~*~oLi in Dayoland~*~

新聞﹕2016.08.14子華與《前度》台前幕後消夜慶功 p. 2

黃子華耗洪荒之力冇得抖
東方日報 2016.08.16

黃子華和陳法拉辛苦演出，慶幸舞台劇叫好叫座。

黃子華與陳法拉順利演出三十五場的舞台劇《前度》，前晚台前幕後拉隊到銅鑼灣消夜慶功。子華表示仍然冇得抖：「要還廣告債，仲會同蕭定一合作拍喜劇。（舞台劇演出順利？）我都用咗洪荒之力o架，中間病咗三日。（食禁藥？）係呀，所以唔踩得單車、唔做得運動囉！」

至於法拉則會在港多留一星期拍廣告，然後返美國繼續學業。問到是否捨不得？她說：「都係，最快聖誕返嚟！要搵食，所以幾日都返嚟，不過兩年時間好快就過。（無綫搵你拍劇？）好似搵經理人傾過，不過我唔可以接時間太長嘅工作。（今次返嚟演舞台劇做暑期工，夠畀剩低嘅學費？）梗夠嘞！多謝老

Source: http://orientaldaily.on.cc/cnt/entertainment/20160816/00282_014.html

子華法拉慶功冇Part2
蘋果日報 2016.08.16

■子華和法拉前晚完騷後到銅鑼灣慶功。

黃子華夥拍陳法拉的舞台劇《前度》開足35場，前晚圓滿結束，二人完騷後拉隊到銅鑼灣慶功。子華笑着說：「好開心，35場我都用咗洪荒嘅力㗎，都病咗3日，食咗幾日藥。」又透露稍後會參與蕭定一的電影。
問子華會否開Part2？他說不會，指法拉要飛返美國開學。法拉說：「我留多一個星期左右走，有啲廣告要拍，放寒假再返嚟，要搵食嘛！」問無綫有否找她拍劇？法拉自言沒有接觸，但經理人好似傾過，惟她不可以接時間太長的工作。她又笑謂今次回港做暑期工要多謝老闆子華，子華即謙稱表示今次有投資者，與他無關。

Source: http://hk.apple.nextmedia.com/entertainment/art/20160816/19737406

35場舞台劇落幕 自嘲食禁藥 黃子華：用咗洪荒之力
都市日報 2016.08.16

雖然《前度》叫好又叫座，子華同法拉都異口同聲話唔會開Part 2。

由黃子華同陳法拉合演的一連35場《前度》舞台劇，前晚終於順利完成最後一場，曲終人散。話晒辛苦咁耐，二人完騷後就拉大隊去慶功啦！子華透露暫時未有得休息住，要繼續拍廣告，稍後仲會拍電影，粉絲們有福啦！講到舞台劇能夠順利演出，佢好開心咁話：「呢35場我都用咗洪荒之力㗎！」估唔到子華忙於演出嘅同時，都可以追得咁貼，不愧為子華神呀！

當黃子華宣布同陳法拉合作演出舞台劇《前度》時，即引起全城搶飛熱潮，令到舞台劇加場再加場，最後加到成35場，都咪話唔犀利！而話咁快前晚已經係最後一場，完騷後子華同法拉跟一眾台前幕後出席慶功宴，食番餐勁嘅！入食肆前，子華先接受傳媒訪問，佢表示完成演出後未有得休息，要還廣告債，又要同蕭定一合作拍喜劇電影，真係好忙呀！不過對於舞台劇能夠順利演出，子華即笑謂：「好開心，35場我都用咗洪荒之力㗎！中間病咗3日，食咗幾日藥。（食禁藥？）係呀，所以唔踩得單車、唔做得運動囉。」百忙之中都緊貼奧運消息，兼一個完美靚抽，真係抵子華被封為男神啦！

法拉返美讀書
至於法拉則透露一星期後就要返美國繼續讀書，其間亦會拍廣告賺學費，法拉笑言：「放寒假再返嚟，斷斷續續都會返嚟，要搵食嘛！」不過佢大爆今次回港做暑期工要多謝老闆子華，皆因單係舞台劇的演出就已經夠畀之後的學費，似乎賺唔少喎！而早前有傳無綫有意搵法拉回巢拍劇，佢坦言：「有搵經理人傾，但我冇接觸過，不過我都唔可以接時間太長嘅工作。」言下之意即係冇得睇法拉返娘家拍劇？

完騷後，子華着住浴袍同個舞台自拍。

完成35場舞台劇，子華（左）同另一演員劉俊謙一齊開香檳慶祝啦！

Source: http://www.metrohk.com.hk/?cmd=detail&id=316718

食禁藥完成35場舞台劇 子華戲言用足「洪荒之力」
頭條日報 2016.08.16

※子華與法拉前晚拉隊慶功。

黃子華和陳法拉首次合作演出舞台劇《前度》，前晚順利完成35場演出；子華笑言今次用了「洪荒之力」演出35場，但期間病了三日，更搞笑謂有吃禁藥。

黃子華與陳法拉合演的舞台劇《前度》，前晚於香港演藝學院上演最後一場，為35場演出劃上完美句號，兩人其後出席慶功宴。

黃子華透露完成舞台劇後不會休息，因要緊接投入蕭定一投資的電影，需要理解角色，而且又要拍廣告；子華表示：「好開心做完35場，我都用了『洪荒之力』演出，其間有三日病了（有冇食禁藥？）有呀！所以唔可以踩單車同做運動。」

而陳法拉表示跟子華曾合作電影，今次合演舞台劇，希望將來也可在電影方面再合作，又謂下月一日便開學，故只會留港一星期還廣告債後，便要返美國開學，更笑言自己都要搵食。問到可會演出續集？兩人均表示難以夾檔期。法拉表示想到很快返美國感覺不捨得，因為今次逗留香港時間較長，她要到聖誕節才能再返港；又謂今次酬勞足夠她兩年學費，更搞笑望住個天謂多謝老闆。

提到有指無铫找她回巢拍劇，法拉直認有接觸過她的經理人，因年期太長，故未能成事。

※子華與劇中兒子劉俊謙開香檳慶祝。

※陳嘉上（中）前晚亦有捧場。

本報記者

Source: http://www.dayo-wong.com/en/news/%E9%A3%9F%E7%A6%81%E8%97%A5%E5%AE%8C%E6%88%9035%E5%A0%B4%E8%88%9E%E5%8F%B0%E5%8A%87-%E5%AD%90%E8%8F%AF%E6%88%B2%E8%A8%80%E7%94%A8%E8%B6%B3%E3%80%8C%E6%B4%AA%E8%8D%92%E4%B9%8B%E5%8A%9B%E3%80%8D/