新聞﹕2016.07.01舞台劇《前度》首晚公演 Part 2
黃子華舞台劇開鑼 楊怡羅仲謙拍拖朝聖
now新聞 2016.07.02
陳法拉（右二）在微博上載與黃子華（中）拜神切燒豬相，祈求演出順利。（微
【明報】黃子華與陳法拉合演的35場舞台劇《前度》，昨晚於演藝學院正式開演，獲大批圈中好友捧場，包括古巨基與老婆Lorraine、楊怡與羅仲謙、胡定欣、高海寧、宋熙年及陳爽等捧場；劉德華、鍾楚紅、陳慧琳等送上花籃祝賀。子華與法拉下午進行拜神切燒豬儀式，祈求演出順利。
子華陳法拉爆粗有牀戲
《前度》是改編劇，劇中法拉演子華下屬，年齡相距20年。子華本身有老婆及兒子，但背妻與法拉相戀6年；其後，子華老婆發現後，反而覺得法拉適合子華，支持子華與法拉一起，但法拉選擇離開，而子華老婆其後因病去世。3年後，子華與法拉重遇愛火重燃，有擁抱及牀上戲。他們的對白中夾雜中英文粗口，法拉還有出浴及圍毛巾戲。早前法拉透露苦練廣東話，見她發音改善不少。現場觀眾反應甚佳，不時被子華搞笑表現逗得哈哈大笑。
楊怡對於陳敏之懷孕，她替敏之開心，自己則隨緣。羅仲謙透露正拍攝網劇版《無間道》與羅嘉良合作，他笑言幫老婆還債，因楊怡之前錯過與羅嘉良合演劇集《與諜同謀》，楊怡對此說合作講緣分。
Source: http://news.now.com/home/entertainment/player?home=1&newsId=184530
黃子華親自邀請演舞台劇 陳法拉：4年後先得閒！
now新聞 2016.07.02
【now.com】由黃子華、陳法拉和劉俊謙主演的舞台劇《前度》（Skylight）昨晚正式公演，將合演35場。法拉和子華曾在電影飾演夫妻，今次再續前緣一樣默契十足，但原來子華一開始邀請法拉演出時竟慘食檸檬！
法拉早前去了美國進修戲劇，期間子華無意間看過《Skylight》，發現劇中兩位前度角色非常適合他倆，隨即隔空邀請法拉參演，子華說：「我本來唔打算做，純粹口痕話角色適合我哋，但法拉竟然『大言不慚』表示4年後先得閒參與。」
機緣巧合下，法拉其後在美國看過《Skylight》公演，看罷非常喜歡，結果不足兩星期就「反口」答應子華演出，子華笑言：「起初我邀請佢，佢又叫我等4年，最終演技發燒狂都要搵人開刀練習，呢個係好好嘅巧合同緣份。」法拉賣口乖指：「呢個係大好機會向前輩學習。」
此套舞台劇改編自同名英國著名舞台劇《Skylight》，出自英國政治戲劇元老Sir David Hare手筆，劇情不只著眼於愛情及兩性關係，更探討角色的社會背景及價值觀。子華透露很辛苦才拿到劇本：「此劇出自大師手筆，雖然演員唔多，但濃度高，含水量好低。」
法拉認為該劇故事複雜，但不失輕鬆幽默情節：「話題唔只係感情戲或社會話題，是將真實生活中的愛情、親情、成長混合，視乎觀眾點睇，只要覺得某部分有共鳴，就會擊中觀眾嘅心。我每次睇劇本、其他劇團表演都有唔同感受，有時候認為愛情或親情係命題，但有時候又會發現命題係社會主義同資本主義嘅對話。」
法拉起初竟斗膽請子華食檸檬！
但唔夠兩星期就反口了。
全劇只有3人演出，更永遠只有二人同台，但一樣張力十足。
法拉飾演高學歷教師。
子華飾演富商。
劇本不乏輕鬆劇情。
Source: http://news.now.com/home/entertainment/player?newsId=184543&home=1
舞台劇首日公演 黃子華見粉絲舉牌唔開聲
新浪網 2016.07.02
http://ww4.sinaimg.cn/bmiddle/66e6ab9cjw1f5fiuvchqqj20k00qo75r.jpg
噚日係棟篤男神黃子華同陳法拉嘅舞台劇《前度》首日公演，唔少圈中人都爭住去一睹男神同法拉互相鬥戲。
不時喺棟篤笑中以誇張笑料反諷社會嘅子華，雖然唔再搞棟篤笑。今次呢部舞台劇，雖然以情愛作為主線，不過劇中就安排唔少戲大講基層之苦，又會以老闆（子華）角度去睇基層同社會，有唔少人睇完都畀Like，覺得劇本同三位主角都做得相當好。子華同法拉更係喺劇中互相爆粗，話喊就喊，相當入戲。
完騷後，一班子華嘅粉絲於劇場外等侯，子華見粉絲都笑笑口，不過就唔出得聲，佢仲舉起牌話：「養喉護聲，不便說話。」個牌仲細細隻字話係中醫嘅命令，認真幽默。
http://ww4.sinaimg.cn/bmiddle/66e6ab9cjw1f5fiuwihumj20k00qota7.jpg
Source: http://ent.sina.com.tw/weibo/ent_news/3992791312581916
【冰凍提示】黃子華：睇《前度》一定要著多件衫！
明報 2016.07.02
蘇施黃大讚《前度》子華好、法拉好、俊謙好…
蘇施黃捧場看黃子華的《前度》，觀後感給了九個「好」，她留言：「子華好、法拉好、俊謙好、導演好、對白好、舞台好、整件事好好，如果你拿住《前度》的飛更好。」不過，阿蘇有特別提示：「如果你哋去睇，記住着多條衫或帶頸巾，冷氣凍到….」相信阿蘇沒有留意演出前子華與法拉拍了短片給入場看《前度》的觀眾秘笈：「一定要著多件衫！」。
法拉說這部戲好凍，凍冰冰生活，所以入場一定要著多件衫，綵排時她也穿長袖衫；俊謙則稱演藝學院的冷氣好凍。黃子華說環保的朋友會問為何不將冷氣收細？不應浪費電力。原因是要營造台上好凍的感覺，演員要穿著好多衫，無理由他們流著汗演戲，故現場環境比較冷。他說:「若果著唔夠衫，會影響觀賞集中度，因為太凍了。」子華稱這不是溫馨提示，是冰凍提示，若老人家或小朋友睇騷冷病便陰功了，希望大家著多件衫。
黃子華、陳法拉與俊謙拍短片給觀眾冰凍提示。
Source: http://news.mingpao.com/ins/instantnews/web_tc/article/20160702/s00007/1467450306618
【前度】群星捧場撐黃子華陳法拉開騷
明報 2016.07.02
昨晚大批圈中好友捧黃子華、陳法拉場。（網上圖片）
黃子華、陳法拉主演的舞台劇《前度》昨晚演出第一場，獲大批圈中好友捧場，包括古巨基夫婦、羅仲謙與楊怡、蔡一智、蘇施黃與金燕玲、馬浚偉、阮兆祥、高海寧等，星光熠熠﹗
完騷後，大批粉絲在門外等見男、女主角，二人亦樂於影相合照。不過，子華就搞笑地手持印有其中醫師下令的「養喉護聲 不便說話」紙牌，示意自己完成演出後不能開口說話。
黃子華手持紙牌告訴粉絲們，他被中醫下令完騷後不能說話。（網上圖片）
「男神」黃子華開騷，獲古巨基、蔡一智、蘇施黃、金燕玲等到場「朝聖」。（網上圖片）
楊怡與羅仲謙及馬浚偉把握機會找黃子華合照。（網上圖片）
黃子華獲宋熙年（左起）高海寧、陳爽、朱璇幾位靚女捧場。（網上圖片）
陳法拉、黃子華完騷後不忘和粉絲們合照。（網上圖片）
Source: http://news.mingpao.com/ins/instantnews/web_tc/article/20160702/s00007/1467440072064
【金錢vs感情】《前度》反映香港不同階層的對立與矛盾
明報 2016.07.02
陳法拉與黃子華在《前度》中的矛盾，其實跟香港現時不同階層的分歧很相似。
舞台劇《前度》改編自英國政治戲劇元老David Hare於20多年前撰寫的《Skylight》，藉一對相愛而無法一起的男女來探討社會不同階級在價值觀上的矛盾。《前度》的故事背景是90年代的香港，黃子華是白手興家的商人，陳法拉是教師，兩人相愛，卻因為價值觀分歧而分手。究竟子華和法拉有什麼矛盾呢？其實跟香港現時不同階層的想法很相似。例如，子華眼中的低下階層是不會做其他事，不值得讚賞；而法拉就認為是大家沒給予低下層發揮的機會。子華重視金錢；法拉重視感情。
當子華知道法拉為了使命感而放棄大學教席，轉去一間Band 5學校教書時，就認為她自以為是觀世音。子華又認為法拉永遠站在道德高地，不明白生意人面對的處境。法拉說︰「我每次看劇本、其他劇團表演也有不同感受，有時候認為愛情或親情是命題，但有時候又會發現命題是社會主義及資本主義的對話。」而子華則說︰「此劇出自大師手筆，雖然演員不多，但濃度高，含水量很低。」
Source: http://news.mingpao.com/ins/instantnews/web_tc/article/20160702/s00007/1467443792421
【首晚公演】黃子華擁抱前度 孖陳法拉好戲連場
明報 2016.07.02
黃子華與陳法拉在舞台上一時爭論一時纏綿。
黃子華、陳法拉及劉俊謙主演的舞台劇《前度》昨晚正式公演。子華身穿黑色間條西裝，頭上長了不少白髮，一副紳士的模樣，與戴上眼鏡的陳法拉一時擁抱纏綿，一時各執一詞地理論，好戲連場！
陳法拉前年在紐約修讀為期4年的戲劇碩士課程，今次與子華合作演出舞台劇，她覺得既能將學到的新技巧大派用場，又可趁機向子華偷師。
子華回憶當初邀請當時仍在紐約求學的法拉合作，法拉竟然大言不慚，說4年後才有時間，但結果法拉看過原著舞台劇《Skylight》後非常喜歡，不足2星期便答應演出。子華說：「我最初邀請她，她又叫我等4年，結果演技發燒狂都要找人開刀練習，這是很好的巧合及緣份。」
黃子華、陳法拉及劉俊謙主演的舞台劇《前度》昨晚正式公演。
黃子華與陳法拉雖然年紀相差一截，但非常合襯！
黃子華在劇中的角色似乎愛發表偉論
陳法拉與黃子華在劇中飾演前度男、女朋友。
陳法拉與黃子華在劇中有不少爭論場面。
黃子華發言時，陳法拉露出不滿表情。
面對另一男主角劉俊謙時，陳法拉開心得多！
Source: http://news.mingpao.com/ins/instantnews/web_tc/article/20160702/s00007/1467435422086
陳法拉放低女神包袱「性事」擺上舞台
東方日報 2016.07.02
陳法拉拋低女神形象。
【on.cc東網專訊】 陳法拉放下女神形象，與黃子華演出舞台劇《前度》頻頻爆粗，飾演喺外國教書返香港嘅陳法拉，憶述外國教書生活時，表示有男學生曾對佢講：「教乜Ｘ嘢書？幫我打Ｘ機！」又將男女性事掛在口邊，公然「挑逗」子華謂：「執多劑？你係咪咁快呀？」對白大膽令戲迷嘩然。
《前》劇改編自外國劇本，不過子華務求將之香港化，對白切合港人面對的生活問題。劇情交代法拉扮演的小三與子華分手3年，子華太太去世後，一晚內她先後與子華父子會面，盡訴心中情。
最強娛樂APP《東網巨星》，不時推出最新最好玩娛樂節目，除了早前推出的特備節目《發哥有Say》、《黎明話你知》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！
Video is available below.
晒集郵戰績 黃子華慘被整蠱「冇眼睇」
東方日報 2016.07.02
一班圈中人尋晚去咗睇子華同法拉齣舞台劇，搵佢哋集郵影相時，男神就變樣喇！
【on.cc東網專訊】 由黃子華同陳法拉演出嘅舞台劇《前度》尋晚正式開鑼，子華一向號召力驚人，加上女神法拉，唔少圈中藝人都去咗捧場！
咁既然咁難得有飛入場喎，去後台搵兩位主角影相是常識吧！就好似有楊怡、羅仲謙、阮兆祥、馬浚偉、古巨基同老婆Lorraine等，而當中楊怡同法拉一見面就糖黐豆咁，攬到實又嘟晒嘴影相，感情超好！不過有兩張相嘅亮點同樣落咗喺子華神…對電眼上喎！
着住西裝加有少少染咗灰髮嘅子華，兩張相對眼都係一樣…就係半瞇半合「No Eye See」，其實佢係咪只係交緊戲呀？不過咁大整蠱呀，雖然張相有少少濛，但個個都相安無事，點解係男神先出事㗎？但點都好啦，係子華就係神、就係靚仔有型啦！
最強娛樂APP《東網巨星》，不時推出最新最好玩娛樂節目，除了早前推出的特備節目《發哥有Say》、《黎明話你知》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！
張相係濛濛哋嘅，但點解馬浚偉（最左）、楊怡、羅仲謙（最右）都冇事嘅？
仲有呢張呀……同阮兆祥影相都係咁，其實子華（右）係咪交緊戲呀？
呢張唔算太清…而古巨基（最左）、蘇施黃（子華右邊）、金燕玲等都有影相！
楊怡微博
蘇施黃微博
阮兆祥微博
Source: http://hk.on.cc/hk/bkn/cnt/entertainment/20160702/bkn-20160702102625819-0702_00862_001.html
子華發口痕邀法拉合作 等足4年
東方日報 2016.07.02
等足4年先促成合作。
【on.cc東網專訊】 女星陳法拉完成戲劇碩士課程後，回歸舞台與黃子華主演的舞台劇《前度》昨晚公映，法拉將過去兩年在課程上學到的新技巧大派用場，並向大師級的子華取經，實在是難得的演出經驗。原來二人曾在電影飾演夫妻，今次再續前緣，默契十足，吸引圈中好友到場觀賞。
談到今次合作，原來是子華看畢原作的《Skylight》後，認為角色相當適合他與法拉，隨即邀約對方：「我本來不打算做，純粹口痕說角色適合我們，但法拉竟然『大言不慚』，表示4年後才有空參與。」但法拉看過《Skylight》後大感興趣，不到兩星期便回心轉意，子華說：「起初我邀請她，她又叫我等4年，最終演技發燒狂都要找人開刀練習，這是很好的巧合及緣分。
呢套舞台劇源自子華睇咗一本叫《Skylight》的書。
當時佢即刻就搵法拉。
因為覺得角色好適合佢。
子華自言當時係發口痕。
點知法拉好認真咁話「等我四年」。
尋日呢套舞台劇終於正式公映。
法拉讀完書返嚟演技有冇進步呢？
咁就要問觀眾喇！
Source: http://hk.on.cc/hk/bkn/cnt/entertainment/20160702/bkn-20160702170307824-0702_00862_001.html
【《前度》全劇透 】子華演技震懾全場觀眾 法拉眼淚話流就流
蘋果日報 2016.07.02
黃子華、陳法拉首次合作演出之舞台劇《前度》完場，喺劇中嘅演員喺第三幕開始入戲，包括之前未warm up嘅法拉都好投入，同子華默契都好好。法拉獨腳戲好長，社會對社工唔公平嘅批判同唔理解，社會人士同官員只流於表面嘅關心，成段獨腳戲法拉感情紓發都好出色，眼淚話流就流，明顯比之前兩幕演出有改善。
至於子華喺第三幕有一場戲質疑法拉唔承認相愛，場戲佢要發好大脾氣，仲推晒啲嘢落地，子華排練冇白費，演技非常出色，全場觀眾俾佢震懾，屏息靜氣咁睇兩人演出。
下半場嘅第三、四幕仍然都唔少對白爆粗，連啱啱進修完嘅法拉都唔例外，佢有幕講到以前教band 5學生時，就扮啲學生講：「教乜X嘢書呀鬼婆，幫我打飛機啦。」
而成個舞台劇嘅故事就係十年前20歲嘅陳法拉，因為一次返工，喺黃子華同前妻嘅咖啡店做咗一個鐘頭嘢，之後因為子華同前妻囡囡出事，所以留低咗法拉一個喺鋪頭等佢哋兩公婆返嚟，之後就融入咗佢哋嘅家庭，之後子華就同法拉發生咗6年嘅不倫之戀。直到法拉寫畀子華嘅情信畀佢前妻發現，法拉就一走了之，而子華就留喺度。
過咗一段時間，子華太太患上絕症，子華就同埋老婆同仔搬走咗，但之後子華就性情大變，子華個仔就去咗搵法拉，當見面後，子華就同法拉重修舊好。
之後佢哋兩個開始回望過去，又一路傾將來，子華以為苦盡甘來，一路發現兩個嘅想法有好多唔同，好似階級觀念、對唔同事情嘅睇法，子華同法拉一直不停爭吵，但又好愛對方，最後都分手收場。
喺第三幕完咗之後，有觀眾以為全劇完，仲拍晒手，不過其實仲有第四幕，就係子華囝囝出場，帶咗個英式早餐嚟同法拉一齊食，最後以輕鬆形式完結。
Source: http://hk.apple.nextmedia.com/enews/realtime/20160702/55304962
【金句喪鬧】子華插爆理大冧天台：「種乜X嘢！」
蘋果日報 2016.07.02
子華喺劇入面加咗唔少金句，插爆一班社會高層離晒地。
男神黃子華同法拉嘅舞台劇《前度》頭場完騷後，有觀眾睇完之後話值9.5分，好笑得嚟又講到社會話題。
《前度》呢套劇喺仍然好似棟篤笑咁處處金句，例如講男女關係，佢話：「上帝創造處女，男人創造婦女。」、「最正嘅感情係兩個人光明正大，毫無保留，亦係最危險，因為你就係得兩個人，要瞓晒身落去先得。」、「（男女關係）千絲萬縷，唔係執一劑就搞掂。」
之後法拉講到搭巴士可以睇到人生百態，子華就插嘴：「如果你同我一樣出身寒微，就知搭巴士無乜嘢學。」子華插得政府最應嘅係，劇中講到種花，似係暗諷理大冧天台，又諷刺幫財團收地唔畀機會香港農夫耕田：「種乜X嘢！香港政府應該禁止啲人種嘢！」
子華以往開棟篤笑有唔少金句
佢為咗《前度》排練得好認真
早排理大冧天花，子華喺劇入面就講咗句：「種乜X嘢！」
Source: http://hk.apple.nextmedia.com/enews/realtime/20160702/55304852
【誰站在道德高地？】法拉=基層 vs 子華=老闆 《前度》說的是撕裂中的香港
蘋果日報 2016.07.02
《前度》是愛情故事，也是兩個政客去講政治。劇本改編自David Hare在二十多年前的英國著名劇本《Skylight》。本港資深戲劇工作者、天邊外劇場藝術總監陳曙曦任導演，著名劇作家莊梅岩任編劇，「只要搵到一齣自己好鍾意嘅劇，就算無人睇都會做的話，咁我先會做。至多預咗無人睇囉。」黃子華早前接受訪問時說。
故事背景是20年前，即90年代的香港。劇本中的英國地名和人名改為道地香港，一對不倫戀的男女深愛對方，但兩人存在不同階級間價值觀爭拗。法拉是平民教師，子華是白手興家的商人，價值觀分歧令兩人即使非常相愛，但最後仍無法一起。這種割裂，就像現今的香港，充滿矛盾對立。
全劇只有三個演員，但每場戲最多只有兩位演員同場，兩角之間的矛盾更具張力。
1.子華在劇中，經常把司機阿輝掛在嘴邊，「阿輝」就是代表了子華眼中的「低下層」/工人/下人，不值得被讚揚，而且不懂做其他工作，「獨沽一味」；法拉卻認為只是大家從沒給「阿輝」發揮的機會。
2.法拉是碩士畢業，但她覺得自己有一種使命感，故毅然放棄在大學任教，改為到上水一間Band 5學校教書。但對子華而言，法拉此舉無疑是當自己是「救世主」、觀世音，抱「救贖」之心生存，相當離地。
3.子華事事以金錢掛帥，法拉珍視的卻是感情。
4.子華是生意人，為人現實，覺得法拉不明白他們商人的處境，甚至是看不起經商者。
5.子華認為法拉站在道德高地批判他們。
「以前香港無咁多矛盾，近幾年好多，20年前我哋唔明的東西，現在就明了。」導演陳曙曦如是說。
Source: http://hk.apple.nextmedia.com/enews/realtime/20160702/55304941
【子華神作！】舞台劇融合棟篤笑 觀眾畀足9.5分
蘋果日報 2016.07.02
《前度》頭場完場，觀眾話反映到社會嘅訊息。（攝影：陳慧安）
黃子華、陳法拉首次合作演出之舞台劇《前度》啱啱完場，睇完嘅觀眾陳先生就話：「我覺得個故事帶嚟好多社會嘅訊息，反映咗唔同階層嘅角度，生意人、學生、老師，講得好全面，唔似官方講嘅說話，係啲好民間嘅說話。」陳先生仲有講到法拉：「佢都做得唔錯，就算有少少食螺絲，都覺得好自然，咁先似係佢自己講嘅嘢。」
問到陳生鍾意睇子華嘅棟篤笑定係舞台劇，佢就話今次已經係舞台劇融合咗棟篤笑，10分滿分會畀9.5分。
另一位觀眾梁先生就話子華同法拉嘅表演都好好，問到覺唔覺得話題好貼地，佢就話：「都係民生想講嘅，我都知呢個劇本係翻譯返嚟，而0依家個劇本都有好多香港事，都睇得出翻譯好比心機，都講得出我嘅心聲，好似生活會遇到嘅嘢，例如好似法拉講坐巴士嘅時候，好似我自己都會享受呢種感覺。」
子華神作完場！
Source: http://hk.apple.nextmedia.com/enews/realtime/20160701/55304871
【金句大盤點】有子華點會冇金句：千絲萬縷，唔係執一劑就搞掂
蘋果日報 2016.07.02
今晚係黃子華同陳法拉主演嘅舞台劇《前度》首晚演出，有子華神喎，當然貫徹冷嘲熱諷嘅風格兼金句啦，o依家就同大家數金句啦！不過記住，今次係舞台劇，唔係棟篤笑，所以金句數量未必好多。如果你唔想被劇透，你仲走得切……
3，2，1…嚟料
講男女關係：
1.「上帝創造處女，男人創造婦女。」
2.「最正嘅感情係兩個人光明正大，毫無保留；亦係最危險，因為你就係得兩個人，要瞓晒身落去先得。」
3.「千絲萬縷，唔係執一劑就搞掂。」
日常生活﹕
法拉話搭巴士可以睇人生百態，子華反駁：「如果你同我一樣出身寒微，就知搭巴士無乜嘢學。」
其中一段幕講種花，暗諷城大冧天台﹕「種乜X嘢！香港政府應該禁止啲人種嘢！」
講階級觀念：「（司機）阿輝唔係一個人，係一個司機。」
Source: http://hk.apple.nextmedia.com/enews/realtime/20160702/55304960
【演處女舞台劇】口痕撩陳法拉再續前緣！ 黃子華：她又叫我等4年
蘋果日報 2016.07.02
黃子華、陳法拉舞台劇《前度》噚晚正式公演。
由黃子華、陳法拉同劉俊謙主演嘅舞台劇《前度》噚晚（1/7) 正式公演，連埋加場合演35場，醉心演戲嘅陳法拉，在事業高峰期，選擇去美國進修為期4年嘅戲劇碩士課程，被子華稱為「瘋狂的人」。
今年7月迎接新挑戰，同「男神」黃子華合作處女舞台劇《Skylight》（前度），該劇改編自同名英國著名舞台劇《Skylight》，出自英國政治戲劇元老Sir David Hare手筆，劇情唔止著眼於愛情及兩性關係，更探討角色嘅社會背景及價值觀。
法拉今次可以將過去兩年喺課程上學到嘅新技巧大派用場，同時向大師級子華偷師，對於曾於電影飾演夫婦嘅法拉及子華，今次「再續前緣」默契十足，當初亦因為子華無心插柳，先促成今次兩人再度合作，法拉進修期間，子華無意間睇過《Skylight》，發現劇中兩位前度角色非常適合佢同法拉，隨即隔空邀請，子華表示：「我本來不打算做，純粹口痕說角色適合我們，但法拉竟然『大言不慚』，表示4年後才有空參與。」
機緣巧合下，法拉其後於美國睇過《Skylight》公演，好鍾意個劇本，佢就講：「故事很適合香港人欣賞，然後便開始研究可有機會將該劇帶來香港。」結果唔夠兩個禮拜，法拉抵受唔住故事嘅誘惑，答應子華演出，子華就話：「起初我邀請她，她又叫我等4年，最終演技發燒狂都要找人開刀練習，這是很好的巧合及緣份。」法拉亦賣口乖稱：「這是大好機會向前輩學習。」
提到《Skylight》最吸引之處，法拉認為呢套劇故事複雜，但不失輕鬆幽默情節，「話題不只是感情戲或談及社會話題，是將真實生活中的愛情、親情、成長混合一起，視乎觀眾怎樣看，只要覺得某部分有共鳴，便會擊中觀眾的心。我每次看劇本、其他劇團表演也有不同感受，有時候認為愛情或親情是命題，但有時候又會發現命題是社會主義及資本主義的對話。」而子華則透露好辛苦先拎到劇本，「此劇出自大師手筆，雖然演員不多，但濃度高，含水量很低。」
連埋加場合演35場
法拉趁機向大師級子華偷師
當中亦有輕鬆幽默情節…
Source: http://hk.apple.nextmedia.com/enews/realtime/20160702/55305798
【一like一票】瓊姐搞「堅係‧男神」選舉 子華無懸念領先
蘋果日報 2016.07.02
「男神」呢兩個字，成日都聽到人講，個個都可以係男神咁，但又有冇一個係大家公認嘅男神呢？今日高登瓊姐就喺facebook搞咗個娛圍男神選舉，實行要搵一個真男神出嚟。
今次瓊姐搞嘅男神選舉，就人人都可以提名，只要提名瓊姐睇完核實咗之後，大家就可以一like一票，嚴格嚟講都算係一人一票(有幾個facebook帳號另計)。
個post出咗短短個幾鐘，已經有好多網民提咗名同投票，被提名嘅有：劉德華、郭富城、金城武、黎明、黃子華、張敬軒、碧咸、周星馳、Johnny Depp、盧海鵬等等，不能盡錄。
而暫時得票最高就係黃子華，暫時以2304個like領先，黎明就以976個like緊隨其後，網民睇好子華：「子華神應該無對手。」「 真係3歲到80歲嘅男同女都會認同佢係男神嘅事實，無得輸。」「黃子華眾望所歸！」連王宗堯都留言話﹕「子華堅啊！」
個選舉7月12號就會截止，7月14號就會公佈邊個係真正嘅男神，到底子華係唔係真係眾望所歸呢？
瓊姐喺facebook搞咗個娛樂圈男神選舉
子華高票領先
Source: http://hk.apple.nextmedia.com/enews/realtime/20160702/55306689
謙謙楊怡拍拖睇子華
蘋果日報 2016.07.02
■陳法拉與黃子華合作的舞台劇昨晚舉行首場，她昨在fb貼拜神相。
黃子華與陳法拉主演的舞台劇《前度》共開35場，昨晚在灣仔演藝學院公演首場，楊怡與老公羅仲謙、古巨基、胡定欣、馬浚偉等前來捧場。羅仲謙表示忙裏偷閒：「拍緊《無間道》電視版，今日放假，嚟學吓嘢。」提到陳敏之有喜，楊怡笑言：「好戥佢開心，我自己就隨緣。」
另外，舞台劇昨晚一開場，子華、法拉及劉俊謙已有不少粗口成份的對白，當中包括「問完你然後唔X理你」、「我住嗰區，唔係見到仆街就係廢柴」等。其中一幕子華談及兒子：「我睇過一啲係外星人入侵年輕人，佢哋唔同晒，最叻質疑上一代，否定一切，我唔係老竇，係腦殘，成日話淨識買賣，乜都唔識，好似喪屍咁唔諗嘢，淨係識得搵錢搵錢。」
採訪：黃曉妍、盧妹
Source: http://hk.apple.nextmedia.com/entertainment/art/20160702/19678266
《前度》首演默契足 子華爆當初遭法拉請食檸檬
頭條日報 2016.07.02
子華與法拉再續前緣好甜蜜。
黃子華、陳法拉和劉俊謙主演的舞台劇《前度》昨晚正式公演，為合共35場的演出揭開序幕。子華與法拉過往曾在電影中飾演夫妻，今次「再續前緣」默契十足，是晚除爆粗台詞外，子華和法拉不乏攬抱錫面場口，都表現自然。
話說促成今次二人再度合作，全因子華當初無心插柳。事緣子華無意間看過同名英國著名舞台劇《Skylight》，發現劇中兩位前度角色非常適合他跟法拉，隨即隔空邀請在紐約修讀戲劇碩士課程的法拉參演。子華說：「我本來不打算做，純粹口痕說角色適合我們，但法拉竟然『大言不慚』，表示4年後待她完成課程才有空參與。」
機緣巧合下，法拉其後在美國看過《Skylight》公演後，非常喜歡該劇本。她說：「故事很適合香港人欣賞，然後便開始研究可有機會將該劇帶來香港？」結果不足兩星期，法拉難抵故事誘惑，答應子華演出。子華說：「起初我邀請她，她又叫我等4年，最終演技發燒狂都要找人開刀練習，這是很好的巧合及緣份。」此時法拉即賣口乖說：「這是大好機會向前輩學習。」
法拉認為該劇故事複雜，但不失輕鬆幽默情節，「話題不只是感情戲或談及社會話題，是將真實生活中的愛情、親情、成長混合一起，視乎觀眾怎樣看，只要覺得某部分有共鳴，便會擊中觀眾的心。我每次看劇本、其他劇團表演也有不同感受，有時候認為愛情或親情是命題，但有時候又會發現命題是社會主義及資本主義的對話。」子華則透露很辛苦才拿到劇本，「此劇出自大師手筆，雖然演員不多，但濃度高，含水量很低。」
法拉與劉俊謙
Source: http://hd.stheadline.com/news/realtime/ent/1077907/
祥仔激讚子華舞台劇夠「貼地」 撐粗口對白無傷大雅
頭條日報 2016.07.02
「男神」黃子華與陳法拉主演的舞台劇《前度》昨晚首演，子華與法拉透過劇本講盡各個社會階層的心聲，子華的對白更不乏粗口，法拉亦放下女神形象講「打飛機」。兩人當然免不了有攬攬及錫面場口，認真破格！謝幕時，子華表示首場公演造就了「黃牛黨」發達，慨嘆這是悲劇。
完騷後，阮兆祥及蔡一智大讚子華改編的劇本夠「貼地」，法拉的表現令人眼前一亮，祥仔更力撐粗口對白可令角色更立體，無傷大雅！
此外，觀眾陳先生及梁先生大讚劇本及主角表現好；林小姐則覺得此劇好搞笑，就連偶像法拉爆粗也覺得好搞笑。
留言列表
子華市政局 (資料) (1)
