~*~oLi in Dayoland~*~

新聞﹕2016.12.08子華任《至醇酒庫》剪綵嘉賓 p.1

子華寧養狗唔養人
AM730 2016.12.04

男神黃子華昨日出席支持領養不棄養活動，透露近日領養了一隻流浪狗，呼籲大家養寵物前要想清楚，「我希望打算養寵物嘅人，用兩年時間認真考慮清楚，係咪真係有時間同心機養，我都係諗咗好耐先領養。（會否考慮養人？）如果喺山上有一位紅孩兒出現，又叫我阿爸，我覺得我都會帶佢返屋企。不過其實大家可以助養，去領養兒童，有啲慈善機構覺得我唔適合，因為單係睇我外表，已流露出浪子嘅味道。」

Source: http://archive.am730.com.hk/fresh/article/33937

子華領養狗仔：下次可能有細路嗌我嗲哋
on.cc 東網 2016.12.04

子華笑言，下次行山可能有細路嗌佢嗲哋！

藝人黃子華出席支持領養及不棄養動物活動，他表示今天的活動搞手是跟自己有不可分割的親密朋友關係，故沒有收酬勞亦要來撐場。子華續透露近來領養了一隻狗，並細說萌生領養狗狗的念頭由來：「其實我心目中一路都有一隻理想嘅名種狗，不過我有日行山目到隻流浪狗BB好慘，當場已經想執咗佢，不過佢好驚人，我又唔敢捉佢，驚被佢咬，於是我第二日就拎晒蘋果、袋去搵佢，但已經搵唔到，係呢隻狗令我有領養念頭，我都諗咗成年幾養狗。」又謂行山的山頭有很多野豬出沒，記者着他領養埋野豬，他則笑說：「我好鬼驚，行過隔你一呎咋。」

狗仔喺垃圾站執
他表示領養了的狗狗是友人從垃圾站執回來：「得幾個月大，我養咗佢兩至三個星期，互相都好適應。（以前有冇養過狗？）我係養狗專家，以前做棟篤笑同拍戲都有搵過我啲大狗上台，不過都10幾年前，走晒㗎啦，所以今次諗養唔養都諗咗好耐。」

唔養人仔養狗仔
又奉勸大家養狗前必需要諗清楚：「大家最好用兩年時間去諗，真係想養先養，因為我都試過細個返工時，大部分時間理唔到啲狗。（唔諗吓養人仔？）我20年前已經提議啲人得閒不如去保良局，助（養）到就助，帶到人出嚟就帶，唔一定要自己生，當然咁樣愛心要更大，所以退而求其次，養狗都係一大挑戰，想生嘅人都可以試吓領養一隻狗狗睇吓應唔應付到先。（你依家都係試吓先？）有冇聽過男人老狗，緣份好難講，可能有日行山有細路仔叫我呢，紅孩兒咁着住泳褲嗌我嗲哋。」

真男神真係唔使講咁多！

佢話啱啱領養咗隻狗，係朋友喺喺垃圾站執！

佢話係因為有次行山見到隻流浪狗覺得佢好慘，嗰時已經想捉佢返屋企！

第日上去已經搵唔番！

Source: http://hk.on.cc/hk/bkn/cnt/entertainment/20161204/bkn-20161204152404843-1204_00862_001.html

【妙論造人】黃子華：想生仔先養狗
明報 2016.12.04

子華指養人責任更大，一定要慎重考慮。

黃子華今日應好友邀請，分文不收出席動物領養活動，子華表示日前行山見到一隻流浪狗BB，因覺得好可愛，所以想帶回家，直到第2天自己帶齊裝備上山，圖用食物引誘，可是那隻狗BB已不見影蹤。但事有湊巧，幾天後有朋友問他是可否想養狗，最後子華便答應了，重拾養狗樂趣。

問子華會否考慮養人？他說：「10多年前有提議過大家有時間可以到保良局助養或領養，唔一定要自己生，養人愛心更大，所以我奉勸大家想生仔就先養狗，養狗2年後覺得應付到先考慮生！」子華又自嘲是「男人老狗」，並笑言：「緣分嘅嘢話唔定，可能我行山會遇到個『紅孩兒』嗌爸爸，我帶佢返屋企收養呢！」

子華表示自小已喜歡小動物。

子華今次出席活動是義助朋友，分文不收。

Source: http://news.mingpao.com/ins/instantnews/web_tc/article/20161204/s00007/1480840444900

剛領養狗BB 黃子華養小朋友看緣份
星島日報 2016.12.04

子華義務出席活動，笑稱望有好報。

黃子華出席一個支持領養的活動，笑謂與搞手是很好朋友，今次是沒有收錢出席，希望之後會有好報。

子華透露最近領養了一隻狗BB，大家相處得很適應，指大家要考慮兩年都想養狗才養。他直言以前養狗時因沒有時間照顧，狗狗在家就會做出令主人不開心的事，結果大家都不開心。問到會否養人？他認為領養小朋友需要的愛心更大，現在養狗都是很大挑戰，又指緣份很難講，或者有日行山遇到個紅孩兒小朋友叫他爸爸，就帶他回家。

Source: http://bma.singtao.com/breakingnews/20161204f155659.asp

【領養，不購買】黃子華行山遇浪浪想收養 第二日搵唔番…
蘋果日報 2016.12.04

攝影：仇志德

黃子華今日喺中環出席支持領養寵物既活動，佢話同活動搞手係朋友，所以唔收錢都嚟支持。

以前黃子華都有養過大種狗，心目中亦有名種狗想養，作為一個負責任嘅狗主，佢諗咗兩年幾都未決定到。結果，子華早前行山，就遇到一隻流浪狗BB：「佢好慘，仲要奀奀聲，打破咗我想買（狗）嘅心，想帶佢返屋企。」

可惜子華同呢個BB緣份暫時未到。「第二日拎晒袋同蘋果，點知搵唔番佢。之後有個朋友又有另一隻流浪狗，我決定養，依家互相適應咗兩、三個星期。」

問子華有冇諗過養人？佢話：「廿年前我提議養人，不如去保良局，有能力就助養或者領養，需要嘅愛心要更大，想生仔就領養一隻狗先，養狗都好大挑戰。」至於係咪試下先養狗後養人？黃子華笑：「緣份嘅嘢好難講，可能有日行山，有個細路好似紅孩兒咁樣，走埋嚟叫我Daddy。」

紅孩兒，即係魔王及鐵扇公主個B。

video is available below

Source: http://hk.apple.nextmedia.com/enews/realtime/20161204/56003169