新聞﹕2017.03.02電影《棟篤特工》開鏡拜神儀式 p.1－~*~oLi in Dayoland~*~

新聞﹕2017.03.02電影《棟篤特工》開鏡拜神儀式 p.1

新聞列表
黃子華新片開鏡拍佘詩曼最緊要保「億譽」	on.cc東網
開新戲無票房壓力黃子華：靠億億聲女星佘詩曼照住	明報
【票房有冇壓力？】子華神話慣咗冇票房：不過唔好累阿佘「億譽」	蘋果日報
黃子華習慣無票房靠阿佘億萬女星帶旺	頭條日報

Line

黃子華新片開鏡拍佘詩曼最緊要保「億譽」
on.cc東網 2017.03.02

黃子華同佘詩曼套新片開鏡喇！！！仲有親熱戲𠻹？

藝人黃子華與佘詩曼（阿佘）在上環為新片《楝篤特工》開鏡拜神儀式，子華相隔三年再拍電影，二人對上一次合作已經是七年前的拍無綫劇《絕代商驕》。子華笑謂阿佘應該好開心，因七年來都見不到他，阿佘則謂：「你開心啲，可以請食飯！」子華就表示性格改變了，就連今日帶銀包但不帶錢。

冇想像中咁一般
子華早前謂與阿佘是否有親熱戲要視乎對方，他續說：「我好被動，觀眾都唔想睇呢啲，係要激烈啲嘅！（打戲？）我係受聘於佢，使晒佢啲錢！」阿佘則謂一生都為了追捕對方。至於可有感情線？子華笑稱：「我同阿佘一行埋就係情侶啦！（有親熱？）唔係想像中咁一般，嗰啲對我嚟講微不足道啦！」

劇本係第十稿
擔任編劇的子華直言本來一年前就要拍，但不斷改劇本，如今已經是第十稿，阿佘則笑謂以為是第六稿。子華亦稱劇本貼近社會得來亦有點離地，笑指：「我係007師傅。（鬧出笑話多？）係主要目的！（香港拍？）應該係。」

怕影響阿佘「億譽」
阿佘的角色是位高權重的人，被問是否影射香港官員？她說：「唔係影射，但係有呢個職位，但唔係為咗啲政治嘢！（造型似一啲官員？）係新造型！」被問到有否票房壓力時，她謂不到她控制，子華更笑指：「我就不嬲冇票房，所以一啲壓力都冇！」他又續稱阿佘是億億聲女星，不能影響她的「億譽」故有壓力。

兩人為新片進行《楝篤特工》開鏡拜神儀式！

子華話有冇親熱戲要睇阿佘喎，仲話要激烈啲呀！

唔係想像中咁一般！

講到有冇票房壓力，子華笑言一向冇票房，係驚影響阿佘「億譽」！

而子華就要使晒阿佘啲錢！

唔使咁Chok呀！？

Source: http://hk.on.cc/hk/bkn/cnt/entertainment/20170302/bkn-20170302161318910-0302_00862_001.html

Line

開新戲無票房壓力黃子華：靠億億聲女星佘詩曼照住
明報 2017.03.02

黃子華與佘詩曼今日出席電影《棟篤特工》開鏡儀式時互送高帽，互稱對方為「神級編劇」和「億億聲女星」。

黃子華、佘詩曼今日出席電影《棟篤特工》開鏡儀式。佘詩曼在戲中飾演一名全力追捕黃子華的香港高官，而黃子華的角色則是007的師傅，子華自嘲其角色雖貼近社會卻又非常離地。

問到票房壓力，佘詩曼笑言非她能控制，一切交由神級編劇黃子華。子華就說：「我習慣了沒有票房，所以無壓力﹗不過，阿佘是個『億億聲女星』，我不想影響了她的『億譽』，相信她會照住我！」

事隔7年再合作，佘詩曼不停叫黃子華請食飯

黃子華表示《棟篤特工》的劇本前後改了10次，現在覺得完美了才正式開拍

Source: http://ol.mingpao.com/php/showbiz3.php?nodeid=1488444462680&subcate=latest&issue=20170302

Line

【票房有冇壓力？】子華神話慣咗冇票房：不過唔好累阿佘「億譽」
蘋果日報 2017.03.02

(攝影：黃曉妍)

「男神」黃子華同佘詩曼今日喺上環為新片《棟篤特工》進行開鏡拜神，佢哋相隔7年再度合作，子華對阿佘話：「對你嚟講就好短，對我嚟講就好長，你開心啲，7年冇見我。」阿佘即刻話：「唔係你開心啲？7年冇請食飯。」子華笑言今日只帶咗一個斗零都冇帶銀包。

子華透露喺戲中飾演一名受聘於阿佘嘅人，主要係使晒阿佘啲錢。問到有冇感情線？子華話：「有，我同阿佘行埋就係情侶啦，唔使做任何嘢。」有親熱戲？子華繼續話：「唔係想像中咁，係非常咁奧妙，唔係一般嗰啲，嗰啲對我嚟講係微不足道。」

問到子華係咪花咗好多心機喺劇本上？佢話：「問阿佘等咗幾耐，原本係1年前拍，依家都第10稿。」阿佘表示以為係第6稿，子華話：「希望畀靚仔啲、完美啲嗰個（劇本）畀你。」提到阿佘飾演一位香港權力最高嘅人，係咪因爲想貼近社會，所以劇本一改再改？子華話：「好近社會，好離地都喺晒入面。」點樣離地？子華話：「我係007嘅師傅，冇冧巴嘅，你話幾離地。」阿佘角色有冇影射成份？阿佘話：「影射又唔係，呢個職位，香港都有呢個職位咁解，冇政治上嘅嘢。」阿佘嘅角色有冇咩特徵或者打扮？佢表示係一個全新造型。

問到對票房有冇壓力？阿佘話：「又唔係我哋控制到，我哋有神級編劇。」子華笑住話：「我慣咗冇票房，你話我有冇壓力吖，我一啲壓力都冇，不過阿佘係億億聲嘅女星，唔好累阿佘，影響佢嘅「億譽」，相信佢個人咁旺，近啲佢，食燒豬都會好味啲。」阿佘即刻叫子華多啲請食飯，子華即嗌監製：「買啲飯盒靚啲！」

子華神話今次整到最好嘅劇本先俾阿佘。