~*~oLi in Dayoland~*~

紅館講笑話　記掛金鐘抗爭  黃子華為港人哭了
蘋果日報 2014.10.12

■黃子華昨承認最近香港發生的事令他有好多感觸。資料圖片

■子華前晚談起雨傘革命，在台上說起港人「光明磊落」四字，似哽咽落淚。互聯網圖片

■前晚有近十萬人在金鐘集會，抗議政府擱置與學生對話。資料圖片

【雨傘革命】一直希望帶給人歡笑的男神黃子華，前晚繼續佔領紅館開騷，但昨日網上瘋傳子華在台上「哭了！」指他談起雨傘革命時低頭哽咽道：「我哋香港人……係光！明！磊！落！」子華昨日受訪時承認為港事感觸良多。而何韻詩、黃耀明等亦無懼內地封殺，自組「文化界監察暴力行動組」（文化監暴）到金鐘紮營抗爭到底，希望政府能醒覺。

黃子華前晚在紅館舉行棟篤笑《唔黐線唔正常》，連日都有講到雨傘革命，更大談早前親到佔領地旺角切身體會，指港人勇敢，和平，善良，接下來我們的考驗，是智慧。前晚一場，黃子華繼續講佔中，講香港人的高尚情操，但適逢前晚有近十萬人因不滿林鄭月娥代表政府宣佈拒絕與學聯對話，身在紅館未能與港人一齊逼爆金鐘的子華，說到香港人的美麗一面時，一度哽咽，說不下去。當時子華謂：「可能到最後我哋乜嘢都得唔到，但係……我哋已經……已經向全世界……證明咗……我哋香港人……係光！明！磊！落！」中間停頓了三次，說不下去，又停下來，掩面低頭，全場鼓掌逾半分鐘。不少觀眾議論紛紛，說子華哭了，有看騷的觀眾在網上留言：「今晚子華好似想喊咁。」、「見到佢哽咽……我都忍唔住喊呀。」子華昨日接受本報電話訪問表示沒有喊，他說：「冇哽咽，不過咁多晚，噚晚好有深深感觸，嗰種感觸係由於香港人咁多年嚟，終於能夠光明磊落一次。」是否與林鄭有關？子華謂：「唔關事，我係對整件事嘅發生有深感觸。以後都唔會再咁激動，𠵱家唔係時候。」

Source: http://hk.apple.nextmedia.com/entertainment/first/20141012/18897154
 

【一個學生也不能受傷】黃子華喻雞蛋與高牆：不容一粒雞蛋粉碎
蘋果日報 2014.10.12

(資料圖片)

黃子華前晚喺紅館棟篤笑講到香港人經過今次雨傘革命後，終於證明了，「香港人終於可以光明磊落一次！」說到此時，子華一度垂頭掩面，說了三次，還是說不下去，似是感觸落淚，但子華事後接受本報電話訪問時否認哭了，仲話，依家仍然不是激動的時候 :「以後都唔會再咁激動，依家唔係時候。」

噚晚子華繼續紅館棟篤笑，不過是夜子華未有再提「香港人終於可以光明磊落一次」此句，但仍然保留香港人具備智仁勇中的仁勇，同埋佔領行動見證美麗港人和平勇敢而且善良的本質。不過，子華噚晚亦講咗一樣，之前咁多場都未講過嘅對白，就係村上春樹嘅雞蛋與高牆。

「我哋一向講，雞蛋，高牆，我好希望提醒一下，我哋今次唔係雞蛋與高牆，我哋今次係雞蛋撼高牆，高牆後面仲有一座山，我哋面對係呢樣嘢。呢句說話係由村上春樹講出嚟0架啦，各位，喺雞蛋高牆之間我哋一定選擇站喺雞蛋嘅一邊，但大家唔好搞錯，無論村上春樹，或者我哋任何人，都唔希望見到，有一粒雞蛋係粉碎，係咪？我希望我哋香港人有咁嘅智慧。我哋有仁，有勇，我希望我哋都有智慧，去保護我哋自己，不容一粒雞蛋粉碎，好唔好？」全場報以熱烈掌聲。 

Video is available in teh link below

Source: http://hk.apple.nextmedia.com/enews/realtime/20141012/53008737

【黃子華論89】點解警方發87枚催淚彈？ 子華篤爆：「89」好敏感！
蘋果日報 2014.10.12

黃子華噚晚於紅館棟篤笑中，繼續大談佔中。佢話:「個騷我籌備咗兩年，半年前寫好稿，佢上個禮拜就佔中。」又要求大家俾佢繼續講少少關於佔中，先講催淚彈(同梁振英講嘅催淚煙係同一樣嘢)。子華問大家，可知點解928當日警方只係放87枚催淚彈？(溫馨提示：今日梁特首喺大台直播新聞節目中講明放催淚煙呢個決定唔關佢事)問完，子華當然會解釋俾大家聽：「點解87就停呢？因為，你再發，就88；再整多支，就89 0架喇喎。89係一個好敏感嘅數字，冇人想記起89有催淚彈，同埋89又會令你記起689。唔好提醒佢，唔該。」

子華又提到:「如果我哋特首有啲公關技巧嘅話，市民係唔需要同警隊對抗0架。人民同警隊點會唔係一家人呢？警隊係專業嘅，但係用催淚彈係唔專業。大家諗一諗，過去香港幾十年發咗幾多次催淚彈？平均廿年都冇一次，你廿年都冇煮一次餸，你敢認大廚？你廿年都冇煮一次餸，咁你肯定係業餘0架喇，咁你上次落多咗鹽，係可以原諒0架嘛？所以警隊佢哋發催淚彈，係一時多咗，因為佢哋係業餘0架嘛！」

子華又話抗爭市民都係業餘:「你哋都係冇收到錢去0架嘛？都係業餘0架嘛？」

到底有冇人收錢抗爭？套用番噚晚揸貨櫃車欄住《蘋果》大樓嗰位司機叔叔話齋:「你都知咩嘢事啦！」  

Source: http://hk.apple.nextmedia.com/enews/realtime/20141012/53008828