~*~oLi in Dayoland~*~

新聞﹕2016.09.17子華任鄭秀文《Touch Mi 2 世界巡迴演唱會2016》嘉賓 p.3

黃子華破例開咪 勸Sammi 唔好回水
AM730 2016.09.19

黃子華在台上大放笑彈，令Sammi笑得蹲在地上。

鄭秀文（Sammi）一連8場於紅館舉行的《鄭秀文Touch Mi 2 世界巡迴演唱會2016》，首場因身體不適表現不如理想，不過，日前她繼續開騷，似乎已回復狀態，請來已告封咪男神黃子華擔任嘉賓，子華不但在台上再顯棟篤笑神功，大放笑彈帶動現場氣氛，更認真地勸告Sammi：「唔好回水！」

「嗌回水啲人好幼稚」
Sammi於首場演唱會上，因自覺表現差而請觀眾退票，子華表示：「我試過臨出場前仲喺廁所又屙又嘔，作為一個專業表演者，我對你作出好大個忠告：唔好回水！」他續說：「你應該學吓我，有人嗌唔使理佢哋，嗌回水啲人好幼稚㗎！」子華說罷，Sammi隨即笑至蹲在地上。

唔識Sammi
子華在台上大放笑彈時，突然說：「我上舞台咁耐，最驚係今日，呢個時刻，因為大家唔好睇我咁奔放，其實我係唔識得鄭秀文！」他說，為了這次表演特意在網上翻查Sammi過往的演唱會嘉賓背景：「所有嘉賓都同佢好有密切關係，點算呢？終於俾我搵到一個，呢個衰過我，有人墊底……2009年你有個嘉賓同你唱咗一首歌……」他開金口清唱了幾句《其實你心裡有沒有我》，全場即時拍掌歡呼，「許志安，你話係咪離譜？各位，我上嚟犯嘅錯係咩呢？就係我同Sammi唔熟就要扮熟，佢同Sammi好熟就扮唔熟！」

Source: http://www.am730.com.hk/article-329845

擔任嘉賓積極催生仔 子華幫Sammi改埋B名
文匯報 2016.09.19

子華講到不捨得走，Sammi笑到坐在地上。

鄭秀文（Sammi）紅館騷前晚來到第二場，雖然Sammi依然身體不適，但就被嘉賓黃子華的台上12分鐘棟篤笑弄得笑不停，「鄭四萬」回來了！

擔任嘉賓的子華一出場就單刀直入，針對Sammi日前因不滿自己表現建議退票一事，對Sammi說：「我試過臨出場前仲喺廁所又屙又嘔，作為一個專業嘅表演者，我對你作出好大個忠告『唔好回水』！」子華掟出第一個笑彈，全場爆笑，連Sammi亦笑到收不到聲。

子華和Sammi的淵源來自兩年前合演電影《失戀急讓》，飾演離婚夫妻，只有一場對手戲，戲裡對白少到記不起，戲外對話亦只是幾句，因此子華被邀請任嘉賓而感緊張，他更為此上網找資料：「所有鄭秀文的嘉賓都同佢好有密切關係，點算呢？終於俾我搵到一個，呢個衰過我，有人墊底……」Sammi亦感好奇，子華說：「2009年你嘅演唱會有個嘉賓，同你唱咗一首歌，我都識唱，有冇鼓勵先？」全場拍掌歡呼，他清唱幾句《其實你心裡有沒有我》，目標人物呼之欲出，觀眾焦點立即落在觀眾席上的許志安身上，子華隨即笑安仔當年跟Sammi好熟但就扮唔熟，接着說：「呢首情歌嚟㗎嘛，梗係越唱就越埋， 當日許志安上台唔係㗎喎，由頭到尾企喺呢度，同鄭秀文距離平均15呎，做咩呀？佢同葉德嫻合唱平均距離都8呎啦！係咪扮生疏呀 ！」

安仔被擺上台，Sammi笑到駁不到嘴，子華未肯罷休，指他們是童話中的童話，又催促Sammi生BB，說：「呢個童話點樣可以最完美呢？生個仔。連名我都幫你諗埋，叫做『勝不許敗』！你哋三母子一齊走出嚟，贏晒！許志安，鄭秀文，許勝不許敗！」全場歡呼。

Source: http://hd.stheadline.com/news/daily/ent/494349/

黃子華催鄭秀文生B 諗定名叫「許勝不許敗」 插12針治咳昨晚成功開聲
明報 2016.09.19

鄭秀文（Sammi）第二場演唱會前晚如常舉行，帶病上陣的她，毋懼唱到聲沙及走音，以專業態度完成演出。她全晚發放正能量沒爆喊，有3套新歌衫示人外，更請來黃子華做嘉賓。Sammi昨晚第3場個唱似如有神助，前半部仍聲音沙啞，到中段換衫上台後突然開晒聲，她在台上興奮大叫：「好開心好開心！我把聲清番！」接着演唱幾乎回復狀態，恩典真的夠她用呢！

Sammi頭場《Touch Mi 2》演唱會請來劉德華做嘉賓，前晚第二場同樣有驚喜。當Sammi介紹「男神」黃子華出場後，子華有樣學樣以走音叫Sammi。子華說︰「Sammi真的陰公，我作為一個常出事的聲音表演者，我對你來個最大忠告。因為我常病，試過臨出場又屙又嘔，我一直會提醒自己，作為專業的表演者，最緊要是無論幾唔舒服都唔好『回水』，一定唔好回水！」Sammi聞言走音說：「哈哈，無問題！」

忠告Sammi：一定唔好回水
子華繼續表示：「你無問題，但知不知會影響很多人。講真，這樣要學我，有人叫不用理，講回水的很幼稚（全場歡呼）。我同大家講，上舞台最驚是今日，大家不要看我上台如此奔放，其實我不識得鄭秀文，只見過她一日。你記不記得我們一齊拍戲，戲中是做你老公，雖然是離婚，但你記不記得戲中和我講過什麼？（Sammi：當然唔記得啦！）我記唔記得同你講過什麼？唔記得，所以你話我們有幾熟；戲外有講過其他，你又記唔記得？（Sammi：記得，講書同減肥！）」

清唱《其實你心裡有沒有我》
子華稱：「等大家認識一下鄭秀文另一面，我只識她那一日，她問我有無睇過19世紀俄國大文豪杜斯妥也夫斯基的《罪與罰》，然後她就話我唔明，跟住我就唔想睬佢，因為我無睇過，對話就咁終止，關係就完結。然後年幾之後，忽然鄭秀文想搵我做嘉賓，點解，我們唔識，然後上網睇YouTube，所有鄭秀文的嘉賓和她都好有關係，直到睇到一個衰過我，搵到人墊底。2009年演唱會有個嘉賓出現，和你唱了一首我都識唱的歌，有無鼓勵？我不用音樂，無音樂時是最有音樂感，我唱這首歌等大家知道是誰唱，大家要睇住我點唱。」

擺安仔上枱：好熟扮唔熟
子華開始清唱《其實你心裡有沒有我》惹全場起哄：「若愛上你怎麼躲，夢你迷人笑渦，如我每天總偷偷……摸你定想你？（全場爆笑，Sammi提場答「想你」）想點解要偷偷想，光明正大想你都唔知，這句歌詞無意思，最尾都有番，偷偷想你，這應否算是傻！（Sammi：哈哈，救命！）這是誰唱？許志安，大家是否覺得離譜！我上來犯的錯是和Sammi唔熟扮熟，但許志安是好熟卻扮唔熟！（全場又再起哄）他有無入場，在哪裏？為何我這樣說，這是首對唱情歌，應愈唱愈埋，我在YouTube用把尺度過，他和鄭秀文平均距離15呎，做什麼？很『生寶』﹗他和葉德嫻合唱就平均距離8呎，是不是扮『生寶』？這個不是問題，許志安和鄭秀文在台上一齊出現，從來有無講過親密說話？（全場回答「無」﹗）你們是否好想許志安會同Sammi講……」

童話中的童話 有社會責任
Sammi聞言即緊張望向台下的安仔，並用高八度的聲線說：「千祈唔好，千祈唔好中計！」子華繼續發表意見：「我不會企在場中被人運走，你們是否好想許志安同她講……你太瘦了，咁樣點生BB？（Sammi︰邊個要生BB？）你仲得，今日是攰些，休息完會唔會有啲力……大家傾吓？我想講，覺得許志安不是個好嘉賓，但上台大家又會大叫。Sammi，今日想講些社會意義你聽，點解大家想你和許志安一齊，因為這是童話，金童玉女，但曾經爆咗煲，竟然又破鏡重圓，這是童話中的童話，你明唔明白你的社會意義及責任。今時今日香港是少了很多童話，所以，如果你們兩個鬧交時，如果許志安鬧你，你是有權叫他收聲，這不是為我，是為香港！最後，這個童話最完美是生個仔。我已想好你們兒子名字，一於叫『勝不許敗』，許志安的兒子『許勝不許敗』！（全場拍掌）你想一想，三母子站在一起，贏晒！」

黃子華講不停，Sammi笑得蹲在地上。

黃子華清唱《其實你心裡有沒有我》惹全場起哄。

Source: http://news.mingpao.com/pns/dailynews/web_tc/article/20160919/s00016/1474222486434

爆Seed催金童玉女快生B 子華上台加持Sammi 狀態回勇
星島日報 2016.09.19

表演嘉賓黃子華在台上大拋金句，令Sammi與觀眾都捧腹大笑。

文：林子棠  图：罗安强

不哭了！鄭秀文（Sammi）前晚舉行的第二場演唱會，雖然病況未瘉，但心態轉變，以正面態度與病魔抗衡的Sammi真的沒有再哭，還笑到彎腰，全因有黃子華這位表演嘉賓。子華竟將自己的鬼才放在Sammi和許志安身上，直指她們這對金童玉女已成為社會意義和責任，又催促二人盡快生B「許勝不許敗！」

鄭秀文前晚的聲沙、失聲及走音情況較首場演唱會更為嚴重，不管唱快歌或慢歌，都要不停飲水潤喉，但唱了個多小時後，豁了出去的她，反而愈唱愈開聲。是晚Sammi又換了三套新歌衫，內內外外都傾盡全力兌現其六字真言「有幾多畀幾多」觀眾。

教Sammi「一定唔好回水」
前晚的表演嘉賓黃子華現身時，贏得全場掌聲雷動。子華抵死地重提Sammi曾想退錢畀觀眾一事：「Sammi陰公咯！但我作為一個把聲成日出問題又病嘅表演者，我對你有個好大的忠告，就是作為專業表演者，無論幾唔舒服都一定唔好『回水』！事關會影響好多人，呢樣你真係要學我，有人嗌都唔使理佢，嗌嘅人好幼稚！」

當大家還未笑完，子華已轉話題表示：「唔好睇我咁奔放，其實係上台以來最驚的一次，因為我其實唔認識鄭秀文，只見過佢一日，合作過一部戲，戲中做佢老公，雖然離咗婚，但戲中講過乜都唔記得，又有幾熟呢！不過就記得你同我講早晨，我問你食咗飯未？你又問我有無睇過19世紀俄國大文豪陀思妥耶夫斯基嘅《罪與罰》？話有啲唔明，然後我就唔想睬你，因為我無睇過，我哋對話就咁終止，關係亦就咁結束。」

聽到Sammi笑到走晒音，子華即叫她小心把聲，但隨即又繼續「發功」說：「年幾之後，就話鄭秀文請我做嘉賓，我上網睇，做鄭秀文嘉賓嘅個個都同佢有關係.……但點知睇到一個衰過我，比我搵到人墊底。2009年，鄭秀文演唱會出現咗個嘉賓同佢唱咗一首歌，我都識唱，但唔使音樂，因為無音樂我就最有音樂感，大家仲要睇住我點樣唱……」他說罷即清唱了《其實你心里有沒有我》。聽到全場指當年唱的人是許志安，子華又謂：「你話係咪離譜？安仔最錯係，我同Sammi唔熟就扮熟，佢同Sammi好熟但就扮唔熟！點解？唱呢首歌好應愈唱愈埋，但安仔當年就由頭到尾都企女响度，我用過尺响片段中度過，佢同鄭秀文嘅平均距離係15呎，而佢同葉德嫻合唱的一次，平均距離係8呎，仲唔係扮『生保』？」此時分別在台上台下的Sammi和安仔都笑到彎晒腰。

生仔取名「許勝不許敗」
子華又問觀眾，安仔和Sammi同台時可有親密動作？是否很想安仔跟Sammi講……，台下即叫聲震天，Sammi則走向安仔座位方向、竭盡所能叫安仔不要中計！

豈料子華沒有就此放過Sammi，他謂：「大家係咪好想安仔同Sammi講……你太瘦喇！咁樣點生BB？」Sammi反駁：「邊個話要生？」子華卻抵死地謂：「仲得㗎！你今日有啲攰，休息完會唔會有啲力同安仔……傾吓？我想話畀你知，講少少社會意義，點解大家想你同安仔一齊？因為係童話，係金童玉女，但係又曾經爆過煲，然後破鏡，竟然又能夠重圓！係童話中嘅童話，所以你哋有社會意義、有社會責任，因為今時今日嘅香港，缺少好多童話。所以如果你兩口子响屋企鬧交，如果許志安鬧你，你有權叫安仔收聲！因為係為了香港，叫安仔買豉油都唔好駁嘴，大局為重！而童話最完美係生個仔，我連你個仔個名都幫你諗好，就叫『勝不許敗』，許志安個仔，許勝不許敗！一家三口一齊就贏晒，許志安、鄭秀文、許勝不許敗！」說罷贏得全場掌聲如雷！

另外，Sammi昨日在舉行第三場演唱會前上載一張晒腹肌及一張臉上插滿針的針灸相，並留言「噚晚半夜三點咳到六點，幾乎棚牙都咳埋出嚟！唯有針灸，針針到穴，不過聲線有進步咗！Yeah！重有六場演出。鄭瘦文，即係我，加油！今晚又有全場天使撐住我走畢全程。恩典夠用。」Sammi的第三場紅館騷與前一晚開場時間差不多，都是晚上8時39分，而經過針灸的治療，她的聲音亦與第二場的表現相若。

Source: http://vancouver.singtao.ca/766802/2016-09-19/post-%E7%88%86seed%E5%82%AC%E9%87%91%E7%AB%A5%E7%8E%89%E5%A5%B3%E5%BF%AB%E7%94%9Fb-%E5%AD%90%E8%8F%AF%E4%B8%8A%E5%8F%B0%E5%8A%9B%E6%8C%81sammi%E7%8B%80%E6%85%8B%E5%9B%9E%E5%8B%87/?variant=zh-cn

鄭秀文走音依然黃子華棟篤笑幫拖10分鐘
東方日報 2016.09.19

黃子華為Sammi任嘉賓，十足開棟篤笑！

鄭秀文（Sammi）前晚繼續聲沙沙走音演出第二場紅館演唱會，當晚來捧場的圈中朋友包括大美人李嘉欣、許晉亨、梁漢文夫婦及徐濠縈等，老公許志安亦睇足全場！

前晚Sammi找來好友黃子華任嘉賓幫拖，舉行迷你Talk騷講足十分鐘，由於Sammi全晚聲沙致走音，子華心痛地搞笑說：「陰功囉！我作為一個把聲成日出問題嘅表演者，對你有一個忠告，我試過臨出場喺廁所又屙又嘔，一路提醒自己作為一個專業表演者最緊要係乜嘢，無論幾唔舒服都唔！好！回！水！」觀眾拍爛手掌及叫尖！子華繼續說：「一定唔好回水，叫回水嘅人好幼稚。」子華更擺Sammi老公安仔上枱開玩笑，當住萬二個觀眾面前催Sammi生BB，他說：「我連你個仔個名都諗埋，叫『許勝不許敗』，三母子走出嚟贏晒！」

Source: http://orientaldaily.on.cc/cnt/entertainment/20160919/00282_033.html

【C1頭條】12分鐘搞㷫Sammi舞台做主場 子華借情史 高呼香港要童話
蘋果日報 2016.09.19

男神黃子華前晚開金口表演棟篤笑，指鄭秀文和許志安的情史是香港童話（採訪：黃曉妍 攝影：陳慧安）

 44歲的鄭秀文（Sammi）前晚帶病在紅館舉行第二場個唱，獲宣佈「封咪」兩年的棟篤男神黃子華撐場，破戒現身做特別嘉賓吹水，幫口為失聲Sammi製造爆笑12分鐘炒熱全場氣氛，子華神教訓Sammi作為專業表演者，最重要是唔好回水，更公開催她跟老公許志安快生BB，並為他們的兒子改名為「許勝不許敗」，借兩人的情史高呼：「香港要童話！」

鄭秀文前晚假紅館舉行第二場「Touch Mi2世界巡迴演唱會2016」，雖然感冒未癒聲音沙啞，但Sammi依然堅持show must go on，老公許志安晚晚現身觀眾席支持，Sammi唱到口乾搵水飲說：「乾到碌蔗，好缺水。」前晚表演嘉賓竟然是男神黃子華，兩人僅於前年合作拍電影《失戀急讓》，子華神的驚喜登場令全場尖叫拆天。

今年4月，子華神接受蕭若元的網台節目訪問，坦言覺得現時的香港「好多嘢笑唔出」，宣告封咪兩年停做棟篤笑，然而，前晚子華破戒撐Sammi再講棟篤笑，甫上台即自嘲：「我成日病，試過臨出場，喺個廁所又屙又嘔。而作為一個專業表演者，最緊要係乜嘢？就係唔好回水！」子華又爆跟Sammi完全不熟，只拍戲見過一日：「佢問我：『子華你有冇睇過十九世紀俄國大文豪陀思妥耶夫斯基嘅《罪與罰》呀？』跟住我就唔想睬佢喇，因為我係冇睇過㗎。」令Sammi笑到走音捧肚。

接着戲肉上場，子華擺許志安上枱勁放笑彈：「你哋係咪好想許志安同Sammi講……」Sammi用高八度走音聲線制止：「千祈唔好中計呀！」子華行遠跟Sammi保持距離，施施然說：「你太瘦喇！咁樣點生BB呀？」Sammi沒好氣說：「邊個話生BB？」子華抵死答：「仲得㗎，你今日攰啲，但休息完你會唔會有啲力。」

步步進逼的子華更借Sammi和安仔的情史，發揮棟篤笑撐港精神：「我今日係想講有少少社會意義嘅嘢，點解啲人會咁想你同許志安一齊？因為呢個童話呀！金童玉女，但係爆咗煲，曾經，然後破鏡，竟然又能夠重圓。呢個係童話中嘅童話，所以你明唔明白，你嘅社會意義，你嘅社會責任呀？係因為今時今日嘅香港，係少咗好多童話㗎喇！所以，如果許志安鬧你，你係有權同佢講：『收聲！』唔係為咗我，係為咗香港，大局為重！」

最後，子華提出童話要有完美結局：「生個仔，我連你個仔個名都幫你諗埋，就叫做『勝不許敗』！三母子一齊走出嚟，贏晒！許志安，鄭秀文，許勝不許敗！」全場拍爛手掌，Sammi笑到走音說：「多謝！」子華的12分鐘棟篤笑任務完美落幕，Sammi繼續載歌載舞落力表演，尾聲時說：「今晚開唔開心呀？你哋開心我就開心，多謝你哋！雖然把聲沙，但我有六個字想講，『有幾多畀幾多』！」另外，Sammi昨午在fb貼素顏騷腹肌相，留言自我鼓勵：「沒有不可能的任務。44歲。送給自己的小小腹肌。mi，做到了。」

話咗封咪兩年，但子華以嘉賓身份講咗12分鐘。

子華神仲教路，表演者係唔可以回水。

Video is available below

Source:
http://hk.apple.nextmedia.com/enews/realtime/20160919/55662817
http://hk.apple.nextmedia.com/entertainment/art/20160919/19774701

金句精華
蘋果日報 2016.09.19

男神黃子華前晚開金口再講棟篤笑，金句不絕的他不但令全場笑聲震天，更令Sammi笑到捧腹走音。
【1】專業唔回水

「作為一個專業嘅表演者，最緊要係乜嘢？就係……唔好回水！」
【2】對話終結者

「佢識我嗰日，佢問我：『子華你有冇睇過19世紀俄國大文豪陀思妥耶夫斯基嘅《罪與罰》呀？』跟住我就唔想睬佢喇，因為我係冇睇過㗎。」
【3】破鏡又重圓

「點解啲人會咁想你同許志安一齊？因為呢個係童話呀！金童玉女，但係爆咗煲，曾經，然後破鏡，竟然又能夠重圓。呢個，係童話中嘅童話……因為今時今日嘅香港，少咗好多童話㗎喇！」
【4】許勝不許敗

「我連你個仔個名都幫你諗埋，你個仔就叫做『勝不許敗』！許志安個仔，許勝不許敗！」

Video is available below

Source: http://hk.apple.nextmedia.com/entertainment/art/20160919/19774702

許志安係最差嘉賓？子華幫Sammi阿仔改名
蘋果日報 2016.09.19

鄭秀文前晚紅館騷，男神黃子華做嘉賓，玩棟篤笑。講講下，子華擺安仔上枱。話啲人咁鍾意Sammi同安仔，係因為佢地係一個童話：「金童玉女，但係爆咗煲！曾經。然後破鏡，竟然又能夠重圓。呢個，係童話中嘅童話，所以你明唔明白，你嘅社會意義，你嘅社會責任呀？係因為今時今日嘅香港，係少咗好多童話㗎喇！所以，如果你兩口子喺屋企鬧交，如果許志安鬧你，你係有權同佢講：『收聲！』唔係為咗我，係為咗香港！『我叫你去買豉油就買豉油！唔好駁嘴！大局為重！』

講咗咁耐，子華仍然唔捨得走，問大家，呢個童話點樣可以最完美呢？「真係，生個仔（你懂的，全場又尖叫）我連你個仔個名都幫你諗埋，你個仔就叫做『勝不許敗』！」Sammi即尖聲甜笑，子華當然唔罷休，繼續話：「許志安個仔，許勝不許敗！三母子一齊走出嚟，贏晒！許志安，鄭秀文，許勝不許敗！」全場報以熱烈掌聲。Sammi失聲走音道：「多謝！」

Video is available below

Source: http://hk.apple.nextmedia.com/entertainment/art/20160919/19775136

【許氏淵源】05年安仔個唱棟篤
蘋果日報 2016.09.19

原來黃子華於05年亦曾現身許志安個唱表演棟篤笑，當年安仔和Sammi分手未復合，子華同樣將Sammi擺上枱，更狂數安仔五宗罪，包括：「與舊愛分手原來為泊富婆碼頭」、「在公眾場合向舊經理人頴撈」、「眼紅情敵住別墅，不惜偕全家人死頂睇豪宅」、「與梁漢文反目成仇」及「為爭獎出茅招、葉德嫻合唱變featuring。」句句啜核，不比今日遜色。

最近安仔出新歌《芝士》更找子華拍MV，同樣句句不離Sammi，子華在MV說：「哦！陳秀雯條仔嘛！」安仔沒好氣答：「鄭秀文！」子華說：「黐線，鄭秀文係唱大戲㗎！」
 

Source: http://hk.apple.nextmedia.com/entertainment/art/20160919/19774708

子華叫Sammi生「許勝不許敗」 安仔稱罰抄永遠係留堂嗰個
蘋果日報 2016.09.19

攝影：黃曉妍

 許志安同樂隊Dear Jane今日喺商台接受訪問，講到老婆鄭秀文（Sammi）感冒未癒、聲音沙啞，仍堅持開演唱會，安仔直言覺得心痛，問到Sammi第一晚個唱後，返到屋企係咪好唔開心？安仔話：「首先，佢係住酒店，唔喺屋企瞓。」有冇去酒店陪Sammi？安仔稱：「有去睇吓佢，佢清楚知道把聲失咗就要去面對，佢處理得好好，歌迷都好錫佢。」

問安仔點畀正能量Sammi？佢就話：「揸住bon bon棒係咁扑。」咁幾時整個「許勝不許敗」（子華前晚喺Sammi個唱叫佢哋生小朋友個名叫許勝不許敗）？安仔忍笑稱：「咁囉……好鬼搞笑！」

提到子華又指安仔同Sammi係香港嘅童話，安仔諗咗一諗先話：「唔好啦！」被記者追問唔好咩呀？安仔未有正面回答：「許勝不許敗，我怕入幼稚園有問題，如果罰抄，永遠都係留堂嗰個。」子華又指佢同Sammi唱歌時距離16呎，安仔笑住話：「好搞笑，唱歌唔使咁近。」

提到Sammi噚晚把聲好番少少？安仔就話：「漸入佳境。」不過安仔透露未必會場場睇，因為有一日要為電影宣傳，唔喺香港。尾場會唔會上台做嘉賓？安仔直言：「冇諗過，我唔係嘉賓之一。

講起前日子華叫Sammi同安仔生個B，叫「許勝不許敗」。資料圖片

安仔未有正面回答：「許勝不許敗，我怕入幼稚園有問題，如果罰抄，永遠都係留堂嗰個。」資料圖片

Source: http://hk.apple.nextmedia.com/enews/realtime/20160919/55665696

戰勝心魔 愈唱愈放 Sammi被子華搞到笑唔停
頭條日報 2016.09.19

子華唱歌時與Sammi愈行愈埋。

鄭秀文（Sammi）前晚舉行第二場演唱會，雖然聲線仍然沙啞走音，但她似已戰勝心魔，抹乾淚水，以正面態度演出。當嘉賓黃子華出場大講棟篤笑時，Sammi更笑到踎低！

        鄭秀文（Sammi）前晚的失聲及走音情況較首場更為嚴重，整晚要不停飲水潤喉；但唱了一個多小時，豁了出去的Sammi聲音反而愈唱愈開；在第二場演唱會，Sammi已換了三套新衫。

　　前晚嘉賓黃子華現身時贏得全場掌聲，他甫出場即重提Sammi曾表示想畀錢退票一事說，「我作為一個把聲成日出問題又病嘅表演者，我對你有個好大的忠告，無論幾唔舒服都一定『唔好回水』！」令全場爆笑。子華隨後清唱了當年許志安任Sammi嘉賓時唱的《其實你心裏有沒有我》，還向Sammi愈唱愈埋，他笑言：「安仔最錯係，我同Sammi唔熟就扮熟，佢同Sammi好熟但就扮唔熟！點解？唱呢首歌好應愈唱愈埋，但安仔當年就由頭到尾都企喺度，我用把尺喺片段中度過，佢同鄭秀文嘅平均距離係15呎！」Sammi聞言笑到彎晒腰。

　　子華又指Sammi太瘦，問她「點生BB？」Sammi即反駁：「邊個話要生？」子華卻抵死謂已為她們的BB諗好名，「就叫『勝不許敗』，一家三口一齊就贏晒，許志安、鄭秀文、許勝不許敗！」贏得全場掌聲！Sammi的第三場個唱昨晚8時39分開騷，經針灸治療的Sammi，聲線與第二場的表現差不多。昨日下午，Sammi在網上放了一張晒腹肌的相，認真Fit。

黃子華妙語如珠，令Sammi笑到踎低。

本報記者

Source: http://hd.stheadline.com/news/daily/ent/494349/

</