新聞﹕子華公佈舞台劇預告 Part 2－~*~oLi in Dayoland~*~

新聞﹕子華公佈舞台劇預告 Part 2

新聞列表
子華法拉合演舞台劇	星島日報
相隔4年男神回歸舞台劇劇迷儲定錢睇子華法拉纏綿曖昧	晴報
子華法拉演舞台劇	澳門日報
男神發威	澳門日報
黃子華舞台劇七一開騷暫定18場最貴飛賣$880	蘋果日報v
對香港前景太悲唔識引人笑黃子華暫別棟篤笑戀法拉做舞台劇	蘋果日報v
暫棄棟篤笑7月玩舞台劇子華法拉迷離情最低消費$280	頭條日報d

子華法拉合演舞台劇
星島日報 2016.04.28

singtao20160428
黃子華擺出Chok爆甫士拍攝短片。

文：娛樂組

相信所有黃子華的粉絲，都必然十分欣賞偶像演出棟篤笑的對白夠曬抵死又爆笑。不過黃子華日前於社交網站專頁公布將於7月演出舞台劇，更上載與未曾合作過的陳法拉一段短片，隨即令不少粉絲紛紛回應，相信將會引發朝拜偶像的撲飛潮。
短片中，陳法拉出現後，黃子華稱她是我老婆聘用的，隨即法拉則謂子華是她的舊老闆，第一次見到對方就知大家有啲嘢。其後子華以Chok爆甫士現身，指自己老婆死了，但她反而走了，不負責任。雖然短短幾句對白，但似乎講緊感情瓜葛。

Source: http://www.singtaousa.com/724618/post-%E5%AD%90%E8%8F%AF%E6%B3%95%E6%8B%89%E5%90%88%E6%BC%94%E8%88%9E%E5%8F%B0%E5%8A%87/

Line

相隔4年男神回歸舞台劇劇迷儲定錢睇子華法拉纏綿曖昧
晴報 2016.04.28

skypost20160428a
晴報 - 相隔4年男神回歸舞台劇劇迷儲定錢睇子華法拉纏綿曖昧

【晴報專訊】「大眾男神」、「香港棟篤笑始祖」黃子華，千呼萬喚，又來了！子華昨日在fb個人專頁上載一段影片，宣布跟「高登女神」陳法拉演出舞台劇，大批引頸以待的粉絲即瘋狂追問詳情，更有粉絲留言要儲定錢撲飛。今次「子華神」強勢回歸，外間反應非常熱烈，大批粉絲話要mark實公開售票日期，就知男神魅力沒法擋。

子華繼12年演出舞台劇《野豬》後，不少粉絲都期待他再有新搞作，昨日終於傳來好消息，他將再演舞台劇。子華前晚已在fb個人專頁故作神秘：「聽日有嘢睇！」搞到粉絲議論紛紛，吊咗成晚癮，子華昨日終於上載一條一分鐘的預告片，原來係公告天下佢同陳法拉一齊演舞台劇。

暫定開18場

片中一開始就見到法拉，子華旁白：「佢係我老婆請嘅。」法拉則表示子華是她的舊老闆，又指第一眼看見子華就知道大家有啲嘢，意味兩人在劇中有曖昧關係；之後畫面轉到子華：「我老婆死咗，佢就反而走咗。不負責任。」法拉就話自己不想再見到對方，又指一切已經不同了，但子華沒有放棄：「佢唔喺度，我搵佢囉，我要一個交代、一個說法！」影片來到這兒便完結，為舞台劇留下伏綫。預告片上載短短一日，超過六萬次瀏覽，認真厲害。

其實子華和法拉去年曾合作演出電影《神秘寶藏》，由陳嘉上和鄭中基聯合執導，但電影至今仍未上映，不過無論如何，男神配女神這個組合已經夠晒噱頭。雖然子華上載的影片沒有透露舞台劇上演日期及地點，但昨日有消息傳出公演日期由7月1日至21日，逢周一停休，暫定演出18場，地點在灣仔演藝學院歌劇院，票價最高$880。以子華今時今日的地位，大批網民已計劃四出撲飛，有粉絲話已經等唔切好想睇。

子華今次棄棟篤笑轉戰舞台劇，原來是有段古，話說上周一，子華上過蕭若元的網台節目，他表示現今的香港社會已令他笑不出，本來想今年搞棟篤笑，但對香港前景太悲觀，所以度不出笑話，子華說：「我喺香港好多年，係一個地道香港仔，香港由一個我認識的香港，發展成今日的香港，我點能夠說一個香港的故事，再做一次棟篤笑。喺一個咁嘅狀況，我諗好多嘢已經笑唔出，唔知點笑。」

skypost20160428b
55歲的子華外形十年如一日，堪稱不老男神。

skypost20160428c
去年，黃子華曾與趙碩之（左二）及鄭中基（左三）等宣傳電影《神秘寶藏》，但電影至今仍未上映。

skypost20160428d --/YXBwaWQ9eW5ld3NfbGVnbztmaT1pbnNldDtoPTM1MjtpbD1wbGFuZTtxPTc5O3c9NjAw/http://media.zenfs.com/en_us/News/skypost/JLA_01_d_20160428_L.jpg
相隔4年男神回歸舞台劇劇迷儲定錢睇子華法拉纏綿曖昧

skypost20160428e

撰文：Pat、Iris、Steven
協力：采兒
編輯：黃寶恩
插圖：何樂
設計：鄧俊明

Source: https://hk.news.yahoo.com/%E7%9B%B8%E9%9A%944%E5%B9%B4%E7%94%B7%E7%A5%9E%E5%9B%9E%E6%AD%B8%E8%88%9E%E5%8F%B0%E5%8A%87-%E5%8A%87%E8%BF%B7%E5%84%B2%E5%AE%9A%E9%8C%A2%E7%9D%87%E5%AD%90%E8%8F%AF%E6%B3%95%E6%8B%89%E7%BA%8F%E7%B6%BF%E6%9B%96%E6%98%A7-224607388.html

Line

子華法拉演舞台劇
澳門日報 2016.04.28

macau20160428
⬅子華又有新搞作

子華法拉演舞台劇

因棟篤笑演出而走紅的黃子華，最近又有新搞作。“黃子華 · 子華本部”Facebook專頁昨日貼出一條一分鐘的影片，原來是子華和陳法拉合演舞台劇的宣傳片，有傳該舞台劇將於七月上演。

片中一開始，畫面出現法拉的樣子，之後子華便開始旁白：“佢係我老婆。”然後畫面出現子華的樣子時，法拉便說：“佢係我舊老板……”而其後，兩人就不斷交接，各自獨白：“我老婆死咗，佢就反而走咗，不負責任。”、“佢唔喺度，我搵佢囉！”“我要一個交待、一個說法。”令人猜測這齣舞台劇在訴說一段“三角關係”。雖然暫未有詳情公佈，但網友都表示十分期盼子華和法拉的演出。

子華除了拍過多齣電影和電視劇之外，也曾演出《男親女愛舞台劇》、《男磨坊ART》、《咁愛咁做》、《野豬》等舞台劇作品。

Source: http://news.qoos.com/%E5%AD%90%E8%8F%AF%E6%B3%95%E6%8B%89%E6%BC%94%E8%88%9E%E5%8F%B0%E5%8A%87-2044765.html

Line

男神發威
澳門日報 2016.04.28

講真一句，我從未看過黃子華的棟篤笑。但他每次開騷總會場場爆棚，而且不用太多宣傳，粉絲一收到消息便會熱烈捧場。

無線最近重播黃子華與蔡少芬的《棟篤神探》，有時間就會看看，但並非日日追看。如今才發覺除了黃子華搞笑外，原來蔡少芬也頗有喜劇細胞，兩人合作產生不少火花。

今年市道不好，各人消費要睇餸食飯，惟是人在低落期，也想找些娛樂輕鬆一下。黃子華前晚在Facebook專頁公告將會做舞台劇，女主角更是男人心目中的“女神”陳法拉。黃子華這一消息公佈後，立即引來不少粉絲的迴響，紛紛留言問開騷日期。看來一班粉絲已準備彈藥捧男神女神場了。

究竟黃子華這個舞台劇是甚麼劇目？演出時間和地點又如何？子華在Facebook沒有公佈。但始終紙包不住火，聞說他會在演藝學院演出十八場。

黃子華對自己真係信心十足，畢竟這不是棟篤笑，是舞台劇！以前他在電影圈有“票房毒藥”之稱，今次演舞台劇，又是戲劇類。不過，相信黃子華一定心中有數，例不虛發，否則，怎能稱得上是“男神”？

方筱

Source: http://news.qoos.com/%E7%94%B7%E7%A5%9E%E7%99%BC%E5%A8%81-2044758.html

Line

apple20160428

男神黃子華噚晚喺facebook專頁公告嚟緊會做舞台劇，女主角係從未合作過嘅女神陳法拉，夠晒新鮮(新聞連結：http://bit.ly/21eUvM6)，子華嘅post一出，果然箭不虛發，唔少fans引頸以待紛紛留言問開騷日期等，準備撲飛，雖然大會至今仍然保密所有資料，不過《蘋果》收到可靠消息，據知今次子華嘅舞台劇訂於七一開騷，由七月一日公演至廿一日，逢星期一休息，暫定十八場，地點係灣仔演藝學院歌劇院。

至於票價方面，最貴飛訂價係$880，其次為：$680、$480、$380、$280，以舞台劇嚟講，最貴飛賣$880，呢個價錢仲貴過陳奕迅同鄭秀文嘅演唱會飛!話晒上次子華喺2012年公演《野豬》舞台劇，票價都係 $420、$360、$280。

不過，今時唔同往日，以子華今日時今日嘅地位，$880，fans一定話係抵睇嘅!

Source: http://hk.apple.nextmedia.com/enews/realtime/20160427/55035209

Line

【C1頭條】對香港前景太悲唔識引人笑黃子華暫別棟篤笑戀法拉做舞台劇
蘋果日報 2016.04.28

現年55歲的棟篤男神黃子華前年在紅館舉行篤棟騷《唔黐線唔正常》，由於當時雨傘運動熾熱，子華在台上撐學生講佔中嘲高官，結果被傳列入內地黑名單，廣州站的棟篤騷傳被取消！事隔兩年，前晚子華在facebook專頁公告將重返舞台，然而，今次卻不是舉行至煞食的棟篤笑，而是已經四年沒做的舞台劇，並轉貼跟女主角陳法拉的一條短片，從暫時披露的內容中，舞台劇似以愛情為題材，不牽涉政治。

男神子華和高登女神法拉首次合作，在片中兩人輪流自述，子華說：「佢係我老婆請嘅。」法拉說：「佢係我舊老闆，我第一次見到佢，我就知道我哋有啲嘢。」道出了婚外情的矛盾孽緣，子華續說：「我老婆死咗，佢就反而走咗，不負責任。」法拉就表示不想再見到他：「乜嘢都唔同晒。」最後子華說：「佢唔喺度吖嘛，我搵佢囉，我要一個交代，一個說法。」短片上載YouTube短短半日，已有逾五萬瀏覽，網友紛留言撲飛。

雖然大會仍未公佈舞台劇資料，但本報獲可靠消息，舞台劇將於7月1至21日假演藝學院舉行，逢周一休息共演18場，門票最貴為$880，雖然舞台劇內容似不涉政治，但子華卻巧合地揀選7.1開騷，似乎心仍未冷！日前子華接才子蕭若元的網台節目《蕭遙遊》訪問，宣告「封咪」未來兩年都不會再做棟篤笑，因為自己已笑唔出。

子華在節目中說：「我係一個地道香港仔，香港由一個我認識嘅香港，發展今日咁嘅香港，我點能夠講一個香港嘅故事，再做一次棟篤笑，喺一個咁嘅狀況，我諗好多嘢已經笑唔出，唔知點笑，大勢係悲觀，人類從來都係悲觀嘅，作為一個香港人，我希望嚟緊一個騷，去總括一下自己。」

問到何時再做棟篤笑，子華笑說：「其實睇吓我幾等錢使，o依家時勢講乜都有人鬧你，讚唔讚你都唔重要，香港好慘地方係藝壇有周潤發，而政壇係冇周潤發、冇劉德華嘅人物，o依家有一個思潮係大家乜都唔要，唔要黃子華扮嘢，我唔會話呢樣嘢啱定錯，但係香港未來點走呢？中國人唔易接受人哋講笑話，所以我有呢個任務，如果大家接受，我點都要講多次。我最近7月會做一個舞台劇，棟篤笑我呢一、兩年都未必把握到。」子華更指視蕭若元為恩人，因當年對方提議他做喜劇，之後子華接拍《男親女愛》爆紅，蕭若元提到自己怎點化對方：「子華做戲用一種比較冷嘅方法處理，當你好冷時，個人投入度係唔夠，應有冷同有熱嘅acting，我當日只能夠畀到呢啲意見佢。」

2000年子華演出50場《男親女愛》舞台劇創紀錄，之後作品有《男磨坊ART》、《咁愛咁做》和《野豬》，今次跟法拉合作是第五部舞台劇，粉絲引頸以盼，內地淘寶網已經有代購，索價每張訂金100元人民幣，但大會發言人昨表示：「目前仲未有任何網上預訂或公開發售，其實除咗官方合作機構之外，冇其他途徑可以買飛，一切等公佈購票詳情才作準。」