睇Show前 重溫！黃子華 金句 40句
U Beauty 2014.10.09
「男神」黃子華開 Show，首然必然引來撲飛潮，開Show 後又必然會引來大量「劇透」。小編未去睇，已經避唔到 Facebook 上
一張又一張的「金句圖」。有追開黃子華的你，又記得幾多金句？
wah_1.jpg
「即係你係佔中，定反佔中，係睇你，視乎香港呢個病有幾重。我聽過一男一女對話係咁嘅:『你想整容呀？整容可能變成毀容呀!』拿，
信呢句話嗰個人，可能就係周融喇，唔好亂搞嘢，『毀融』。」
「一個男人點都會 hurt過一兩個女人。但作為一個女人一世未俾男人 hurt 過，咁就係真正嘅 hurt 啦。」
「我覺得講得出『我好鍾意返工』呢句說話既人，一定係鬼上身。」
「搵食啫，犯法呀？」
「男人喺愛情上係要求新鮮，女人對愛情最大要求就係保鮮。」
「化妝就係你落咗妝，我仲認得你，你落咗妝，我唔認得你，嗰啲叫做喬裝。」
「喺我第一次戀愛之前，我認為自己就係楊過。而我同書裏面嘅楊過唯一唔同地方，就係佢有一隻大鵰。」
「我第一次戀愛之前，我嘅小龍女只需要一個條件，就係靚，我知我咁樣諗好膚淺，但係嗰陣時我重細，唔知道原來身材都好重要架。」
「你愛的，得唔到；你唔愛的，你甩唔到。」
「大難不死，必有鑊粥。」
「若要人不知，唔好太低B！」
「你咁戇居嘅，你好學唔學，做咩要死呀？你死嘅時候，死會嚟搵你丫，你去搵佢？」
「有着數就正義原則，無着數就乜都掉得，呢個世界唔係咁嘅咩？」
「戀愛係一盤生意，你要二十四小時諗住佢。」
「當乜嘢人都唔搵我做嘢，我就知道，我係一個偉大嘅藝術家，在生嘅時候係唔會獲得應得嘅尊重。唔止咁，我仲偉大過偉大嘅藝術家
，因為我知道，我死後都唔會受到尊重。」
「基本上男人係做到三個不，不主動，不抗拒，最重要我地係不負責嘅。」
「女人不嬲都好鍾意用啲好偉大既字眼……『永遠』。永遠夠偉大喇掛？但係女人同嘅永遠，係有實質數字既：三次，三次就係等於永
遠。」
「另一個字眼都好偉大：『從來』。從來唔同有史以來，有史以來都話有段史丫﹗從來……從何而來呀？」
「而家香港人生仔可以冇老婆，但唔可以冇菲傭。」
「我細個讀書唔好，或者唔合格，我冇要父母負責。我自己簽曬啲成績表嘅。」
「我唔係一個唔負責任嘅人，為我爸爸媽媽嗰短短一剎嘅快感，我已經負責負咗廿幾年。你估做我好易做啊？」
「乜嘢叫做天真？就係你相信一個藝人嘅形象就係嗰個藝人，咁樣就叫做天真。」
「所以梁錦松佢而家好犀利架，佢經濟冇破產、佢人格亦都冇破產，佢係IQ破咗產。咁我哋唔應該欺負啲智慧低嘅人。」
「人類有人類自己嘅食物鏈，人類嘅食物鏈簡單好多，只有三種。最下層係無產，中層係中產，頂層係X家產！」
「香港既精神，就係『冇精神』。」
「助養靚模，家破人亡。」
「佢畀份人工你，一半係畀你做嘢嘅，一半係畀你受氣嘅。」
「英雄難過美人關，肥妹踩冧斷背山。」
「世事無絕對，只有無頭緒。」
「而家香港係從未試過咁大怨氣，但係香港都從未試過有一個人係咁適合做出氣袋丫。」
「女人撞衫，仲大件事過撞車。」
「請你好好放低」
「同你嗰啲唔係代溝，簡直係鴻溝。」
「感情呢家嘢呢，你預左係唔OK 嘅，你就OK」
「越大隻，越抵錫！」
「錯就要認，要對方認！」
「阿媽標仔參，邊個俾贖金？」
「全港市民熱烈慶祝『收返』！」
「只要有泳衣，死咗都有得醫。」
「一千幾百，猶如垃圾，富貴於我如浮雲……但是浮雲於我如命根啊。」
留言列表
子華市政局 (資料) (1)
