~*~oLi in Dayoland~*~

新聞﹕子華同陳法拉《前度》騷後食宵夜

子華法拉嘆宵夜斷正：行開少少影啦
蘋果日報 2016.07.05

黃子華、陳法拉同劉俊謙合演嘅舞台劇《前度》由本月一日公演，總共會喺演藝學院開35場。噚晚第3場演騷後，子華大約11點離開場館，當時仲有幾十個fans喺門口等佢，本來準備走嘅子華見到大家咁有心，都即刻停步同大家影相，但助手就講明子華唔會簽名，fans都好合作，影完相就放子華走，呢個時候法拉亦出嚟喇，不過就係喺另一個門口出嚟，而子華影完相就同法拉上埋同一架七人車走人，原來佢哋去銅鑼灣食宵夜。

當車抵達銅鑼灣廣場二期，子華首先落車，戴咗口罩嘅佢見記者影相，仲猛叫記者行遠少少影，子華話：「行開少少影啦，好多人認得我架，我都特登戴咗口罩！」緊隨佢落車嘅法拉都戴咗口罩，記者影相佢亦顯得好避忌，之後就上咗去其中一層嘅酒樓喇！

攝影：畢紹基、吳耀輝

噚晚子華同法拉騷後去銅鑼灣食宵夜

子華仲叫記者行開少少影，唔想俾人認到

法拉都戴咗口罩，記者影相佢亦顯得好避忌

Source: http://hk.apple.nextmedia.com/enews/realtime/20160705/55314094?top=4h

行動一致戴罩避人 子華法拉消夜 甩膊放鬆
蘋果日報 2016.07.05

【揈身揈手】■法拉和子華等𨋢期間郁來郁去，動作趣怪。

【銅鑼灣】由男神黃子華、陳法拉和劉俊謙合演的舞台劇《前度》本月1日公演，日前宣佈加場後，合共會開35場。今次舞台劇融合了棟篤笑，借愛情作政治隱喻，批評政府太過官僚。當中子華爆金句之餘，更連環爆粗，再加上神級演技，為觀眾帶來連番驚喜，連帶首次參與舞台劇的法拉，在子華帶動下亦得以演技大躍進，要眼淚有眼淚。 

【滿足粉絲】■騷後有數十個粉絲等子華，子華任他們影相一分鐘。

【出街必戴】■到達銅鑼灣後，子華和法拉齊齊戴上口罩。

■法拉和子華合演舞台劇，很快就被子華帶入戲。資料圖片

企定任影

前晚子華演出第3場後，約11時離開演藝學院演出場館。由於門外仍有數十位粉絲等候，子華的助手十分體貼，預早跟大家說會給一分鐘時間讓大家拍照，但不會簽名，粉絲都好合作聽從指示，而子華就企定定讓大家拍照，滿足完粉絲後便離開。原來他與法拉準備去銅鑼灣食消夜，二人同坐一架七人車離開。
多人認得

不過，當汽車抵達銅鑼灣廣場二期

Source: http://hk.apple.nextmedia.com/entertainment/art/20160705/19681293