~*~oLi in Dayoland~*~

身在紅館心繫雨傘黃子華以愛論佔中
NTDTV 2014.10.18

香港藝人黃子華於上周一開始在紅館的棟篤笑(獨角喜劇)揭幕，轉眼11場便畫上句號。(維基擷圖) 

【新唐人2014年10月18日訊】香港藝人黃子華於上週一開始在紅館的棟篤笑(獨角喜劇)揭幕，轉眼11場便畫上句號。由於適逢「和平佔中」行動，向來喜歡談論政治的他日日講佔中。他力撐學生為愛而開始這場運動；在葉劉淑儀指學生「不是省油的燈」，他笑著說，「你們都是古墓派」，其中有笑有淚，隨着局勢變化作增刪。以笑聲為香港人打氣！

據香港《蘋果日報》報導，黃子華每次舉行棟篤笑必會為觀眾帶來歡樂大笑，不過，此次在紅館舉行的一連11場棟篤笑卻碰上「雨傘運動」，身為港人的他感慨萬分，自上週一晚首場開始，他每晚都因應局勢變化，上台時把內容作調整增刪。

在台上，黃子華力撐學生為愛而開始這場運動，直言「有一隻雞蛋碎咗（破了），我都冇（沒）心情做」，擔心學生會受傷，呼籲大家要繼續滲入愛和智慧。

黃子華每晚都因應局勢變化，上台時把內容作調整增刪。前晚尾場，在完場前發表了「佔中感言」，貼題講及社會近日出現的撕裂情況，他用「BB仔」（小嬰兒）比喻香港，呼籲大家要有愛，任何一方過度用力都會扯瓜（打垮）他，全場報以熱烈的掌聲。

...Source: http://www.ntdtv.com/xtr/b5/2014/10/18/a1147136.html

尾場騷吐心聲表態撐學生子華：一隻雞蛋碎咗，我都冇心情做
蘋果日報 2014.10.18

■男神黃子華前晚尾場騷完結前以「扯B論」形容現在社會撕裂狀況。資料圖片

【雨傘革命】男神黃子華上周一在紅館的棟篤笑揭開序幕，轉眼11場便畫上句號，前晚尾場依然座無虛席，子華無懼敏感，晚晚大講雨傘革命，當中有笑有淚，隨着局勢變化作增刪，佔中導致社會出現撕裂現象，子華前晚台上力撐學生為愛而開始這場運動，直言「有一隻雞蛋碎咗，我都冇心情做」，擔心學生會受傷，呼籲大家要繼續滲入愛和智慧。

黃子華每次舉行棟篤笑必為觀眾發放笑彈，可是今次在紅館舉行的一連11場棟篤笑「唔黐線唔正常」卻撞正雨傘革命，身為港人的子華感慨萬分，自上周一晚首場騷開始，他每晚都因應局勢變化，上台時把內容作調整增刪。前晚尾場，劉青雲及黎耀祥一家三口撐場。子華更在完場前發表了「佔中感言」，貼題講及社會近日出現的撕裂情況，子華用「BB仔」比喻香港，呼籲大家要有愛，任何一方過度用力都會扯瓜他，全場拍掌和應。

■佔中和反佔中變得兩極化。資料圖片

■黃子華希望佔中問題可以用智慧解決。資料

嘲鑊鑊新鮮鑊鑊甘

佔中和反佔中變得兩極，不單友人之間，連演藝界都爆出unfriend潮，子華卻說：「每晚我哋都有唔同意見，我哋呢度好民主，你放心，你隔籬嗰個係唔會即刻unfriend。」前晚最後一場，子華賣大包加送「安哥」，過去的棟篤笑，經歷過金融風暴及03年沙士等，輪到這次佔中，鑊鑊新鮮鑊鑊甘，子華坦言一度擔心佔領行動令棟篤笑胎死腹中：「自佔領開始，我每晚都預咗聽晚冇得做，呢個唔係一件好得意嘅事，因為每晚都有啲事發生，每晚件事都可以發生大到令我冇得做。好簡單嘅原因就做唔到，我一路講雞蛋、高牆。我當然企喺雞蛋嗰邊，如果有一晚，有一隻雞蛋碎咗，我就冇得做，我相信大家都冇興趣聽，我亦都冇心情做。」

過去兩個多星期，佔中先後爆出連串清場行動，子華慶幸當中港人堅守愛香港精神，他說：「發生咗咁多日，冇碎過一粒雞蛋，係好唔容易。」子華用「BB仔」比喻香港，他說：「大家有個BB仔，一邊就扯住佢對手，一邊就扯住佢對腳，但𠵱家扯咗成廿晚喇，冇扯瓜佢，因為大家都錫住佢呀。」子華邊說邊肉緊做出扯爛BB仔動件。

■劉青雲和黎耀祥一家三口前晚往撐黃子華棟篤笑。

扯B論喻解決撕裂

子華希望藉着尾場呼籲：「我哋係因為愛而開始呢個運動。無論係政府，或者市民，我哋都係因為有啲愛。我希望大家以後更加要諗吓，呢個愛，除咗單扯之外，因為如果一邊扯得好實，另一邊唔會話：『你唔放，我亦都好愛佢！』，我又扯得好實，於是就扯瓜佢。所以，要諗吓，跟住點扯呢？嗰個愛，先係真正嘅考驗，希望大家有智慧，多謝大家！」子華繼續強調港人要拿出智慧去解決問題。

採訪：陳杰  

Source: https://www.youtube.com/watch?v=dVoK9QJnsvQ

精華回顧：佔中佔領子華騷
蘋果日報 2014.10.18

黃子華喺雨傘革命期間舉行11場棟篤笑，向來論盡政治的他日日講佔中，首場已經直指香港毒已中而且好嚴重，笑喻中港關係更加如婆媳糾紛，「奶奶」只是畀「新抱」揸lift並非揸弗。身在紅館的他，心繫雨傘革命，每晚內容亦隨即更新，以笑聲為香港人打氣！

第1場

葉劉淑儀指學生「不是省油的燈」，子華笑謂：「呢啲又係武俠小說先出現，你哋都係古墓派，你哋返番去個古墓度即係點樣呀，我發現啲學生不是省油的燈，我不禁倒抽一口涼氣，然後發出689拳，都被雨遮一一擋下！」

第5場

子華讚香港人都是善良、勇敢，當日林鄭月娥代表政府宣佈拒絕與學聯對話後，10萬市民紛紛上街逼爆金鐘，這夜他忍不住激讚：「我哋都係光明磊落嘅香港人。」說時更三度停頓，垂頭掩面，為港人的表現動容。

第6場

陸續有高官強調「佔中是非法」、「佔中影響民生」等「偉論」之後，子華在騷上引用村上春樹的說話：「我哋今次唔係雞蛋與高牆，我哋今次係雞蛋撼高牆，高牆後面仲有一座山，我哋面對係呢樣嘢。」他更表明自己站在「雞蛋」一邊，亦不希望看到「有一粒雞蛋係粉碎」，所以呼籲大家「有仁，有勇，我希望我哋都有智慧，去保護我哋自己，不容一粒雞蛋粉碎，好唔好？」

子華又解答催淚彈何以是87枚，而不是88？89？他說：「89係一個好敏感嘅數字，冇人想記起89有催淚彈，同埋89又會令你記起689。唔好提醒佢，唔該。」

第7場

特首到底點樣可以清場？子華亦有貼士，他說：「首先買對好快嘅跑鞋，搭的士去女人街街頭，同大家打個招呼，然後由街頭跑去油麻地，要跑快啲喎，再經紅隧去到金鐘，啲人見到佢實追㗎嘛，包保冇晒人喺旺角啦。」神級！

第10場

警察以電筒阻礙記者採訪，又有黑警拉示威者入去「暗角打鑊」，子華即場加插被閃光燈強拍環節，他說：「嘩！我叫住你唔好嚟，你仲影，你因住我驅散你！係呀，你盡量小心唔好行去暗角位置，好危險！」

第11場

尾場，雨傘運動繼續，子華以愛論佔中，他說：「我哋都係因為有啲愛，如果唔係就扯爛咗呢個BB仔（香港）。我希望大家以後更加要諗吓，跟住落嚟要點扯呢，嗰個愛就是真正的考驗。」