新聞﹕子華擔任許志安MV《芝士》嘉賓 Part 3－~*~oLi in Dayoland~*~

新聞﹕子華擔任許志安MV《芝士》嘉賓 Part 3

新聞列表
【大放笑彈】男神變身保安拍MV 黃子華連環整蠱安仔	明報
邀笑匠拍MV 安仔請子華食雲吞麵報恩	東方日報

【大放笑彈】男神變身保安拍MV 黃子華連環整蠱安仔
明報 2016.07.05

許志安邀來男神黃子華客串新歌MV，兩人大放笑彈。

undefined
子華在MV演懶惰保安員，這身造型入型入格呢！

mingpao20160705c
安仔表示要請子華「食餐好」，報答其客串之恩。

Source: http://news.mingpao.com/ins/instantnews/web_tc/article/20160705/s00007/1467707647985

Line

邀笑匠拍MV 安仔請子華食雲吞麵報恩
東方日報 2016-07-05

睇安仔同子華嘅表情，就知個MV一定好好睇。

【on.cc東網專訊】正籌備全新廣東碟的許志安，為新歌《芝士》拍MV，請來「男神」黃子華參與演出，二人在MV中扮演保安員，不停放笑彈，用歌曲帶出正能量，為港人打氣！

知道要扮演懶惰保安員，子華未換衫埋位已經開始「入戲」，口裏一直咬着牙籤，還邊坐邊「印腳」；為滿足子華的表演慾，MV導演（樂隊RubberBand主音6號）沒有為二人安排對白，任由子華爆肚發揮。

子華爆前世欠安仔

劇情講述安仔四圍搵正在偷懶瞓覺的子華開工，因為「許志安」快要舉行活動，子華接着爆肚：「哦！陳秀文條仔嘛！」非常搞笑。

至於點解搵子華客串？安仔解釋：「今次MV導演係RubberBand嘅6號，歌詞都係佢寫，其中一句歌詞話『笑匠失蹤』，於是6號問我可唔可以搵到子華拍MV……」旁邊的子華未待安仔講完，即插嘴：「我唔係第一次幫安仔，我呢世人未試過做演唱會嘉賓，又幫佢（指安仔）做嘉賓，MV又客串埋，但我要鄭重聲明，我係唔客串，唔好搵我客串，但偏偏又幫佢客串，點解呢？我一定係前世欠咗佢，借咗五兩銀冇還到，今世要返嚟還，無可奈何到極。」

say cheese笑多點

子華畀足面，問安仔如何報答客串之恩？他說：「要食餐好，因為子華份人好嘴刁。」子華即插嘴：「即係起碼有碗雲吞麵啦！」期間工作人員問安仔可會擺結婚擺酒請子華飲？安仔語窒，子華乘勢大逼供：「你結咗婚咩？吓？佢唔答喎，我答囉，我未結婚。」

眼見近年香港人快樂指數不斷下降，安仔希望用新歌《芝士》提醒大家要經常「say cheese」笑多一點。問子華甚麼才是快樂？他一本正經說：「咩係真正開心？係你容許別人做佢開心嘅事，又容許自己做開心嘅事，咁先係開心嘅世界。」

未埋位子華就擺出一個hea樣。