~*~oLi in Dayoland~*~

新聞﹕子華2017.01.30任鄭中基《PLAY IT AGAIN世界巡迴演唱會》嘉賓 p.3

鄭中基氹番老婆變接吻魚
東方日報 2017.02.01

...

黃子華走音娛賓

...

個唱除了洋溢溫情，Ronald還請來男神黃子華做壓軸嘉賓，子華發揮Talk show本色笑指Ronald是奇人，唱情歌都可以亂食嘢：「乜都放落口不顧形象，唔通張學友食住臘腸唱《每天愛你多一些》， 有冇見過張國榮食牛雜唱《風繼續吹》。一個食過牛歡喜嘅人點可以唱情歌？但鄭中基就得，一話開紅館就爆晒，仲要做嘉賓都攞唔到飛，所以我明白點解鄭東漢要上台彈結他，佢老婆仔女要上台，要表演先得，因為冇飛！」

兩人最大膽是笑台下阿倫是「掃」食者：「佢素來冇嘢唔食，乜都掃晒落口。」最後兩人合唱《風的季節》，演唱前子華已聲稱會走音，到最後果真唱到五音不全，爆笑全場！

...

Video is available below

Source: http://hk.on.cc/hk/bkn/cnt/entertainment/20170201/bkn-20170201032311330-0201_00862_001.html

尾場騷三代同台賣溫情子華撐中基場合唱狂走音
蘋果日報 2017.02.01

【大放笑彈】
■男神黃子華前晚踩入紅館，為鄭中基個唱任嘉賓，即場上演棟篤笑

鄭中基一連四場「PLAY IT AGAIN世界巡迴」演唱會，前晚圓滿結束。闊別紅館十年的鄭中基今次碌盡人情卡，繼大年初二請來分手十八年的舊愛楊千嬅上台合唱，尾場嘉賓亦好有睇頭，除有索爆天后陳慧琳，男神黃子華亦於安哥時現身，尖叫聲震爆紅館。子華上台後即時開talk，之後跟鄭中基合唱《風的季節》，可惜全首歌錯key，走音走到尾。最溫情是鄭家三代同台，鄭中基更在台上啜爆愛妻余思敏。

鄭中基闊別紅館十年，今年成功爭取到紅館農曆年檔期，由年三十晚唱到年初三，場場爆滿。嘉賓陣容亦好鼎盛，除杜汶澤、薛凱琪、LMF、吳君如、林敏驄、梁詠琪及舊愛楊千嬅，前晚尾場嘉賓亦具睇頭，有天后陳慧琳及男神黃子華。
男神子華駕到，除了上演棟篤笑，還跟鄭中基合唱一曲《風的季節》，唱歌前他自爆試過在張國榮面前唱歌，唱完被電影監製問他可否有一句不走音，全場觀眾即拍掌大笑。子華又叫鄭中基要忍讓他，因他多數會走音，鄭中基雖安慰他指「冇咁嘅事」，但子華開口即錯key，結果走音走到尾。

...

■黃子華（左）與鄭中基合唱《風的季節》，結果全首唱錯key。

Source: http://hk.apple.nextmedia.com/entertainment/art/20170201/19913966

紅館騷「三代同台」勁溫馨鄭中基問准老婆邀舊愛合唱
頭條日報 2017.02.01

鄭中基的演唱會前晚於紅館舉行尾場演出，邀得陳慧琳（Kelly）和黃子華任表演嘉賓。整晚演出溫情滿瀉亦甜到漏，鄭中基演唱《浪子心聲》時，獲爸爸鄭東漢彈結他為他陪奏，其後一對子女Emma和Evan亦現身舞台為爸爸鄭中基打氣，成功造就「三代同台」畫面！鄭中基隨後亦唱出《三生有幸》獻給太太余思敏後，她亦上台大講情深說話支持老公，兩夫婦更於全場觀眾見證下，攬實情深咀嘴！

本報記者

Source: http://hd.stheadline.com/news/daily/ent/536732/