【黃子華開騷】入場觀眾激讚 講佔中部份好好睇
蘋果日報 2014.10.07
apple20141007a
(攝影:仇志德)(蘋果日報)
男神黃子華噚晚紅館開棟篤笑首場《唔黐線唔正常》，內容已經喺網上瘋傳，騷後本報訪問咗一班觀眾:
1.吳先生：「最鍾意佢開頭講佔中嗰度，好認同講得好中。佔中發生以來，都冇見過佢講過，想知佢點諗。冇諗到佢會用婆媳關係呢個比喻 （中港關係） 。」
2.陳先生：「係子華嘅Fans，一向佢嘅騷都有睇，覺得佢今日講得好精彩，尤其係佔中嗰部份。中港用婆媳關係呢個形容真係好貼切。」
3.鄭先生：「我係第一次睇黃子華嘅棟篤笑，覺得真係好好睇，最深刻係佢開頭講佔中。講婆媳關係真係講得好好。」
4.阿恒：「覺得好好睇，最鍾意佢講狗嗰部分，講既話題好合乎現實發生既事。佢講佔中嘅嘢都好合乎主流。」
Source: http://hk.apple.nextmedia.com/enews/realtime/20141007/52990238
【黃子華開騷】(環保篇)吐篤痰罰十萬蚊 仲有咩人夠膽吐？
蘋果日報 2014.10.07
（攝影：仇志德）(蘋果日報)
男神黃子華開騷除咗講佔中，仲有講環保:
《環保1》
全世界認同一件事係需要環保，香港咁分裂都冇人有異議，香港係唔夠環保，明知唔夠環保都係做唔到，好難，點解？以前香港好多人好興吐痰，o依家好少，點解呢？點解，因為當年你行入任何一間食肆就會見到四句詩，夠年紀同我一齊背出嚟:「隨地吐痰乞人憎 罰款二千有可能 傳播肺朥由此起 衛生法例要遵行」當年吐一篤痰罰二千蚊，二千蚊調整今日通脹等於今日十萬蚊，你諗下吐篤痰十萬蚊仲有冇人吐?有...揸法拉利嗰啲，唔係畀得起錢，係走得快。
Source: http://hk.apple.nextmedia.com/enews/realtime/20141007/52990319
【黃子華開騷】(環保篇)被人話吐痰點拆? 「體液公共分享」？
蘋果日報 2014.10.07
繼續子華騷環保篇:
《環保2》
你唔係揸法拉利，你冇資格吐痰，只係有資格起痰，成日喺街見到啲阿叔度「...吘...吘...吘，啲橙點賣呀？」佢冇嘢出嚟，好似變魔術咁，吘吘吘，呢個魔術慳十萬蚊，今日你唔環保，你用膠袋要畀幾多錢，要畀五毫子，若果當年吐痰係罰五毫子，今日大家唔駛行入嚟，大家係跣入嚟，你坐樓上嗰啲好危險o架，你咳一咳你就落咗嚟啦，點解呀，我畀咗兩舊水呢一行吐痰呀，自己友O嚟嚟嚟，客咩氣，你吐一篤，我畀咗兩舊水，都唔會吐，因為唔係只係錢問題，係形象都好有問題，係乞人憎呀，今日啲人唔環保，你點鬧佢呀，唔環保﹗係咪，即係你吐痰，被人話你吐痰，哎呀原來呀吐痰呀，家母教我呢啲叫做體液公共分享，原來吐痰好Man o架，你吐痰被人話你吐痰，你唔環保被人話你唔環保，文學上叫白描，個細佬白描，描咗等於冇描，我哋為咗令大家明白事情嚴重性，整番幾句詩，子華吟環保詩「用襯膠袋正契弟 成疊紙巾扮富貴 水浸眼眉等住做 你大熱天時流鼻涕」，唔環保正契弟。
strong>【黃子華開騷】(環保篇)被人話吐痰點拆? 「體液公共分享」？
蘋果日報 2014.10.07
(小圖為網上圖片)
繼續子華騷環保篇:
《環保2》
你唔係揸法拉利，你冇資格吐痰，只係有資格起痰，成日喺街見到啲阿叔度「...吘...吘...吘，啲橙點賣呀？」佢冇嘢出嚟，好似變魔術咁，吘吘吘，呢個魔術慳十萬蚊，今日你唔環保，你用膠袋要畀幾多錢，要畀五毫子，若果當年吐痰係罰五毫子，今日大家唔駛行入嚟，大家係跣入嚟，你坐樓上嗰啲好危險o架，你咳一咳你就落咗嚟啦，點解呀，我畀咗兩舊水呢一行吐痰呀，自己友O嚟嚟嚟，客咩氣，你吐一篤，我畀咗兩舊水，都唔會吐，因為唔係只係錢問題，係形象都好有問題，係乞人憎呀，今日啲人唔環保，你點鬧佢呀，唔環保﹗係咪，即係你吐痰，被人話你吐痰，哎呀原來呀吐痰呀，家母教我呢啲叫做體液公共分享，原來吐痰好Man o架，你吐痰被人話你吐痰，你唔環保被人話你唔環保，文學上叫白描，個細佬白描，描咗等於冇描，我哋為咗令大家明白事情嚴重性，整番幾句詩，子華吟環保詩「用襯膠袋正契弟 成疊紙巾扮富貴 水浸眼眉等住做 你大熱天時流鼻涕」，唔環保正契弟。
Source: http://hk.apple.nextmedia.com/enews/realtime/20141007/52990491
【黃子華開騷】(環保篇)子華教你 契弟英文可以點譯
蘋果日報 2014.10.07
子華騷《環保3》:
全世界冇人會敢鬧一個唔環保嘅人，點解？因為契弟好難翻譯，我唔信你哋有邊個會識，this is not my brother，not a bad brother，is a kai brother，即係出面啲人鬧點解你咁kai，就係呢度嚟，kai brother，咁女人唔環保咁點，哎呀陳小姐點解你咁契弟呀，又好似唔係好啱咁，點解全世界冇人咁鬧啲唔環保嘅人，各位因為嘆開嘅國家係想繼續嘆，冇嘆開就更加想嘆，我寫咗首新詩，想喺度同大家分享下，子華以朗誦技巧講「美國夜靜一個男人，喺一個水塘，小一個便，男人放水，水塘放晒水塘嘅水，是水有毒，亦或是人有毒，中國十萬萬人檯上食飯，一桶桶地下溝油，吃得快，長得大，你浪費水，我循環油，人不怕毒，天怕無毒。」呢個新聞係美國，你啲美國佬飲水都飲得咁招積，一個水塘疴一篤尿就放晒喎。
Source: http://hk.apple.nextmedia.com/enews/realtime/20141007/52990504
【黃子華開騷】(強國崛起篇)子華分析 點解強國人成日喺飛機打交？
蘋果日報 2014.10.07
(大圖 蘋果動新聞片段)
子華話:「美國人咁識嘆，中國人都好識嘆，舊年去旅行就去咗八千萬人，八千萬人就係全香港人一年去咗八次旅行，係十次呀，所以嚟到香港係冇人，去邊佢哋，去咗旅行，點解成日去到飛機見到中國人喺飛機打交，因為我啱啱去完旅行又要去旅行呀，好忙呀，好燥呀。連想買啲紀念品都冇，你買咗好多呀﹗嗰啲邊係紀念品啫，紀念品係你哋買唔起我又唔駛睇價錢嘅物品，紀念品。」
子華續說:「印度又如何，今時今日好有錢，印度人最鍾意兩樣嘢，第一就係死後燒為骨灰撒落恒河，回歸母親之河。第二佢哋鐘意法拉利，我喺恒河邊上面，有一家印度人請我食飯，檯都冇張，就喺個印度人同佢老婆瞓張床度佈張報紙就咁開飯，係咪佢習俗，就咁我哋中國人有我哋習俗，「得上床，就牽被冚。」我又有我自己習俗，我上床要戴眼罩，冇理由戴眼罩食飯，佢哋係家窮四壁，但係佢咁細嘅仔有件玩具，連我好妒忌，一部可以坐人電動法拉利小型跑車，可以畀冷巷度行。
呢部假嘅，另外有位印度小朋友，揸住佢爸爸部真正法拉利，載住5歲細佬喺真正馬路度駕駛，比人拍底，警察去拉佢爸爸話佢危險駕駛，邊個拍條片，咪個爸爸囉，哎呀，佢9歲揸法拉利，我真係唔係好爸爸，佢大個揸乜嘢，大個揸乜唔係最重要，係你幾多歲開始揸。若果印度似中國富起來，恒河要改名叫有法拉利河，每一個有錢印度人臨死前，揸住法拉利到恒河邊，淋油，連人帶車淋油燒。」
Source: http://hk.apple.nextmedia.com/enews/realtime/20141007/52990629
【黃子華開騷】(工作熱情篇)對老闆講「十倍奉還」 預咗唔撈?
蘋果日報 2014.10.07
原來子華都有睇「半澤直樹」!
子華騷《工作熱情》篇:
「一套日本電視劇，一個打工仔點解咁受歡迎，因為到佢有需要時候，佢就會同老闆講，我會以牙還牙，十倍奉還，其實你夠膽做呢個樣，你做乜都得啦。
你同你老闆講最兇恨係點呀，阿伯母幾時得閒呀，都係呢啲，我真係有老友同老闆講過，正正因為呢啲，証明對工作冇熱愛，講得出呢句都預咗唔Do，勢估唔到有個老闆同你講家母擇緊日子睇緊通勝，係唔會呀嘛。
以牙還牙，十倍奉還，係另一個層次，點解半澤直樹會講呢句說話，佢喺銀行打工，邊度打工不重要，佢可以去麥當勞打工，佢老闆可以問佢點解次次斟奶昔都斟一半，因為冇人需要咁大杯奶昔，飲一半已經好夠營養，另一半只係為公司營養，公司冇營養你食屎呀，我喺呢度打工唔係為咗我同為公司利益，我同公司都係社會一部份，有責任去服務呢個社會，邊個阻撓我，我就會以牙還牙，十倍奉還，麥當勞以牙還牙，搵家鄉雞打我呀。
《工作熱情2》
點解半澤有呢個熱情，銀行借錢，佢父親以前問銀行借錢借唔到，吊頸而死，所以佢嘅工作熱情因為有殺父之仇，你哋邊個對工作冇熱情，就睇下世伯喺邊度走，就做邊行，咁好難，我爸爸係試衫時跣親，咁你去做sales，包唔會對啲客人黑口黑面，阿伯你幾環保，齋試唔買，你當呢度酒店呀，駛唔駛叫埋room service，你一定唔會，慢慢試到啱為止，當做運動，唔得閒行山，咪試下衫，正所謂上得山多終遇虎，試得衫多收屁股。」
Source: http://hk.apple.nextmedia.com/enews/realtime/20141007/52990744
【黃子華開騷】(政客思維篇上)叻人最多可以諗到幾多步?
蘋果日報 2014.10.07
(攝影:仇志德)(蘋果日報)
子華騷的《政客思維》篇，鋪排有點長，敬請耐心收睇:
《政客思維1》
「我80年代時型到呢，我當期時好多嘢諗，我唔流汗，只係流漿，腦嗰啲，有一日我好多嘢諗行過條細街，多嘢諗自然行得慢啲，忽然身邊有架小型家庭車喪砵我，好似失散好耐，「重逢...重逢...重逢」喪砵我，我二話不說行埋車度，開車門話唔好講，出嚟。我喺嗰剎那開始後悔，佢出嚟做乜嘢呢？嗰下我幻想畫面入面係我好型，我開佢車門，下一個畫面就係我屋企嘆冷氣飲維他奶回味開佢車門好型咁。
開佢車門佢真係會行出嚟，你咁高大嘅人坐架咁細嘅車，係咪犯咗某啲交通條例，同埋四人車，出咗五人，咁肯定犯法，呢個係你喎，肯定係畀綠帽你戴，你三個仔都唔似你，咁老積，你咁後生，你幾條友唔駛化妝，就可以做省港奇兵。你開我門你想點呀？咁你砵我你又想點呀？我砵你費事撞死你呀？我冇死到咪開你門。原則上咁辯論可以講半個鐘。
《政客思維2》
「呢件事對我影響好大，直至今日都係，就咁睇好似係一時衝動自取其辱，但係呢個世界係冇一時衝動，我係計過佢，佢望到佢一架四人家庭車，一男一女坐車頭，咁肯定係爸爸媽媽，後面應該係仔仔女女，爸爸要走出車，梗係全家車呼天搶地拉住爸爸嗌唔好。
咁同埋我不單計佢，我都計過自己，我當日著住皮褸，當時皮褸成吋厚，係著住會覺得被車撞係唔會死，打應該唔會痛，冇諗佢會群毆，除非集中上面打落嚟，集中喺頭度。
我係有計過佢，但計得唔足夠，我睇佢車頭就開佢車門，呢啲叫「資訊與行動不相稱」，對我嚟講一時衝動自取其辱冇所謂，但點解咁大衝擊，因為到今日我都懷疑，我人生好多決定都係睇到車頭開人車門，結果係大腳省入自己龍門。」
《政客思維3》
「我哋個腦呀，各位，專家話有個特點就係懶，唔諗就係唔諗，佢最想就係收工，當你冇諗時，佢就同你講你諗咗啦，見到一部小型車，你著皮褸，見到坦克車都唔驚啦，同埋我趕住收工，開門啦，如果佢唔係咁趕收工，就算我見到一部小型家庭車，好清晰見到一家四口，我會諗個爸爸載住一家人都喪砵我呢，個人一定有好多問題。
世界棋王可以諗到七步，但係一般人喺趕收工先影響下就只會諗一步，卒一步將軍，咁幾時篤，問得好，人篤你就篤，你能夠諗到兩步自步自篤，呢啲好高級，阿強話佢諗到三步，我知，連篤三步，阿強話行三步係篤卒，唔算，再篤過，唔算，再篤。
諗到四步係人類極限，係我發現，何鴻燊有四個老婆，不丹國王有四個老婆，回教畀你四個老婆，我認識最風流男人最多都係四個老婆，點解，因為有四個老婆，一起身就要諗四步，你諗時間表都死，一個拜七日，每日先分一日，冇咗四日，剩餘四個人分，每人有四分三日，夜晚瞓到四點就要起身搬竇，搬到下一家朝早九點食宵夜，晏就一點半就又要搬家，一路咁，四步人類極限。」
Source: http://hk.apple.nextmedia.com/enews/realtime/20141007/52990854
【慌張西望】黃子華「分裂」香港
蘋果日報 2014.10.07
今日香港面臨撕裂，原來唔係因為愛唔愛國、佔唔佔中、罷唔罷課、黃定藍抑或黃子華，而係——買唔買到黃子華棟篤笑嘅飛。
「我求吓你啦，咪再喺我面前提『黃子華』三個字啦，好冇？」大B在電話中懇求Stepthanie收口。話說Stepthanie啱啱睇完男神《唔黐線 唔正常》，唔知黐咗邊條線，突然打畀ex分享內容。
「我就係要講呀，你冇聽過劇透猶如殺人父母咩？嘟~~~~~~」看來Stepthanie仍對大B恨之入骨。
大B呆望手機，不禁回想起月前瞓街排隊的日子，那時他還跟Stepthanie打得火熱，愛得如膠似漆。說到瞓街排隊，身為賓架的大B要跟南亞黨平起平睡，當然有失身份，所以周杰倫冇排、Sammi冇排、iPhone 6都冇排，但黃子華棟篤笑喎，為咗女友Stepthanie，大B一樣可以去到好盡。皇天不負有心人，機會係留畀瞓街人，大B撲到12號嘅貴飛。
「點解唔係頭場㗎？」Stepthanie的典型港女tone一句得埋去。
「星期日吖嘛，嗰晚又冇波踢。」大B唯唯諾諾。
「啲人穿晒橋，你叫我點睇喎！你都唔了解我嘅，我哋分手啦！」大B望住兩張$580飛，佢望唔穿望唔透。原來港女唔淨止喺手袋牌子上有絕對話語權，睇邊一場棟篤笑都係。
CCTVB劇情。Stepthanie好快搭上另一條船，無論樣貌同財力都比唔上大B，但手上就係有兩張淘寶淘番嚟嘅子華頭場飛，仲要係山頂位，死未。
撇除大B失戀，佢呢類買到子華飛嘅人，其實已經好幸福。子華開11場騷，當每場坐萬三人，買到飛嘅加加埋埋全港頂多14萬，絕對係小數，姑且叫佢哋「黃營」；至於買唔到飛、一味葡萄啞忍嗰批，先至係silent majority，就叫「藍營」。
兩大陣營對立，當然唔係一朝一日嘅事。黃營係「既得利益」者，之前喺facebook炫耀呃like，已經引起好多藍營人士反感。直至噚晚，「棟篤笑劇透」幾乎喺facebook洗版，冇得入場睇騷嘅藍營仲唔乘機發圍，向未睇騷嘅「黃營」大肆挑機？就係咁，分裂香港正式開始，社交網站更出現前所未有嘅unfriend潮。
藍營先佔領了facebook、instagram和微博等據點，狂按share和like搞事，又在黃營的account上留下comment，擺明挑機。黃營也「非省油的燈」，除了例牌的unfriend應對，亦會惡言相向，怨氣充斥整個互聯網。如果香港有網上警察，相信他們毫不猶豫致電舉報，希望警方利用適當武力清場，吖梳，係清牆先真。
當然，亦有藍營在黃營面前大劇透挑釁，結果生日歌響遍全公司。
這一切，杜秋棠看在眼裏只覺鬱悶，香港實在容不下更多的分化。況且，並非所有藍營都是存心搞事，說不定是為身在金鐘、冇得睇棟篤笑的學生打氣呢！再者，無論藍營或黃營，終極目的亦只有一個，就是想看子華棟篤笑，就正如每個港人都想看到香港的前景變得更美好。
撰文：杜秋棠@抽水站
Source: http://hk.apple.nextmedia.com/enews/realtime/20141007/52991267
【黃子華開騷】(愛情篇)子華唔識邊個蒼井空全場噓爆
蘋果日報 2014.10.07
「相處真係好困難，你係兩種唔同物種相處，有冇聽過一個名言，「保圍鈎魚台 生擒蒼井空」，我唔記得係生擒定活捉，都係嗰隻啦，釣魚台是中國的，蒼井空是世界的，其實冇人想講蒼井空是我上架床的。
有冇人唔知蒼井空係邊個，我諗全場得我一個唔知，我真係我發誓...（全場噓）
台下啲男士噓，我同你哋唔同，我唔需要自己去搵o架。（掌聲四起）
我第一次聽蒼井空，我以為係一種雀，聽個名好似某種鷹咁，保圍釣魚台要活捉一樣嘢，咁釣魚台有咩啫，咪以為係雀嚟囉。
你試諗一諗各位女仕，o依家講緊國土完整咁大問題，可能會打仗，一講出嚟好多男人就諗起野味，生擒活捉...咪死咗話你聽，唔係每
Source: http://hk.apple.nextmedia.com/enews/realtime/20141007/52991623
【黃子華開騷】子華寸爆:好多人情願冇咗自我，都唔想唔見咗部手機
蘋果日報 2014.10.07
子華騷去到最後:「人生最難如何做一個，你認為正確，係一個正確決定，你肯唔肯定你識，你以前唔識，但今日因為你識得我，你識，係因為「我式」，「我式」係一個簡稱，佢全名係「我至係真我應用程式」，「我式」英文係「我said」，已經去到最後研發階段，大家有部手機，呢部手機係我，我所有衣食住行，眼耳口鼻，唔可以見人，可以見人嘅都係齊晒裏面，好多人情願冇咗自我，都唔想唔見咗部手機，你可以擁有我肉體，但係手機唔可以偷睇，因為我係表面，佢先係底。我said係一個運用一切資料，再幫你作出一個最啱你決定。」
「我最近畀阿強實驗咗成個月，阿強去卡拉ok有好多決定要做，阿強首先要決定唱咩歌，有女仔喺度就唱陳奕迅，冧女啦。冇女仔就唱黃子華，好畀面。如果唔駛埋單佢會飲紅酒，要埋單，佢喺埋單之前走。
今日阿強面對好大問題，有一個女仔，照程況應該唱陳奕迅，但嗰個女仔好似陳奕迅，我唱陳奕迅佢會唔會覺得我嘲笑緊佢。同埋今日邊個埋單，今日嚟十個人，十個人都係今日生日，阿強做唔到決定，然後佢用我said，我said幫佢點咗支百蘭地一支威士忌，點解，我said係佢手機度搵到佢二萬張相，有張係支威士忌拍住支百蘭地，然後三億信訊裏面搵到一句「諗又死唔諗又死，百蘭地溝威士忌」。」
「我阿爺今年一百歲大壽，佢都仲未決定擺唔擺大壽，因為佢話一百歲攪大壽，似喺地府門口打邊爐，即佢唔攻你，你無謂攻佢呀。我阿爺放心，搵我said幫你手，有咩事佢會否負責？阿爺呢個我said係你，唔係佢嚟架，係用你過去幫你做決定呀。」
」我過去都冇做過決定，我今年一百歲，係舊年先我決定，我咁多年搵人擺酒都唔係我決定，頭個幾十年唔駛講，又打仗，日本仔，又國民黨又共產黨幫我做晒決定，出到嚟香港又畀大老闆幫我決定，你想擺酒佢就要你加班，到退休，退休嗰年我擺啦，你阿嫲話你退休，樓價未退休呀，又冇得擺。」
「跟住就你阿嫲幫我做晒決定，而你阿嫲決定就係睇你哋得唔得閒而決定，我好奇怪呀，我擺生日我得閒喎，你唔得閒我冇得擺，我想食隻壽包，你唔得閒我就食唔到喎，我讀得書少，你解釋我聽。
所以我舊年我把鬼火，我99歲做咗一次決定，我就擺，咪賴嘢囉，冇人嚟，啲朋友唔夠義氣，死晒。我一個人食咗成圍壽包，但係我開心，我對住每一張櫈，對住每一個冇嚟朋友講，我請你，你嚟唔嚟，唔到你決定呀，我請唔請你，我決定嚟唔嚟，當下我阿爺決定，一百歲我攪，唔單止咁，我決定請番一模一樣嗰班人嚟，聽完阿爺講，我就落街，好多嘢諗，又有架車喪砵我，我拎部我said出嚟，佢叫我唔好開門，自取其辱，佢仲砵，我行埋去開佢車門，跟住話先生食飯呀，擺低車匙得啦。」
Source: http://hk.apple.nextmedia.com/enews/realtime/20141007/52991942
留言列表
子華市政局 (資料) (1)
