~*~oLi in Dayoland~*~

新聞﹕子華籌備電影《棟篤特工》 Part 2

化身港版Mr. Bean　子華新片孖阿佘查案
東方日報 2016.04.28

呢個男神同女神嘅組合，唔知大家又buy唔buy呢？

【on.cc東網專訊】 「棟篤男神」黃子華近日動作多多，昨日爆出他除了將演出舞台劇外，更將會與蕭定一合作新片。蕭定一今日再接受《東網》訪問，坦承有相關安排，更透露新片暫名為《棟篤特工》。

子華在片中飾演一名流落香港的英國特工，表面上係一位私家偵探，其實主要係幫社會問題研究解決中心做嘢。女主角方面，蕭定一透露睇中佘詩曼，他說：「因為佢哋喺劇集《絕代商驕》合作得好有火花，佢會演黑社會大佬嘅老婆，坐咗十年監之後返出嚟搵子華尋仇，因為佢喺十年前委託子華搵老公，但一直冇下文。」新片題材是動作喜劇，風格類似《戇豆先生》及《國產凌凌漆》。子華與阿佘在片中更會戲劇性地齊齊查案，點解佢哋會由「仇家」變「拍檔」呢？呢個轉折聽落都幾得意喎。

叫子華退出影壇？

有指黃子華在電影票房方面，一直「表現」平平，問到蕭定一為何願意投資，他笑言：「子華嘅人氣同各方面都好適合再喺影壇衝刺，所以決定拍呢套戲，今次大家都盡地一煲！」蕭定一更謂新片相當適合子華，並搞笑謂：「如果咁都唔成功，佢可以退出影壇！」

最強娛樂APP《東網巨星》，不時推出最新最好玩娛樂節目，除了早前推出的特備節目《發哥有Say》、《黎明話你知》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！

Source: http://hk.on.cc/hk/bkn/cnt/entertainment/20160428/bkn-20160428164543881-0428_00862_001.html

【女主角係佘詩曼】黃子華再拍港產片：被遺忘的香港人…
蘋果日報 2016.04.28

 《樹大招風》，說的是三個大賊在香港主權移交前，發生的故事。

黃子華新片，說的是一個來自香港的英國特工，在97後身份被遺忘的故事。

7月1日將與陳法拉演出舞台劇的黃子華，活於上「梁」不正下「梁」歪的香港，實在笑不出，所以，棟篤笑，不搞了，改為演舞台劇。舞台劇完後，子華小休兩個月，即又開工拍新戲，女主角是曾合作劇集《絕代商驕》的佘詩曼。留意番，係百分百純港產片，唔係合拍片！

如前所述，黃子華飾演一個被前宗主國——英國遺忘的特工，有點似《國產凌凌漆》的周星馳，佘詩曼則是飾演坐完監的黑社會頭子的女人，簡稱「阿嫂」。

新片叫《棟篤特工》，搞笑得嚟又有愛情元素同偵探片味道。杜sir副導謝夫執導，黃子華身兼主角及編劇。故事係講黃子華97年之前為英國做特工，點知事頭婆皇冠頭一甩，子華隨之「失去身份」，成為孤兒仔，阿媽(英國)唔要佢……

(睇到呢度，是否難掩心中狂喜？子華神終於講番佢最拿手嘅政治!金句即時彈出：「香港回歸中國，就好似阿媽標個仔參，邊個俾贖金？依家香港嘅問題，係婆媳糾紛，所謂婆媳糾紛，係種必然瀨嘢嘅關係……」)

返嚟先返嚟先，子華神新片嘅故事情節未講完0架。

頭先講到子華神呢個俾英國阿媽遺棄嘅特工，無依無靠惟有靠自己，開咗間「人口問題處理中心」——即係私家偵探社。子華神係一個善良嘅私家偵探，唔想教人離婚，反而想幫人調解糾紛和好如初咁樣。直至有一日，黑社會大佬個老婆——佘詩曼坐完監出嚟，搵子華晦氣。原來阿佘十年前搵過子華神幫佢搵老公，搵咗十年都搵唔到，咁梗係要找佢晦氣啦。

未完0架，戲肉，依家先到。有一個後生仔，發明咗一隻「真性情藥」，食完後真性情表露無遺，例如顧家好男人突然獸性盡現搞人老婆咁啦……子華神就同阿佘聯手調查呢單嘢，想刮個0靚仔出嚟研究
解藥。正當佢哋以為成功打到大佬之際，先至發現背地裡原來有更大陰謀——佢哋發現，原來好多行為瘋狂嘅人，根本都冇食呢隻「真性情藥」0架…

同《絕代商驕》一樣，子華神同阿佘今次都有輕愛情線，劇情亦有幾分似子華神聲演嘅電影《優獸大都會》，兔仔同狐狸拍檔調查肉食動物點解忽然狂性大發，原來又係俾人餵藥。大橋難免會撞，反而好想睇下黃子華點樣演繹呢種「必然瀨嘢嘅關係」呢！

Source: http://hk.apple.nextmedia.com/enews/realtime/20160428/55039054

拒拍劇 強攻電影破咒
蘋果日報 2016.04.28

■子華在02年曾與郭羨妮合作拍《一蚊雞保鑣》，惜票房慘淡。

男神黃子華出山，不過就不是做強項棟篤笑，而是跟女神陳法拉做舞台劇。原來除了舞台劇之外，子華還計劃與蕭定一合作拍一部喜劇電影。有傳無綫欲開拍《男親女愛》續集，但由於子華忙於舞台劇及籌備電影，所以這兩年內都不會為無綫拍劇。
子華再度挑戰從來沒成功過的電影範疇，大膽講句計往績他亦算得上票房毒藥之列，他在2002年自導自演與郭羨妮合拍的電影《一蚊雞保鑣》，當年無聲無息上映了五日，票房僅得11萬。不過據知今次子華只會負責自編自演，近日更差不多每天都在蕭定一公司與監製陳穎倫開會度橋，據在場人士形容他們每日度橋都笑到不停口，電影的定位會是港產笑片，而不打算在內地上映。果然子華是有一種「邊度跌低，要喺邊度企番起身」的小強精神。
採訪：李森 

Video is available below.

Source: http://hk.apple.nextmedia.com/entertainment/art/20160428/19589038

新戲講港人被遺棄 子華點名拍阿佘
蘋果日報 2016.04.28

■子華和阿佘在劇集《絕代商驕》合作無間，更加點名要求找阿佘齊齊拍新片。劇照

黃子華捨老拍檔鄭裕玲（嘟姐），而選擇與女神陳法拉合作演出舞台劇。子華同時與蕭定一合作籌備一套純搞笑港產片《棟篤特工》，跟曾經合作拍攝劇集《絕代商驕》的佘詩曼合作。據悉，戲中子華飾演的英國特工在97後被遺棄在香港，疑似是港人97年回歸後的寫照。

■郭羨妮在02年與子華拍《一蚊雞保鑣》，票房慘淡。劇照

■郭羨妮在02年與子華拍《一蚊雞保鑣》，票房慘淡。劇照

誓破票房毒藥

男神子華7月跟法拉完成舞台劇，將會小休兩個月後，9月便會開工拍新戲，今趟他將自編自演，導演一職會交由新晉導演、杜琪𥧌的副導謝夫負責。子華在舞台成績斐然，不過在電影上就有「票房毒藥」的稱號，自導自演的《一蚊雞保鑣》更錄得只有11萬票房的紀錄。
不過投資《棟》片的蕭定一另有看法，他昨接受電話訪問時說：「有信心嘅，話晒佢成十幾年冇拍電視，啲觀眾唔介意畀錢入場睇。同埋睇子華演出大嘅後生仔都大個，係一班新嘅消費群。」他透露很想拍一部港式喜劇，本地喜劇演員已所餘無幾，至於阿佘是子華點名要求合作，因為之前合作《絕》劇時非常合拍。
《棟》片故事講述子華原本是英國頂級的特務，但在97回歸後隨之「失去身份」成為留港的孤兒，惟有自食其力開設私家偵探社。有日飾演黑社會頭目老婆的佘詩曼放監，前去找子華晦氣，之後二人輾轉合力調查「真性情藥」襲港案，吃了藥的人會獸性盡現，更發現製藥背後的巨大陰謀。故事內容頗似近日子華配音的動畫《優獸大都會》（Zootopia），片中他聲演的狐狸與拍檔兔子，同樣是調查城中的狂獸事件。
採訪：何永寧

Source: http://hk.apple.nextmedia.com/entertainment/art/20160429/19590614