~*~oLi in Dayoland~*~

新聞﹕2016.08.03子華教《前度》觀眾睇騷禮儀 p.1

演出遭電話鈴聲騷擾 子華籲觀眾尊重舞台
東方日報 2016.08.04

好多人都去咗支持子華同法拉。

【on.cc東網專訊】 由黃子華、陳法拉主演的舞台劇《前度》昨晚加場開騷，亦是舞台劇第25場演出。法拉和子華早前在演出期間，因遭到觀眾的手機滋擾，法拉曾在社交網站勸喻觀眾尊重表演者，法拉的粉絲更因而送上「祝全場關手機，加場演出成功！」的花籃。但昨晚觀眾席上有觀眾依然故我，演出期間依然有鈴聲響起！

正當法拉和子華全情投入演出嗌交戲時，台下突然響起鈴聲，對舞台上的二人造成滋擾。結果子華在謝幕時，呼籲大家尊重台上每一位演出者，緊記將手機關掉，子華幽默表示：「好彩剛才響起係一首我唔熟悉嘅歌曲鈴聲，但喺鈴聲響起剎那，我又同法拉嗌交嗌到火紅火綠，影響情緒之餘，我又擔心手機響起之後，坐喺佢旁邊嘅觀眾可能會『殊』一聲叫響手機嘅人唔好嘈，令台下響起一連串不同嘅聲音！」子華呢番寄語深長嘅說話，獲得台下掌聲支持和贊同。

此外，曾與法拉合作《溏心風暴》一劇的李司棋、關菊英等昨晚亦有到場支持，對於兩位前輩到場，法拉相當開心。

最後仲一齊同子華大合照。

Source:

【大契細契撐場】子華幽默寸觀眾睇《前度》唔熄手機 搞到台下嘈
蘋果日報 2016.08.04

陳法拉之前於微博鬧爆有一男子喺舞台劇《前度》進行中，他「無、數、次」用手機發出SOS閃光，低頭回覆短訊，而哪一道強光照亮佢副尊榮。經過大肆報道之後，原以為大家已經接收到入場睇騷要熄機嘅訊息，點知……

黃子華、陳法拉公演35場舞台劇《前度》，噚晚加場頭場開騷，法拉有影迷送花祝賀，花藍上寫上「祝全場關手機，加場演出成功」，真係應景，不過入場嘅時候，可能有人睇唔到，喺演出期間，竟然有人冇熄手機，仲響起鈴聲。

結果子華喺謝幕嗰時忍唔住出口，以佢一貫幽默嘅作風話：「好彩剛才響起的鈴聲歌曲晤係 "做隻出色的馬仔"（子華主唱《熱鬥小馬》主題曲），而係一首我唔熟悉的歌曲鈴聲，但喺當鈴聲響起剎那，我又同法拉嗌交，嗌到火紅火綠，影響情緒之餘，我又會擔心手機響起之後，坐喺佢旁邊嘅觀眾可能會 "殊" 一聲叫響手機嘅觀眾唔好嘈，最後台下就一連串響起唔同嘅聲音！」講完，梗係掌聲梗係如雷貫耳！

除咗咁之外，噚晚仲有李司棋同關菊英去棒法拉場，《溏心風暴》大契同細契見到法拉成長，演技又進步，都好開心同欣慰，見到面時，仲即刻抱抱法拉。

g

司棋姐同子華似乎傾得幾開心。

Source: http://hk.apple.nextmedia.com/enews/realtime/20160804/55454238