~*~oLi in Dayoland~*~

黃子華：「茶餐廳正過半島！」 
飲食男女 2001.11.21

相約黃子華做訪問，問他愛吃甚麼，他說：「茶餐廳o野食！」子華愛茶餐廳的程度幾近瘋狂，在香港的日子，每日例必去茶餐廳打躉，甚至狂到把屋企一角裝修成茶餐廳卡座位。子華說：「我愛茶餐廳多過半島！」

靈感泉源

子華細細個已經去茶餐廳，正如佢話「所有香港人都係o係茶餐廳長大o既」。不過要數真正愛上茶餐廳，卻是廿多歲由外國回來後的事。

「全世界淨得香港有茶餐廳，o係外國根本搵唔到。可能物以罕為貴啦，返o黎我就開始鍾意去茶餐廳，因為o係呢度你可以搵到一個完全無裝飾o既世界，o的人好真實、好親民，坐o下觀察o下呢度o的人做乜，偷聽o下人o地講o野，可以(手羅)到好多靈感。我以前棟篤笑都試過講深水土步茶餐廳有20蚊『臣』咁大o既牛(手八)，諗o黎諗去都唔知點解可以咁平？呢o的咁生活化o既題材只有o係茶餐廳(手羅)到。」

子華說自己很犯賤，要他揀他寧願去茶餐廳好過半島。「去到o的大酒店，個個著到靚一靚，全部都係修飾過o既，好虛假，一o的人情味都無。」

愛舊唔愛新

雖然茶餐廳梗有一間o係左近，但子華只愛古舊o既茶餐廳冰室。「我好鍾意o個種古古o地o既味道，呢種氣氛好似媽媽、阿婆個年代。坐o係度好似返番去以前，諗番好多細個o既o野同屋企人發生o既事，搵番好多過去o既回憶。」

子華說油麻地廟街美都是他打躉茶餐廳熱點之一。「幾年前有個朋友帶我o黎呢度，我一入到o黎已經感覺好正，上埋條舊式樓梯到二樓，嘩！咁鬼開揚o既，陽光四射入o黎，仲可以望到出面榕樹頭。仲有o個o的階磚、呢種絕跡o既綠色窗框同埋個痰罐，簡直有驚為天人o既感覺。美都已經有五十幾年歷史，呢種feel係出面o的茶餐廳模仿唔倒o既。我鍾意一個人o黎，拎本書，(手羅)o的o野o黎寫o下。我試過有次坐o係度望住榕樹頭三個鐘，就係『步』住個後生仔點樣由一個棋竇轉去另一個，好有趣味。」子華說這才是真正偷得浮生半日閒。

食得撚手

子華說去茶餐廳食o野唔應該咁講究。「去得茶餐廳你就預o左個廁所係汙糟o既，個杯係崩o既，就算食食o下有隻烏蠅飛落o黎都應該(手畢)開，繼續食唔使投訴。不過反而係要食得撚手。

「好似你去何文田奇香就梗係要食牛肉意粉、新發就乜鬼立雜叫一餐，o黎美就一定要叫焗飯，呢度個焗飯炒完再連炸過o既排骨放入舊式焗爐焗，特別香脆好味。呢度o既菠蘿油都好食，個菠蘿包唔使大，o岩o岩包住(口舊)牛油就得，包要熱、牛油要凍，一口咬落去冷熱交集，每一啖都成口油香，正呀！」

子華到茶餐廳另一樣必叫的是奶茶，「茶、奶、糖分量各佔1/3就最順滑香口啦。一間茶餐廳如果連奶茶都整到澀就好似做演員口窒窒咁，不如就唔好做啦！」子華雖然吃得不講究，卻仍有自己的執著。

後記

做完訪問，我們正在收拾，子華卻繼續望著出面的榕樹頭很入神。這刻的子華沒有了星味，卻多了份感性。旁人繼續他們揭報紙、吃多士的動作，沒有因為多了明星在場而起哄。在這裡子華可以做番自己，呷著他的奶茶，享受一下真正的偷得浮生半日閒。

Source: http://sbinghe.blog.163.com/blog/static/16536809720151881920909/