~*~oLi in Dayoland~*~

新聞﹕子華為《大家樂》代言 Part 4

【黃子華拍廣告】「關公」被濫用 負評冇得避
蘋果日報 2016.05.20

又召喚「關公」？昨天出街的大家樂廣告，找來男神黃子華做主角，鬼鬼馬馬「壞心」做好事，希望散播正能量，讓大家重拾快樂。本來最正面的廣告，放上官方facebook專頁，又惹來負評連連，投訴連鎖快餐店服務差、食物質素參差，網民嘆氣說，男神都救唔番，連邵仲衡也轉載，仲話「睇留言得人驚！」難道真的召喚萬千寵愛在一身的facebook專家黎明先救得番？於是找了資深廣告人兼社交網絡專家「路迪涼」Rudi和《廣告狂人》主編Raymond，請教如何拆解「關公災難」。

Rudi聽到消息後笑了一笑，「哪來那麼多『關公災難』？」誠然，自從品牌加入社交媒體之後，關公越來越忙碌，每次有新一輪廣告攻勢，總會惹來負評。即使最近邀請明蝠俠和腦細林日曦拍廣告的雀巢咖啡，出街幾小時就吸引200多萬瀏覽，依然有人翻提品牌在破壞熱帶雨林的新聞，Raymond也道：「大型品牌都背負不少原罪。」那應該如何拆解？Raymond舉出嘉士伯早前就網絡紅人Lulu做代言被插，最終由facebook小編秒回政策，以幽默化解「災難」的例子，表示取決於品牌態度。Rudi則認為，大家樂較為大眾，而且今次惡意批評較多，負評非常主觀；網民亦不是不喜歡代言人黃子華，品牌難以用同一套方法拆解。說到底，Rudi表示，意見當然可以聽，品牌不用太緊張掀起所謂「關公災難」，認為說法已被濫用，避無可避。Raymond都覺得，要有好的形象，最終也是改善服務。香港人輕鬆啲，畀關公唞吓，不要經常OT，得閒搵吓周公囉。

記者：馬朗澄

Source: http://hk.apple.nextmedia.com/supplement/special/art/20160520/19619348

網民鬧快餐店人情厚豬扒薄 無辜子華捲關公災難
蘋果日報 2016.05.20

■黃子華得到不少網民愛戴，卻未能為連鎖店拍廣告起死回生。

黃子華的威力確實是非同小可，不做棟篤笑，轉型演舞台劇一樣掀起話題，日前舞台劇門票公開發售，24場門票火速售罄，連鎖快餐店大家樂即刻乘勢推出最新廣告，找來黃子華做男主角，最新的廣告又大賣溫情，還以為一定會大受歡迎，但事實上又未必。前日大家樂將廣告片放上官方facebook，雖然一日內已經有86萬次瀏覽，有2.9萬個like，接近1,000人留言，反應相當熱烈，不過畀like並不是給這個廣告，而是網民給男神黃子華的支持。     

■在大家樂全新廣告入面，子華做了一個很有心的神偷，為大家尋回快樂。

fb小編致歉

黃子華號召力強大，連品牌方面認為找黃子華做代言人，說明他出名做棟篤笑，啜核金句受港人歡迎，代表到香港文化，大家一拍即合。而快餐店全新廣告以「快樂」為賣點，男神充當歲月神偷，子華在片中不斷「插贓嫁禍」，以這個方式跟大家一同尋找失去多時的快樂，但廣告中似乎冇人見到子華，除咗個小妹妹之外，唔知他係人定鬼！但有網民笑指：「以我咁多年睇戲嘅經驗，呢個黃子華應該係一隻鬼嚟。」子華這廣告，更引爆出另一場關公災難。
在新廣告的留言版上，近千個留言中大部份都是對該快餐店的食物質素、員工態度，衞生環境等等作出劣評，網民留言：「廣告一流，廣告客戶九流，人情厚，但你個焗豬扒飯薄過紙皮。」亦有網民指：「用好多錢去搵子華做主角，廣告效果係幾好睇，不過呢間快餐店好多低下層小市民光顧，佢並無想過使錢去改善食物質素、份量、清潔同員工福利！」大家樂的fb小編見到劣評如潮，昨急急致歉回覆：「好多謝大家好有愛嘅留言，我哋會繼續努力、繼續改善。」

撰文：非非

Source: http://hk.apple.nextmedia.com/entertainment/art/20160520/19619260