新聞﹕子華2017.01.18出席hmv概念店開幕 p.1
| 新聞列表 | |
| 古天樂 黃子華憂心劉德華傷勢 | AM730 |
| 成日畀子華恰 阿佘：佢太乞人憎 | on.cc 東網 |
| 黃子華做007師兄 唔止得床上戲睇！ | on.cc 東網 |
| 【自然反應？】低胸佘詩曼輕輕舉手 黃子華即縮 | 明報 |
| 【拎牙簽籤筒掟麥提爽】佘詩曼怒爆黃子華：佢成日整我！ | 蘋果日報 |
| 子華希望大家平安 古仔騎馬有童年陰影 | 蘋果日報 |
| 佘詩曼攞牙籤筒打黃子華：佢太乞人憎！ | 頭條日報 |
| 黃子華騎馬曾1分鐘連撻兩次 望華仔平安 | 頭條日報 |
古天樂 黃子華憂心劉德華傷勢
AM730 2017.01.18
古天樂、黃子華、佘詩曼等，今日出席店鋪剪綵儀式，古天樂說：「每年新春都會響香港跟家人過，今年都唔例外。」談到劉德華墮馬受傷，他表示：「剛剛收到消息，自己細個爸爸抱我騎馬，都知道係好危險，希望佢冇咩大礙。」至於黃子華亦表示擔心劉德華傷勢。
成日畀子華恰 阿佘：佢太乞人憎
on.cc 東網 2017.01.18
佢哋不知幾friend！
藝人佘詩曼出席「hmv中環概念店隆重開幕」活動並擔任剪綵嘉賓，談到她將參與與黃子華編劇的新片，戲中飾演政府官員的她甚有威嚴，不過她就笑指會在戲中「恰」對方。
談到子華表示若有錫錫戲份要徵求她同意，她說：「有咩？有開會傾嘅，問我底線，有咩動作唔做得，我話唔好扯頸囉，之前傷過！」至於戲中可有親吻鏡頭？她說：「唔知佢寫成點，有成四稿，五稿，唔知到時會唔會攝個第十一稿落去，不過唔會好嚴重嘅，係喜劇！」
她又謂以前與對方合作時經常被子華整蠱，她就還手，她說：「因為我唔夠佢講，我就用牙籤筒拍佢個頭，太乞人憎啦！我都唔記得呢件事，佢提番我先知，估唔到佢咁小氣！」
子華係咪真係咁小氣嘅呢？
邊個夠子華講呀？
Source: http://hk.on.cc/hk/bkn/cnt/entertainment/20170118/bkn-20170118183530517-0118_00862_001.html
黃子華做007師兄 唔止得床上戲睇！
on.cc 東網 2017.01.18
黃子華話佢新片做特務007師兄，所以冇冧巴。
藝人黃子華出席「hmv中環概念店開幕活動」，子華表示過完年開拍動作笑片，與佘詩曼（阿佘）有不少對手戲，他笑言自己是特務007師兄，所以沒有號碼。
唔晒肌肉
子華指造型不可太肥、不可太瘦，農曆年將至，令他要保持身形感到很擔心，更形容新年為一個十日可食四十餐的日子，他謂：「我係為食，好似金魚咁，不過我有腦，食飽會知，但都會繼續食。」他又指阿佘於戲中是高官，問到有否愛情線？他謂：「都避免唔到。（有錫錫戲？）呢啲唔應該問男演員，因為要女演員肯做乜先做得嘅！（動作戲即係床上戲？）你諗多咗，其實唔止，呢套戲做特務，以前特務片冇嘅嘢都會有。（操多少少肌肉？）保證唔會令觀眾難受，所以大家唔會睇到我啲肌肉。」
黃子華指造型唔可以太肥，又唔可以太瘦。
黃子華話佢為食，所以過年都驚Keep唔到身形。
on.cc20170118dd
http://hk.on.cc/hk/bkn/cnt/entertainment/20170118/photo/bkn-20170118183530517-0118_00862_001_04b.jpg?20170118203326
黃子華話佢同阿佘有唔少對手戲，唔知有冇床戲呢？
黃子華氹到阿佘咁冧豬嘅。
齊齊剪綵。
Source: http://hk.on.cc/hk/bkn/cnt/entertainment/20170118/bkn-20170118183530517-0118_00862_001.html
【自然反應？】低胸佘詩曼輕輕舉手 黃子華即縮
明報 2017.01.18
佘詩曼今日低胸出席活動，並蹺住黃子華合照。
黃子華和佘詩曼（阿佘）今日出席「hmv中環概念店開幕」，阿佘低胸打扮示人頗性感。兩人於農曆年後合作動作笑片，戲中會否有咀嘴戲？子華說：「這個不可以由男演員講，男演員好被動，要看女演員是否願意。」
談到劉德華拍廣告時發生墮馬意外，子華愕然表示：「吓！幾時的事？希望華仔無事，只是為安全才搭醫療專機返港檢查，應該無事，他一向好弗，希望大家過平安新年。」子華亦自爆試過墮馬，幸沒大礙。
阿佘表示自己拍戲無底線，但不能扯她的頸：「條頸曾受傷，有舊患。（與子華拍咀戲？）部戲是喜劇為主，之前和他拍劇，他常整蠱我，我口才不夠他厲害，試過用牙籤筒拍他的頭，當時真的忍不住，估不到之前開會他還記得此事。」阿佘笑指子華小器，又指當她輕輕舉手有所動作時，子華自然反應即縮開。
黃子華指劉德華一向好弗，應該無事。
Source: http://news.mingpao.com/ins/instantnews/web_tc/article/20170118/s00007/1484736811335
【拎牙簽籤筒掟麥提爽】佘詩曼怒爆黃子華：佢成日整我！
蘋果日報 2017.01.18
阿佘同子華繼《絕代商驕》後，將合作新戲。
今日黃子華同古天樂、佘詩曼等到中環出席一開幕活動，黃子華講下近況啦，佢話過完農曆年之後就會開工拍新片，片種屬動作笑片，女主角係佘詩曼。「我嘅角色係007嘅師兄，我冇冧把㗎，犀利呢？」佢又話依家當務之急，係要令自己「唔好太肥亦唔好太瘦，要啱啱好去適合呢個角色。」但佢笑言成個農曆新年要食四十餐，「總之我嘅食量係比你想像中更加為食。個腦知道飽但個人仲好似金魚咁樣繼續食，所以幾大挑戰。」會否操肌？子華笑道：「我保證唔會令觀眾難受，所以你哋唔會見到我啲肌肉。」
至於佘詩曼嘅角色，佢就話係「香港極高權力嘅官員」，係咪奶媽林鄭嗰種？黃子華笑言：「都有佢咁高層㗎，你哋覺唔覺得阿佘有咁踲威勢吖？」
之前黃子華同阿佘合拍過劇集《絕代商驕》，麥提爽同三水妹最後都有錫錫，咁新片又有冇呢啲談情說愛場面？「呢啲避免唔到嘅。（咀戲都避免唔到？）男演員喺呢方面好被動，要睇女主角肯做啲乜。」記者笑言床上戲都係「動作片」喎，子華即笑笑口謂：「你想多了。呢一部特務電影，007有嘅我哋都有，007冇嘅我哋都有。」
同場嘅佘詩曼就話戲中要蝦子華，阿佘話之前有開會，有問佢嘅底線，有問佢有咩做得，有咩唔做得，阿佘就話唔好整佢條頸囉，因為之前條頸傷過。問到係咪唔可以拍親熱戲？阿佘諗一諗答：「應該唔係好嚴重啫，始終呢部係喜劇。」可擔心子華爆肚招架不住？佢就話：「之前有拍劇（即《絕代商驕》），子華都成日整我，我還唔到口，咪還手囉！試過忍唔住呢成個牙籤筒車埋去，之後我郁少少手佢都會即刻縮囉！係當時開會子華重提番，我先記得，原來佢咁小器㗎！」
蕭定一、連詩雅、雨僑、古天樂、佘詩曼同黃子華
《絕代商驕》劇照
Source: http://hk.apple.nextmedia.com/enews/realtime/20170118/56190083
子華希望大家平安 古仔騎馬有童年陰影
蘋果日報 2017.01.18
子華同古仔今日一齊出席活動，被問華仔泰國墮馬受傷一事。
黃子華今日去中環出席活動時，談到劉德華於泰國墮馬受傷一事，子華原來不知此事，一臉愕然：「吓？幾時嘅事？希望佢冇事啦!佢冇事嘅，華哥俾我fit咁多，希望大家過一個平安嘅新年。」
問到子華有否試過受傷？他稱：「有次去玩，試過騎馬，騎咗上去，隻馬拋番我落嚟；之後我再騎上去，隻馬向住堆樹衝埋去，堆樹係隻馬過到，但我過唔到囉，一分鐘拋兩次落嚟。我都冇事囉，華哥咁fit，一定冇事嘅。」講到墮馬經歷，佢就話當時並唔係拍戲，只係去玩，可能隻馬知我唔係搵食，總之就希望華哥能夠吉人天相。
同場嘅古天樂得知華仔墮馬，古仔就話騎馬真係好難控制，因為騎馬都要夾人嘅，事前一定要學騎馬。古仔都講到自己兒時都有陰影，當時爸爸抱住佢去騎馬影相，點知隻馬撞中咗佢個頭一吓，當時只有兩、三歲，大咗阿爸講番俾佢聽，當時用菲林機影相，用咗閃光燈，所以隻馬郁咗一郁囉！所以古仔依家拍有馬嘅戲都係拉住隻馬多，講到佢拍《尋秦記》都有騎馬，佢就話當時隻馬好溫馴，同佢講嘢都會點頭。
Video is available below
Source:
佘詩曼攞牙籤筒打黃子華：佢太乞人憎！
頭條日報 2017.01.18
阿佘自知把口唔夠勁，就郁手打子華。
佘詩曼與黃子華出席活動，即將與子華拍新戲的阿佘指，多年前曾合作拍《絕代商驕》時，因子華經常整蠱她，阿佘自知把口唔夠勁，覺子華太乞人憎便出手打他。
阿佘試過忍不住用牙籤筒打子華，自此她稍為舉手子華即閃縮，想不到此事令他造成陰影。今次新戲開會，子華也提及此事，阿佘即笑子華小氣。
大合照
大合照
Source: http://hd.stheadline.com/news/realtime/ent/820447/
黃子華騎馬曾1分鐘連撻兩次 望華仔平安
頭條日報 2017.01.18
黃子華望劉德華吉人天相。
黃子華、佘詩曼、古天樂、連詩雅、黎紀君等出席hmv概念店開幕儀式，談到劉德華墮馬受傷，子華神色凝重問何時發生，希望只是為了安全才趕快乘專機返港。
子華憶起之前騎馬，1分鐘內被拋下撻了兩次，他說：「跌倒再上馬，隻馬再衝向樹，馬過到但我過不到。我都冇事，華哥那麼Fit應該沒事，希望吉人天相。」
另外，子華於農曆新年後與阿佘拍攝動作笑片，他飾演特務007師兄，不可瘦又不可肥。為食的子華坦言最大挑戰是新年冇得食肥，自嘲像金魚不停吃，飽也繼續吃。
黃子華將與阿佘拍動作笑片。
留言列表
子華市政局 (資料) (1)
