~*~oLi in Dayoland~*~

黃子華話唔會評論城城（紅圈）認愛，佢仲話就算結婚都唔會主動講。

【on.cc東網專訊】 藝人黃子華在中環出席頒獎禮，他接受訪問笑說：「呢排冇做嘢播番套劇（指《男親女愛》）都令到人開心，有朋友話唔開心，睇完之後都開心啲。（會唔會增加產量？）我想再慢啲。（你己經好慢？）係極慢，2、3年先出嚟一次，我要求再慢啲，極慢工。（再拍劇？）希望拍劇唔係拍照片，好似秋生咁試吓唔同角色都幾好，畀觀眾唔同嘅嘢feel吓。」

黃子華與公開戀情的郭富城同場，講到城城喜訊，子華笑說：「你知我少理呢啲，我點會評論呀，我只係會哦、知道。（有戀情你會公開嗎？）我一向都好公開，唔會否認，亦唔會主動去講。（影到會承認嗎？）係囉、咁囉。（結婚會公布喜訊？）唔，多謝大家關心。（已經結咗婚？）咁就要澄清喇，咁又冇，就算係都唔會主動講，同埋唔會主動多謝大家關心。」

黃子華話佢對戀情，一向都好公開，唔會否認，亦唔會主動去講。

黃子華希望拍劇唔係拍照片，想試吓唔同角色，畀觀眾唔同嘅嘢feel吓。

Video interview is available in the link below.

Source: http://hk.on.cc/hk/bkn/cnt/entertainment/20151202/bkn-20151202193420116-1202_00862_001.html

「我一向都係公開」 黃子華認有女友未打算結婚
蘋果日報 2015.12.02

郭富城﹑黃子華﹑陳嘉桓等，今晚出席喺中環舉行嘅一個雜誌頒獎禮，子華膺「Man at His Best」，問佢邊方面最好所以得獎，係口才﹑人品定外貌？子華表示：「原本以為大會頒娛樂大家獎項畀我，因為可能有娛樂性，就算冇做嘢，呢輪都有自己劇集播返，以為好似紀念我咁。」

子華續說：「the best意思相信係可以0氹得啲觀眾好開心，私人朋友唔會entertain（娛樂）佢哋，因為唔需要，前排有朋友因為唔開心，話睇我作品可以頂一頂開心下，好似幫到下手。」

問子華會否拍多啲劇及其他作品？佢話：「我都想，不過自己要求愈來愈唔同，要求慢工出細貨，仲係極慢嗰隻。（諗過拍劇？）劇集都想拍，除咗笑片外，好似秋生哥（黃秋生）演唔同角色都好，做一啲另外唔同角色，當然要有幽默感啦。」

講到城城高調認愛，戀上27歲女友Moka？子華就話：「我好少留意呢啲嘢。（城城有27歲女友？）我點會評論人哋嘢？」

咁子華會否公開自己感情？佢話：「我一向都係公開，只係我唔會主動做，如果有啲乜我唔否認之嘛。」

之前影到子華同個女仔一齊？問到係咪女友？子華大方承認：「係﹗」有傳子華結咗婚？佢諗咗一陣：「多謝大家關心，我要澄清係冇，但如果就算結婚，我自己唔會主動同大家講，現階段亦唔打算咁做。」

(攝影:陳慧安)

Source: http://hk.apple.nextmedia.com/enews/realtime/20151..