~*~oLi in Dayoland~*~

黃子華棟篤笑3小時售罄
光華日報 2014-10-06

（吉隆坡6日訊）黃子華《唔黐線，唔正常》棟篤笑馬來西亞站5日舉行門票首賣會，吸引2千多名黃子華的粉絲排隊搶購，RM108門票在開賣3小時內宣告售罄！

明年131登馬

繼《譁眾取寵》，《娛樂圈血肉史》及《洗澡》爆滿演出後，籌備將近兩年的黃子華，將帶著全新主題《唔黐線， 唔正常》掀開巡演，大馬站黃子華《唔黐線，唔正常》棟篤笑將於2015年1月31日，晚上8時正，在吉隆坡布特拉室內體育館爆笑登場！這是黃子華第4次登入大馬，首次移師吉隆坡萬人體育館，他這次更將挑戰萬人四面舞台。

黃子華《唔黐線，唔正常》大馬站主辦單位星藝娛樂5日在伯樂泰廣場（Paradigm Mall）的Boulevard進行首賣會，雖然門票從上午11時才正式公開發售，但早上8時許就有粉絲到場排隊，門票開賣3小時內，RM108（PS5）門票已一掃而空，RM158的門票也所剩無幾，開票至下午5時為止，首賣會現場已經售出3000張棟篤笑門票。

首賣會上，首3千張門票一律可獲10%折扣（每人只限購買最多6張折扣門票），親臨現場購票的粉絲大多數購買4張或以上的門票，最高數量則達16張。由於現場購票人數過多，售票櫃檯更由8個增開至11個。黃子華《唔黐線，唔正常》棟篤笑2015門票分為RM498、RM408、RM358、RM288、RM228、RM158及RM108（已售馨）。欲知更多詳情可遊覽www.starplanet.com.my

1. Source: http://www.kwongwah.com.my/news/2014/10/06/17.html

棟篤笑撐佔中黃子華：香港中咗毒
蘋果日報 2014.10.06

■子華再於棟篤笑中講政治題材，一開場就講佔中，全場拍掌。

【雨傘革命】被稱為棟篤男神、現年54歲的黃子華昨晚在紅館舉行頭場棟篤笑，在零宣傳下11場門票火速售罄，估計他可以勁袋3千萬。一向擅於在表演中加入政治議題、以嬉笑怒罵形式諷刺時弊的黃子華，在昨晚的棟篤笑中繼續發揮男神本色，近日佔中學運正燒得熾熱，大是大非當前，黃子華以黑西裝登場並播出一條隱喻目前香港政治的短片，接着以佔中為題，以婆媳關係形容中港矛盾，他更形容香港目前好像中了毒一樣病入膏肓。

昨晚的棟篤笑《唔黐線唔正常》是入行20年的黃子華第三度攻佔紅館。佔中運動如火如荼，一向冷眼旁觀留心政治的子華，昨晚亦秉承傳統在演出時加入政治題目。開場時先播出一條長約30分鐘由子華主演的短片，內容講述一名拍攝賀歲喜劇的男星因濫藥致死，電影公司為掩飾真相，便命令子華向知情的工作人員派大利是。不過當中有人表示不肯講大話，子華便曉以大義說：「一人一鴕鳥，救活一班人。」另又有人要求分大份時，子華便叫走該人，事後派出助手在後樓梯取回大利是且出言恐嚇對方。影片播到此時以「資金不足」為由沒有拍下去，但短片似乎暗喻當今社會形勢，以「維穩」、「大棚利益」壓倒一切，又營造歌舞昇平的假像。

 ■開場時播出長約30分鐘由子華主演的短片，諷刺時弊。

。

「咁歡樂成何體統」

之後子華以黑色西裝出場，一出場子華就說：「你哋乜嘢人，呢個時候仲咁歡樂成何體統，𠵱家仲有心情睇人講笑。」當有觀眾笑言「回水」時，子華即指時興「倒抽一口涼氣」，之後更叫觀眾集體製造萬人抽氣的壯舉。

子華形容香港目前就像中了毒一樣，他說：「𠵱家成日聽到香港中咗毒，香港有病仲好重病……呢個病都幾嚴重。好似講嘅佔中定反佔中，其實佔同反佔就好似整容定唔整容，『整容係毀容』係周融嗰邊講嘅，而佔中人士就話『整容可能變毀容，就算毀容同你（周融）有乜分別』。」

子華97時曾講過「阿媽標個仔參，誰來俾贖金。」來形容港英關係，如今的中港關係，他就以婆媳糾紛來形容：「香港嘅問題好似婆媳糾紛，係必然瀨嘢關係，除非新抱第一日入門，全心全意話奶奶我愛你，或阿媽我愛你，但通常都係畀錢叫佢搬開唔好一齊住……當你話屋企冇人間屋好陰，奶奶就叫成班親戚嚟一齊住，你就話佢哋係昆蟲，如果唔係昆蟲邊有咁多？仲喺後巷屙屎……你夠唔夠膽話你6月3號之後去咗邊度？」

■大批市民身穿黑衣兼帶黃絲帶到場，既撐佔中亦撐子華。

「揸弗與揸𨋢之別」

子華又大玩普選與佔中議題，他說：「奶奶之前答應咗話過幾年畀你揸弗，但𠵱家只係畀你揸𨋢，揸弗好似揸車可以周圍去，但揸𨋢只係同樣地方揸上揸落，咁即係講咗唔算數，咁𠵱家有得揸你揸唔揸住先，唔係有得揸都唔揸呀，毋須多講，佔領廚房，若果你佔領廚房可能最終瞓柴房，屋企仲有老公同埋仔，佢哋係沉默嘅大多數，但沉默嘅大多數唔代表佢哋唔辛苦，因為新抱可能每日都會唱《試問誰還未發聲？》奶奶就側邊唱《試問誰還嫌錢多？》。」

■歐陽應霽袋上掛上黃

絲帶支持雨傘革命。

■Eason笑笑口現身未有接受訪問。

■身為子華老友的吳鎮宇頭場即現身支持。

■張智霖率老婆靚靚、蔡一智夫婦和伍詠薇等看騷。

 。

子華頭場表演吸引不少藝人到場支持，包括張智霖夫婦、伍詠薇、陳奕迅及谷德昭等，以黑衣現身配上黃絲帶到場的導演張同祖，希望今次子華會為大家發聲，他說：「我四處示威地方都有去過，特別旺角出乎意料之外市民質素好高，每人都可以上台發言兩分鐘，希望大家繼續努力。」歐陽應霽同樣支持佔中，他相信老友子華有足夠能力和智慧去決定內容。

採訪：馬建華、王連連

攝影：仇志德  

Source: http://hk.apple.nextmedia.com/entertainment/art/20141007/18891499