新聞﹕2016.07.26子華與捧《前度》場的鄭裕玲合照 Part 1－~*~oLi in Dayoland~*~

新聞﹕2016.07.26子華與捧《前度》場的鄭裕玲合照 Part 1

新聞列表
Do姐入場撐子華舞台劇網民起哄「男神女神終於合體！」	now新聞
【毛小慧余樂天16年後聚頭】黃子華「前度」嘟姐現身掀哄動	明報
嘟姐撐子華場慧慧阿樂終於合體喇！	東方日報
吳君如與陳可辛睇《前度》眼濕濕　力讚法拉演技有進步	香港01

Do姐入場撐子華舞台劇網民起哄「男神女神終於合體！」
now新聞 2016.07.27

【now.com】藝人鄭裕玲（Do姐）昨晚聯同組合農夫的C君、陸永齊齊到演藝學院欣賞黃子華和陳法拉主演的舞台劇《前度》，完騷後Do姐到後台與眾人合照並上載到Instagram同大家分享。嘟姐與子華這對16年合作《男親女愛》的「前度」再度出現，引起不少網民狂Like，嘟姐留言大讚演出並謂：「男女主角陳法拉、黃子華演出非常精彩！Well Done！」不過不少網民都表示希望見到兩人再度合作，又謂「男神女神終於合體」。

Do姐昨晚去撐子華的舞台劇《前度》，更在後台齊齊合照，不少網民都想見到這對「前度」再合作。（Instagram截圖）

又與法拉（左）三人合照。（Instagram圖片）

昨晚農夫的陸永‌（左一）及C君（右一）與Do姐（左二）一齊睇騷。（Instagram圖片）

Source: http://news.now.com/home/entertainment/player?newsId=187377

Line

【毛小慧余樂天16年後聚頭】黃子華「前度」嘟姐現身掀哄動
明報 2016.07.27

黃子華與鄭裕玲這對「前度」情人實在令人懷念。

黃子華的最佳拍檔鄭裕玲（嘟姐）昨晚(26日)親往捧其舞台劇《前度》演出，在後台再度聚頭，當嘟姐這位16年前的「前度」在後台出現，即引來哄動，嘟姐大讚黃子華「Well Done」，演出非常精彩，不過不少網民卻表示希望見到他們這一對「真．前度」再度合作，更希望若陳法拉換為阮婉(原子鏸)更是圓滿。16年後毛小慧與余樂天這一對有乜改變?留待大家看圖解讀了!

嘟嘟（中）大讚黃子華（右）與陳法拉（左）演出精彩。

Source: http://ol.mingpao.com/php/showbiz3.php?nodeid=1469550000894&subcate=latest&issue=20160727

Line

嘟姐撐子華場慧慧阿樂終於合體喇！
東方日報 2016.07.27

oriental20160727a
轉眼間又16年了，雖然佢哋暫時未有合作，但係呢種「愛」，就係每次子華有搞作，嘟姐都會出現！

有一種友情叫余樂天毛小慧，就係無論幾少見面都好，但一日朋友，一世都係朋友，每次對方有咩大搞作，都會去支持對方！

是咁的，眾所周知黃子華同女神陳法拉套舞台劇就進行得如火如荼，唔止台上吸睛，台下一樣星光熠熠，而大家最期待嘅畫面終於出現了！16年前同子華合作，成功製造神話嘅「慧慧」，終於去咗撐呢位最佳拍檔「阿樂」，唔使講真名都應該知係邊個啩？呢對最受歡迎螢幕情侶子華神同嘟嘟姐（鄭裕玲），喺呢個Moment終於再合體，唔少網民都大嗌「回憶返晒嚟呀」！

其實每次子華神開騷，深居簡出嘅嘟嘟姐一有時間都會去捧場！而子華亦曾經上過嘟嘟姐有份主持嘅電台節目接受訪問傾吓偈！所以話，呢種愛就係就算隔幾耐冇見，見番面都唔會覺得陌生，仲會互相支持！

而佢哋上年12月仲有同《男親女愛》演員出嚟Gathering，雖然就唔知套神劇有冇續集，不過見到佢哋兩個合照，都真係巧……感動呀！！！

16年前的「余樂天」同「毛小慧」！

喺上年12月佢哋難得Gathering！

仲有《男親女愛》一班演員！

而今次，「慧慧」又去咗撐「阿樂」喇！真係好多回憶呀！

當然唔少得法拉（左）！

仲有嘟姐口中嘅「兩隻嘢」陸永（最左）同C君（最右）！

嘟姐IG

Source: http://dayo-wong.com/en/news/%e5%98%9f%e5%a7%90%e6%92%90%e5%ad%90%e8%8f%af%e5%a0%b4-%e6%85%a7%e6%85%a7%e9%98%bf%e6%a8%82%e7%b5%82%e6%96%bc%e5%90%88%e9%ab%94%e5%96%87%ef%bc%81/

Line

Do姐孖農夫欣賞《前度》被網民要求與黃子華再合作
香港01 2016.07.27

Do姐帶埋農夫捧子華場！(Instagram圖片) Do姐帶埋農夫捧子華場！(Instagram圖片)

近期大熱除了手機遊戲《Pokemon GO》，別忘了還有黃子華與陳法拉主演的舞台劇《前度》。自公演起，熱潮從未減退，不少粉絲睇完都buy，而親自捧場的圈中名人也一個接一個，昨晚第22場就有林嘉欣、農夫、鄭裕玲(Do姐)及鍾楚紅(紅姑)現身支持，真是愈來愈強勁！

與黃子華合作過《男親女愛》兼成為好友的Do姐，拉埋農夫一起到後台與好友見面合照，大讚對方演出「Well done!」不少網民見過合照都想Do姐與子華再度雙劍合璧！另外，同樣與黃子華合作過舞台劇《野豬》的林嘉欣偕老公袁劍偉都有到場睇舞台劇，後來她在社交平台上貼上合照，並表示：「阿頭馬，祝前度再前度！愛你，大佬。」看來嘉欣與子華在之前合作所建立的情誼非常深。

大美人紅姑都有到場支持，子華魅力果然沒法擋！大美人紅姑都有到場支持，子華魅力果然沒法擋！