~*~oLi in Dayoland~*~

新聞﹕子華為舞台劇《前度》綵排 Part 1

黃子華預告舞台劇「純粹好睇」
明報 2016.05.20

黃子華

黃子華與陳法拉將於7月演出舞台劇《前度》，黃子華今日於大角嘴綵排，他步出一幢大廈時表示陳法拉要等車，所以他先獨自離開。黃子華表示現時綵排進度非常理想，問他今次舞台劇有何特別元素？他說：「沒什麼特別元素，沒什麼飛天遁地，但卻是好看的戲，純粹好睇，沒什麼嘩眾取寵的東西。」

提到舞台劇已賣掉大部分門票，黃子華對未能買到門票的粉絲說不好意思，至於會否加場，黃子華說：「無場。（會否轉場？）轉場場景複雜，不是這麼簡單。」

Video interview is available below.

Source: http://news.mingpao.com/ins/instantnews/web_tc/article/20160520/s00007/1463752774330

子華同法拉行6層樓梯排練
星島日報 2016.05.20

黃子華昨日現身土瓜灣一棟唐樓。 

文：娛樂組

黃子華跟陳法拉主演舞台劇《前度》將於7月1日假灣仔演藝學院公演，共24場。日前門票公開發售，吸引到近百戲迷排隊，門票亦迅速售罄。
公演在即，昨日黃子華跟陳法拉現身土瓜灣一棟唐樓，兩人行樓梯到6樓進行排練，而兩人排練至傍晚才離開。

Source: http://toronto.singtao.ca/887229/2016-05-21/post-%E5%AD%90%E8%8F%AF%E5%90%8C%E6%B3%95%E6%8B%89%E8%A1%8C6%E5%B1%A4%E6%A8%93%E6%A2%AF%E6%8E%92%E7%B7%B4/?variant=zh-hk

子華神擔遮出巡！途人舉機博命影
東方日報 2016.05.20

子華神呢個造型，雖然由佢演繹特別有韻味，不過唔知大家又BUY唔BUY呢？

【on.cc東網專訊】 黃子華與陳法拉合演的舞台劇《前度》，早前公開發售門票，並於兩小時內幾乎被掃清。

今日子華親自駕車離開寓所前往綵排，下車後，他直踩上位於唐樓六樓的排練室，經過6個幾鐘綵排後，步出時被問到門票被搶購一事，他說：「真係唔好意思，啲場畀人book咗，冇場，轉場又唔係咁簡單。」

法拉快閃走人

問到舞台劇有甚麼元素時，他直言：「冇咩特別元素，冇飛天遁地，淨係一套好睇嘅戲，純粹好睇，冇嘩眾取寵。」身為男神的子華沿途行去取車時，不時被途人舉機拍攝，而於子華離開後，女主角陳法拉亦告現身，一早Call定的士的她，更極速飛身上車走人。 

男神指定動作2：思考MODE。

男神指定動作3：我要努力向上。

男神指定動作4：天然呆。

f

男神指定動作5：發表偉論。不過無論點都好，男神今日嘅主題，應該係教大家，落雨一定要帶遮！

男神係咁畀人影。

無論記者定途人，都係咁舉機。

陳法拉就快閃上車

Source: http://hk.on.cc/hk/bkn/cnt/entertainment/20160520/bkn-20160520191711999-0520_00862_001.html?eventsection=hk_entertainment&eventid=402883474d7616cc014d8bbe1ac271b6

【女神返咗嚟喇！】淡妝陳法拉新鮮抵港 甜笑殺晒
蘋果日報 2016.05.20

 男神黃子華今日下晝1點幾，現身大角嘴一棟唐樓，為舞台劇《前度》綵排，不過女主角陳法拉呢，就唔見人喎！

到傍晚6點左右，排咗足足5粒鐘子華神終於做完綵排落樓。雖然排咗咁耐，不過子華神落嚟對住記者，都係keep住蓮子蓉口面，一啲倦態都冇。問佢排劇進度如何？子華就話：「進度好理想，應該會排到開騷前！」問到今次舞台劇有咩特別元素，子華神簡而精咁答：「冇，總之係好睇嘅舞台劇！」

子華神揸車走咗後約半個鐘，終於見到化淡妝嘅法拉現身，不過就唔係用子華落嚟條樓梯，而係喺隔籬舖頭閃出嚟，一出到街，已經有助手幫佢截定的士。記者沿途嗌住法拉，想佢停低影張相，不過唔知法拉係咪去咗美國讀書兩年，唔係好慣面對鏡頭，冇答記者就9秒9上車走人。

排足5粒鐘，子華神終於現身啦！

嘟嘴矇眼都係男神！

問子華舞台劇有咩特別元素，佢chok住話「冇」。

Source: http://hk.apple.nextmedia.com/enews/realtime/20160520/55127593

【跟住男神上六層樓】黃子華大角嘴唐樓「登高」冇難度
蘋果日報 2016.05.20

(攝影：黃曉程、梁繼光)(蘋果日報)

 男神黃子華同陳法拉嘅舞台劇《前度》早前公開發售24場門票，短短兩粒鐘已被掃清，只係剩番啲單丁位，就知子華神有幾大魅力，而陳法拉差唔多兩年長期喺美國讀書，好少講廣東話，目前講廣東話麻麻哋，所以要佢都要再練習兼上堂學廣東話(新聞連結： http://bit.ly/1TtHpJd )。

黃子華近日努力綵排舞台劇，今中午12點左右，揸車由北角寓所去大角嘴，將架車泊咗喺一個爛地停車場，落車發現有記者在場，佢都好nice，只係問在場記者係邊間報館，子華沿路都chok到爆咁拎住把傘，不失子華神嘅風範。

佢仲好有氣力咁一口氣行上唐樓六樓，去到一個叫「水泊劇場」嘅地方，梯間貼有一個「90Club」嘅紙、另有一張「假普選方案一定唔袋得」嘅poster。

子華行上樓梯時都好友善，任由記者影相，行到去門口，佢就笑笑口：「大家唔好再跟嘞!」之後佢就入咗去準備綵排。

子華一落車，就發現在場有記者

亦nice爆任由記者影相。

行得相當chok…

呢個子華神pose…真係冇得輸…

仲一口氣行樓梯上六層樓!

Source: http://hk.apple.nextmedia.com/enews/realtime/20160520/55125949