~*~oLi in Dayoland~*~

新聞﹕2015.11.11子華幫古巨基做兄弟報導 Part 1

​

古巨基四季擺喜酒畫足八粒鐘 𠱁老婆
now新聞 2015.11.11

【now.com】今日雙11光棍節其實真係一點都不悲傷，反而係喜事一籮籮，除了王菀之、賈曉晨宣布出嫁、無綫演員羅天池補擺 喜酒外，古巨基同老婆Lorraine都係今日補擺喜酒！二人去年在美國拉斯維加斯註冊結婚後，今日於中環四季酒店舉行結婚酒會 ，接受衆多好友與賓客的祝福。

穿上白色西裝的古巨基就帶著兄弟團森美、吳家樂、黃子華、劉翔、雷頌德等見記者，反而未見古太，原來Lorraine好緊張：「 已經試過𠱁太太，但都係怕鏡頭，所以由我同兄弟幫手頂。」睇得出基仔真係好錫老婆，好體貼呀！

now20151111

唔見古太見記者。（微博圖片）

基仔為了給太太一個難忘的婚禮，事事都親力親為，除了早前的喜帖與喜餅設計都由他親自操刀外，現場一幅手繪巨型背板是基 仔根據與太太的婚照，親手以marker花了將近八小時繪畫而成，充滿心思和愛意。會場又佈置了一條包含三間小店舖（音樂店、服裝 店及蛋糕店）的手繪立體街道，是根據新郎哥畫下的藍圖所建成，代表著基仔與Lorraine在這20多個年頭裡，共同經歷及一起建 立的心血結晶。

Source: http://news.now.com/home/entertainment/player?newsId=157611
 

【古巨基擺酒】黃子華：行街撞到基仔便來做兄弟
明報 2015.11.11

黃子華今日為新郎古巨基（基仔）擔任兄弟團成員之一，黃子華受訪時笑稱二人是因為在街上碰面，所以他答應了做兄弟，黃子華解釋說：「大家行街時撞到，基本上很難撞到我，我又很難撞到他！大家相認後便說記得他今日結婚 (擺酒)，但好像沒有請我，古巨基便回應『不如你來做我兄弟啊』，我便來了。我還吃了他很多曲奇，要還。

【古巨基擺酒】黃子華（左圖）笑稱在街上遇到古巨基（右圖），便答應他做兄弟。（孫華中攝）

【古巨基擺酒】黃子華（孫華中攝）

【古巨基擺酒】黃子華（左三）是新郎古巨基（左四）的兄弟團成員之一。（孫華中攝）

Interview video is available bl

Source: http://news.mingpao.com/ins/instantnews/web_tc/article/20151111/s00007/1447254175482

基仔補擺喜酒黃子華 做兄弟還人情債
東方日報 2015.11.11

子華（右圖）笑言食得太多基仔送嘅曲奇，係時候還債。

【on.cc東網專訊】 藝人古巨基與太太Lorraine今日補擺喜酒，星級兄弟團包括劉翔、蘇有朋、黃子華、森美、雷頌德、吳家 樂。問到子華為何擔任兄弟？子華笑說：「喺街撞到嘅，基本上都好難撞到，大家就相認咗，我記得佢結婚擺酒，但冇請我，佢就話不如 搵我嚟做兄弟啦。」

至於問到兩人可有合作過？子華透露兩人曾拍攝《衝鋒車》：「但我啲戲份畀人cut晒，拍戲嘅時候都見唔到，所以今次算係補番 拍戲嘅緣份。」他又笑言吃過基仔很多曲奇，所以今日要還債：「上星期同基仔吃飯，佢食兩啖就要走，因為今日所有嘢都係佢自己做， 我係未見過有新郎會睇搭景，之後啲人結婚會好大壓力！（講緊你？）我就一啲都冇。」

子華大爆基仔為婚禮花盡心思。

子華自言冇結婚壓力。

Source: http://hk.on.cc/hk/bkn/cnt/entertainment/20151111/bkn- 20151111170532384-1111_00862_001.html
 

Interview video is available in the link below.

黃子華預告酒會狂飲 ：直到瞓低為止
東方日報 2015.11.11

黃子華（左圖）話喺基仔酒會就係飲完一杯再一杯，飲到瞓低為止。

【on.cc東網專訊】 欄王劉翔，蘇有朋，黃子華，雷頌德（Mark），森美和吳家樂等出任古巨基的兄弟團，因新娘子 Lorraine肯現身出來給傳媒拍照，所以基仔就出動星級兄弟來頂上。

最抵死是Mark說他們都未見到新娘子，而劉翔則言：「我剛剛見到。」而森美表示新郎哥親力親為，布景板上一對新人頭結婚頭 像及宴會場內的堂景都是基仔親自畫的畫，入面有個「幸福小街」，有時裝店，甜品店，音樂室。

問到基仔樣樣都親力親為，兄弟團有甚麼做？子華笑言：「佢連底褲都幫我哋買埋，所以我哋連入面都襯埋。」問到酒會有甚麼環 節？子華謂：「好直接，就係飲完一杯再一杯，飲到瞓低為止。」基仔有甚麼表演？Mark笑言：「點都要求佢唱歌。」劉翔表示：「基仔準 備了一段肺腑之言，表達他們多年的感情。」 兄弟團可有驚喜給一對新人？子華笑言：「基本上我哋存在已經係一個驚喜，一個最冇運 動細胞，同最有運動細胞組合喺埋一齊。」

黃子華話基仔連底褲都幫佢哋買埋，所以佢哋連入面都襯埋。

黃子華話兄弟團存在已經係一個驚喜，一個最冇運動細胞，同最有運動細胞組合喺埋一齊。

兄弟團大合照。

Interview video is available in the link below.

Source: http://hk.on.cc/hk/bkn/cnt/entertainment/20151111/bkn- 20151111170532384-1111_00862_001.html
 

古太害羞避見傳媒基仔 作歌逗太太

on.cc東網台灣 2015.11.11 

【on.cc東網專訊】 今天是古巨基與太太Lorraine補擺喜酒的大喜日子，約在下午四時半，新郎與一班兄弟團劉翔、黃子華 、蘇有朋、森美、吳家樂及雷頌德會見傳媒，惟獨未見新娘子的蹤影。基仔接受訪問時大爆老婆大人害羞拒見人，他笑說：「我逗予她很 久，因為太太怕見到鏡頭，她好緊張，所以最後想了個方法，我們在入面拍兩個人的合照，等一下會發相給傳媒，那現在見到媒體就找 班兄弟團先撐一下囉。」

兄弟團「頂替」新娘見傳媒

他又透露老婆不肯見人，所以也不好意思找姊妹團，基仔續說去年中註冊後，至一年多後才補擺婚宴，所以未有安排接新娘、派 開門利是等傳統儀式。提到一班兄弟「頂替」新娘見傳媒，何不男扮女裝示人？基仔說：「都好多謝他們，要給其他賓客早到，有些還專 程飛過來。」

親自畫壁畫代婚紗照

他透露今次婚禮大小事項全由自己一手包辦，昨晚籌備婚禮場地布置至深夜三時：「好多東西都自己設計，昨晚看裝飾看到三點 多，今攻早上又好早起床。」提到場內有一對新人的巨型壁畫，他說：「太太不想好傳統地擺一對新人的照片，所以我就畫囉，場內好多 東西都要自己弄，有條幸福小街，入面有三間『店』，有紀錄我們的一切，會跟一些賓客在拍照。」

寫歌逗古太

基仔又透露準備了自創歌曲逗老婆，將會在台上公開表演，歌名是《我與妳》，歌詞內容紀錄了基仔成為「人夫」的心情點滴：「都會 弄成單曲CD送給賓客，封面就是幅掃描畫。」有愛的宣言？她說：「對啦，劉翔昨晚很好，陪我看婚禮搭景，他陪了我很久，兩個男人就 講一下心情，我將說話講了給劉翔聽，因為台上我會講廣東話，怕他聽不懂，他聽完都說我好有感情。」記者着基仔現場率先發表一次 愛的宣言，不過基仔害羞表示：「不辰喇，總之內容大約講結婚前心情，加上怎樣決定去結婚，好多人會在台上講愛的宣言，我不講，但 會唱出來。」

據悉基仔今次廣邀了約600名賓客到場，而場內設有一部白色鋼琴，上面鋪滿白色玫瑰，而現場設有兩個大型螢幕，播放住基仔 一手一腳繪畫出壁畫的過程，非常浪漫。另外，據知古太的婚戒7.12克拉，因一對新人在去年7月12日註冊結婚，相當有心思。

Source: http://tw.on.cc/tw/bkn/cnt/entertainment/20151111/bkntw- 20151111174846029-1111_04111_001.html
 

【原來fd 㗎？】黃子華做 古巨基兄弟：我食咗佢好多曲奇餅，要還！
蘋果日報 2015.11.11

今日古巨基喺中環四季酒店補擺喜酒，以雞尾酒會形式進行，宴請至親好友見證佢同陳英雪（Lorraine）嘅甜蜜幸福。一眾兄 弟團包括雷頌德、森美、蘇有朋等等，仲有黃子華。咦，原來子華男神同古巨基係fd 0架！唔通係因為拍《衝鋒車》？

子華笑笑口解釋點解今日幫古巨基做兄弟，佢話:「都係行街撞到嘅，基本上你好難撞到我0架嘛，我又好難撞到佢，咁大家撞到， 相認咗之後，我記得佢今日結婚，我話:『你好似冇請我喎!』咁佢話:『咁你不如做兄弟吖!』」唔信？子華再話:「我哋呢啲，難得到依 家仲有人搵我做兄弟，真係……我唔可以同你講喺邊條街行，因為我已經唔記得邊條街喇。」

兩人曾合作拍《衝鋒車》，但子華喺上映版係全刪(你懂的)，而且兩人於戲中冇對手戲，故今次特登做基仔兄弟，補番個緣份。「我 食咗佢好多曲奇餅，真係要還。同埋今日真係好高興，我上個禮拜同佢食飯，佢食兩嘢就話走喇，唔夠瞓，因為今日所有嘢 ……我未聽過今日所有嘢都係新郎哥自己做出嚟嘅。佢係話要睇住人搭起啲嘢，我諗以後啲人結婚會好大壓 力。」

咁子華結婚之日，會唔會都係咁緊張呢？佢話:「我就一啲壓力都冇!」 

Source: http://hk.apple.nextmedia.com/enews/realtime/20151...

【四季補擺喜酒】7月12號 簽紙！ 新娘Lorraine戴7.12卡鑽戒
蘋果日報 2015.11.11

古巨基今日喺中環四季酒店補擺喜酒，以雞尾酒會形式進行，請晒至親好友見證佢同老婆陳英雪（Lorraine）嘅幸福，兄弟團 仲有雷頌德、森美、蘇有朋及黃子華等。

基仔今日左手戴求婚及結婚戒指，新娘子Lorraine嘅婚戒就7.12卡鑽戒，因為佢哋係7月12號簽紙。另外，基仔同 Lorraine仲為在場半百傳媒準備咗餐盒，以及送上禮盒。

Source: http://hk.apple.nextmedia.com/enews/realtime/20151111/54416115
 

【補擺喜酒】吳婉芳驚艷到 場大風吹嘉賓狼狽
蘋果日報 2015.11.11

 古巨基同助手陳英雪（Lorraine）今日喺四季補擺喜酒，好多圈中人都畀面到賀，兄弟團陣容當然強，有欄王劉翔、 台灣歌手蘇有朋、男神黃子華、名音樂人雷頌德（Mark）、DJ森美同大台主持人吳家樂咁，已經好有睇頭。

至於去飲嘅嘉賓，都粒粒皆星，有啱啱宣佈再度成功造人嘅陳豪陳茵媺夫婦、名媛吳婉芳（1986年港姐亞軍兼最上鏡小姐及才華 小姐）、上月新婚嘅錢國偉陳宛蔚夫婦、傅明憲、金牌經理人霍汶希（Mani）、「Benz雄」許紹雄、李克勤、蔡卓妍（阿Sa）、豹哥豹嫂單 立文胡蓓蔚夫婦、叻哥陳百祥同秀姑、前大台「新五虎」朱健鈞、Mark嫂梁家玉（Jade）等等。

當中最吸引嘅就要數吳婉芳，雖然佢已經48歲，但嫁入豪門嘅佢保養得宜，個樣同當年選港姐嗰陣差無幾！（可能o依家仲靚咗） 另外，同係港姐出身嘅蔡少芬雖然單拖現身，但佢個大露背一樣搶去唔少風頭。

而傅明憲同Mark嫂不約而同着咗條半透視裙到場，打扮靚靚，Mark嫂仲露咗少少腰，可惜佢哋影相時分別遇上一陣強風，吹到 佢哋頭髮亂了。陳豪就小心翼翼拖住老婆陳茵媺行，sweet嘅程度媲美擺酒主角㗎！

基仔老婆Lorraine向來好怕羞，今日補擺喜酒都冇同基仔一齊見傳媒，雷頌德仲搞笑指自己都冇見過新娘，但森美解釋因為 基仔同Lorraine搞婚禮咩都親力親為，因為佢哋都好忙。

咁李克勤就勁喇，克勤約下午5點半到場，剛才貼出佢同一對新人嘅相，留言：「恭喜一對俊男美女，祝白頭到老，快啲生番幾個小 畫家啦！」相信克勤係第一個po古太相上網嘅人。

男神黃子華（右）畀面做兄弟，成件事型晒！

Video is available below.

Source: http://hk.apple.nextmedia.com/enews/realtime/20151111/54416491

\劉翔率五壯士迎戰群星
基仔擺酒親繪巨畫𠱁嬌妻
蘋果日報 2015.11.11

【古陳聯婚】現年43歲的古巨基去年7月12日榮升人夫，與助手陳英雪（Lorraine）結束二十年愛情長跑，在拉斯維加斯註冊 結婚。昨日光棍節，基仔與Lorraine假中環四季酒店補辦結婚酒會，前日已抵港的欄王劉翔更與黃子華、森美、吳家樂、雷頌 德及蘇有朋化身六壯士當兄弟，其他出席賓客亦星光熠熠，包括周慧敏和倪震夫婦、陳豪和陳茵媺夫婦、關心妍夫婦等，古天樂 、吳君如、莫文蔚、容祖兒、張敬軒、林峯及邱淑貞和大女沈月等亦有到賀。

 【古陳聯婚】現年43歲的古巨基去年7 月12日榮升人夫，與助手陳英雪（Lorraine）結束二十年愛情長跑，在拉斯維加斯註冊結婚。昨日光棍節，基仔與Lorraine假中 環四季酒店補辦結婚酒會，前日已抵港的欄王劉翔更與黃子華、森美、吳家樂、雷頌德及蘇有朋化身六壯士當兄弟，其他出席賓客亦星 光熠熠，包括周慧敏和倪震夫婦、陳豪和陳茵媺夫婦、關心妍夫婦等，古天樂、吳君如、莫文蔚、容祖兒、張敬軒、林峯及邱淑貞和大女 沈月等亦有到賀。

【星級兄弟】■基仔的兄弟團星光熠熠，包括中、港、台名人紅星。

新娘怕醜避見傳媒

結婚酒會昨定於下午5時至8時舉行，但直至7時多仍有賓客陸續到場，基仔和老婆則於下午2時與劉翔抵達酒店，不過 Lorraine落車後即箭步飆入酒店避鏡頭，之後亦全程沒有露面，只預先與基仔影合照發放給傳媒，相中見Lorraine戴上7.12 卡鑽戒是代表她與基仔於7月12日簽紙結婚，而基仔則同時戴上求婚及結婚戒指。

基仔其後接受訪問，問他為何不帶老婆見傳媒，他笑說：「已經𠱁咗佢，但佢怕見到鏡頭會緊張，所以見記者之前發相畀傳媒，再 搵啲兄弟幫手頂，已搣咗佢兩吓，𠱁咗佢都係話緊張。」

昨日現場佈置以白色為主，白色鋼琴鋪滿白色小花。不過，最搶眼莫過於現場backdrop一幅巨型人像畫，皆因基仔花了八小時 畫出來，現場亦特別播放基仔畫畫的過程。

除了人像畫，基仔還包辦其他佈置，他說：「現場有三間舖，呢啲記錄我哋心血結晶品，backdrop畫咗八個鐘，連埋 ballroom花咗好幾日，生日蛋糕都係我整，同埋做咗首歌叫《我與你》，紀念咗婚前心情。」酒會期間，基仔昨晚拖着老婆 Lorraine的手唱《我與你》，他在台上提到與Lorraine拍拖多年突然結婚的原因，原來是他有次和Lorraine去踩單車，她不 慎跌親連頭盔都裂了，當時覺得好危險，一定要珍惜，所以決定結婚。黃子華離場時更爆古生古太都有喊，場面感動。

採訪、攝影：王連連、馬建華、陳志嵐、陳順禎、馮嘉銘 

Video is available below.

Source: http://hk.apple.nextmedia.com/entertainment/art/20151112/19368837< /a>