~*~oLi in Dayoland~*~

子華2017.01.30任鄭中基《PLAY IT AGAIN世界巡迴演唱會》嘉賓 p.2

黃子華曬歌喉走音
明報 2017.01.31

黃子華笑指鄭中基吃過「牛歡喜」，也沒有影響唱情歌。（攝影：娛樂組）

【明報專訊】黃子華前晚亦是嘉賓之一，他在安歌環節大擺型男甫士出場，獲全場尖叫歡迎。他大讚鄭中基（Ronald）是奇人，吃 過「

牛歡喜」也沒影響做歌手、唱情歌，公布在紅館開騷立即爆滿，連鄭家成員都要靠上台表演入場。他還笑指阿倫是「掃」食者，飲食 方面

有Ronald八成道行。其間，Ronald哀求子華展歌喉，子華自嘲唱歌會走音，故之前不敢擔任阿倫的個唱嘉賓，但最終也肯合 唱《風

的季節》，亦正如他所言真的唱到走音。

娛樂組

Source: http://news.mingpao.com/pns/dailynews/web_tc/article/20170201/s000 16/1485885980237

【食過牛歡喜嘅人】子 華神寸爆唱情歌要有形象：鄭中基就咩都放落口嘅
蘋果日報 2017.01.31

(攝影：陳慧安)

鄭中基尾場嘅嘉賓一直都係呢個演唱會嘅重點，噚晚出場就係子華神黃子華，黃子華同Ronald喺電影合作過，早年Ronald 同陳嘉上聯合執導電影《神秘寶藏》，子華就扮張保仔，兩個就成為咗好朋友，所以噚晚就現身做嘉賓。

子華神着住西裝插住袋出場，觀眾尖叫成分鐘，子華神先可以開始講嘢：「大家放心，鄭中基係出咗去門口，去鬧啲一嗌Encore 就走嘅人。Encore點解叫Encore呀？係會嗌N咁多次㗎。佢o依家出咗去叫我上嚟頂一陣，我一向對唱歌嘅人有一個好大好奇心 ，點解成日唱歌就走埋去握手掗時間㗎呢？我自己從來未試過，好想去試下，我想做一個實驗，我o依家同你握，你嗰邊啲人係咪覺得 好討厭吖？握到極咪握廿個，呢個仲唔握嘅O添，花晒時間喺呢一邊，你後面嗰啲覺得討唔討厭呀呢個行為？但係新年要做㗎，有利是 㗎嘛，點解Kelly有，我就冇？」

子華神又話：「我就講一句咁多啦，有關鄭中基，呢個奇人嚟㗎，大家覺唔覺得呀？大家知道一個歌手唱情歌，係唔可以亂食嘢嘅 ，但係鄭中基呢咩都放落口嘅，唔係講一般嗰啲煎炸嘢呀，即係你做唱情歌嘅人，你一定要形象㗎嘛。」

呢個時候大家真係唔好亂諗嘢，子華神真係講緊食物啊，唔好諗錯隔籬，子華神話：「你冇見過張學友拎住條臘腸當波板糖咁咬。 即係你見佢唱《每天愛你多一些》，愛咩呀？臘味呀？你有冇見過張國榮食牛雜吖？冇㗎嘛！『風繼續吹，嘩！吹凍晒！不忍遠離，心 裏亦渴望留下食到尾！』咁呀？鄭中基係食過牛歡喜㗎！一個食過牛歡喜嘅人點可以唱情歌呢？」可能大家唔知牛歡喜係咩，即係牛 嘅陰部，鄭中基喺電影《低俗喜劇》入面，演嘅角色暴龍哥好鍾意食。

講完之後子華神就扮鄭中基唱歌：「讓我為你哭。咁呀？哭咩呢你咁歡喜。」一唱完子華神就意識到台下有小朋友，佢就話：「有啲 人唔知咩係牛歡喜，有細路喺到o添，大鑊喇，向你隔籬個位解釋下啦。牛歡喜就喺一個地方，啲公牛好鍾意去（全場大笑），喺瑞士。任 何人都唔咁樣可以食過牛歡喜再唱情歌，只有鄭．中．基。」

子華神又問：「點解成日唱歌就走埋去握手掗時間㗎呢？」

Source: http://hk.apple.nextmedia.com/enews/realtime/20170131/56242367