~*~oLi in Dayoland~*~

【黃子華重溫之一】 《秋前算賬》
蘋果日報 3014.10.07

97年香港回歸前，黃子華冒死做了一個叫《秋前算賬》的棟篤笑，大談港人對回歸的心情，內容盡是影射共產黨。

他曾說：「『全港市民熱烈慶祝回歸十個字』，有八個字呃人，得『回歸』兩個字係真。」而《秋前算賬》最厲害之處，是子華竟然貼中近 日的香港政治環境，堪稱大預言家。子華曾將過往棟篤笑製成DVD出售，唯獨沒有《秋前算賬》，未知是否擔心中共真的會「秋後算 賬」。

Source: http://hk.apple.nextmedia.com/enews/realtime/20141007/52990369

【黃子華重溫之二】《洗燥》大玩中港矛 盾
蘋果日報 2014.10.07

年舉行的《洗燥》，主題圍繞一個「燥」字，亦即剖析港人為何會「燥」，當然離不開中港矛盾、李旺陽事件、劏房波及689等話題。其 中提到近年廣東道被「強國人」攻陷，子華說：「現代女性嘅性徵，除咗有子宮外，就要有LV，事業線唔夠，唔使驚，買LV啦，有LV就兒 孫成群，冇LV就獨自一人，唔知係唔係冇LV會令子宮萎縮。」

Source: http://hk.apple.nextmedia.com/enews/realtime/20141007/52990382

【黃子華重溫之三】《娛樂圈血淚史II》 首踏紅館開騷
蘋果日報 2014.10.07

子華以往舉行的棟篤笑，大多在伊利沙伯體育館及香港文化中心舉行。

直至10年，他演出了《娛樂圈血淚史II》首踏紅館，共開了八場，四面台座無虛席。

內容顧名思義，圍繞娛圈的光怪陸離事，當中又拿劉德華、蔡卓妍的瞞婚事件開玩笑，他說：「依家娛樂圈太過正常，乜嘢都要道 歉，車震、偷食，連結婚都要道歉，大佬，你做咗幾多人情呀，要同你道歉？」

Source: http://hk.apple.nextmedia.com/enews/realtime/20141007/52990389

【黃子華 重溫之四】《越大鑊越快樂》寸淫照風暴
蘋果日報 2014.10.07

09年爆發金融海嘯，子華以此大造文章，他說：「早排金融風暴，每個人起碼唔見一半身家，福布斯話李嘉誠唔見一半身家，何鴻 燊就唔見九成。我同誠哥打成平手，贏咗何生，我從來未贏過何生，可以喺澳門買兩盒蛋卷都當贏。佢入院唔關我事，希望佢早日康復 。」

講完金融風暴連消帶打講埋淫照風暴：「婚前性行為會令人身敗名裂，但婚外情就可以令人致富。畀人偷睇要道歉，但偷睇嘅人就 可以投訴。有好多人相信有過性行為就唔可以天真，咁有冇人嘅媽咪係冇過性行為？」

Source: http://hk.apple.nextmedia.com/enews/realtime/20141007/52990408

【黃子華 重溫之五】《兒童不宜》嚇走BB |
蘋果日報 2014.10.07

06年舉行的《兒童不宜》，講明六歲以下小童不得進場，但有人犯禁，手抱BB入場，期間BB更發出哭聲。子華說：「邊個噓我？開 燈！我忍你好耐囉喎！」有女觀眾大嗌：「咁樣鬧走人你冇陰功。」子華反駁：「我冇陰功呀，佢嗰啲係平飛，你試吓坐前面，我會唔會咁 話佢！」當然是說笑而已。  

Source: http://hk.apple.nextmedia.com/enews/realtime/20141007/52990417

【黃子華 重溫之六】《冇炭用》講「王芝鋒」
蘋果日報 2014.10.07

子華03年做《有炭用》時正值SARS高峯期，但仍無損入座率。當時他提到謝霆鋒妨礙司法公正罪成，候審期間在拘留所度過十四 日，子華說：「犯法應去請罪，佢妨礙司法公正，拋棄王菲點計？暗媾栢芝點計？廿歲人炒咗架法拉利喎，淨係咁樣都夠判終身監禁啦 ！」又寸董建華令樓價暴跌，笑指是董太要他連任特首：「呢個位冇人可以做得掂。董建華一句八萬五，就有八萬五人變負家產。董特首 唔好意思連任，係佢太太叫佢連任，佢可以喺香港買樓四折，再做多屆就兩折。」 

Source: http://hk.apple.nextmedia.com/enews/realtime/20141007/52990422
 

 【黃子華 重溫之七】除褲之由來
蘋果日報 2014.10.07

除褲」係黃子華棟篤笑指定動作。最先出自於03年的《冇炭用》。當時話題講到羅文除褲，然後子華向在場觀眾說：「如果大家想繼 續喺一個祥和啲地方度生活，大家就要主動啲，每當大家見到自己鍾意嘅藝人，你就同佢講：『除褲啦！』」 這時場內的觀眾不斷向黃 子華大叫「除褲」，而黃子華即感到非常尷尬，似乎無預料到觀眾會大叫他除褲。 

Source: http://hk.apple.nextmedia.com/enews/realtime/20141007/52990434
 

 【黃子華 重溫之八】回水之由來
蘋果日報 2014-10-07

至於「回水」，表面解釋是退錢，即當觀眾覺得該表演爛透，並不值得付錢收看，並想要表演者退票的意思。有次觀眾大叫「回水」， 子華便說：「回水有沒人唔同意？全場同意係咪？」之後他卻指着自己說：「最重要嗰個人同唔同意？點會冇拗撬呢？」所以「回水」落在 黃子華棟篤笑身上，意思也改變成支持黃子華的口號。之後黃子華在棟篤笑《嘩眾取寵》，以「回水」和「除褲」這文化，作了一首「回水歌 」自嘲，並作開場曲。

Source: http://hk.apple.nextmedia.com/enews/realtime/20141007/5299043