民嚟咋嘛！冇唔開心喎！兩個月前綜藝組同事都有人搵我上節目，仲話有騷計，不過我唔得閒推咗。秤不離砣，（封殺）實有我老婆份啦！」日前歐錦棠高調撐大台員工聯署「反公司」，與余詠珊對着幹，唔殺就假。
不知自己「死」因的陳嘉桓亦於本周二（ 11日）回應本刊記者：「吓！有啲咁嘅事？暑假先拍完一個綜藝節目，真係唔知點解我有份。（你係咪同樂小姐好熟？）我都係經師傅至認識樂小姐。」哦！明晒！
大台就快變成余黨獨大，今次黑名單一出，非余黨都必死無疑，一眾花旦小生睇路行呀！