新聞﹕2015.09.19子華現身支持黎曉陽開騷 Part 1－~*~oLi in Dayoland~*~

【請自行想像表情】幾時返無綫？黃子華笑一笑：好耐冇聯絡	蘋果日報
黃子華忙進修　未計劃返TVB拍劇	東方日報

【請自行想像表情】幾時返無綫？黃子華笑一笑：好耐冇聯絡

蘋果日報 2015.09.19

apple20150919a

(攝影：盧妹)(蘋果日報)

其實大家都唔係想聽FFx嘅《Sugar Baby 》，想聽好音樂，不應在走廊聽，可以上街頭。

街頭表演的創作歌手黎曉陽，在街頭獻唱了三年多，今晚喺蘭桂坊終於有其第一個音樂會，還推出了首張個人專輯《上上下下左右左右BA Start 》，早前曾於網上集資。笑言自己是大股東嘅黃子華，今晚同林一峰等人到來睇騷。子華笑言:「有個朋友，爭我幾百蚊，佢冇錢還，帶我嚟睇騷當還債。」

子華同黎曉陽一齊受訪，分享音樂。子華擊節欣賞謂:「睇佢街頭騷睇咗兩三年，覺得佢係新一代唱腔，同Eason、學友好唔同。」問佢一陣會否同黎曉陽合唱？子華笑言:「我嚟之前同佢保證咗，一定唔會搞亂個唱。佢好叻仔，用一個最難嘅方法，就係街頭打歌，我都唔敢街頭搞棟篤笑。」

黎曉陽就話，喺街頭唱歌三年，試過有次有位外籍女子聽完之後掀起上衣、露出胸部，用身體語言讚佢唱得好。記者笑言子華可以考慮街頭做棟篤笑，可能有意想不到收穫，子華即笑言:「音樂力量令人瘋狂，棟篤笑只令人冷靜。」再問子華會否幫黎曉陽填詞？佢就話:「新人類當然人用新人類嚟做，我哋呢啲就梗係搵巨星啦。」

子華除咗為惜食堂拍攝短片呼籲捐款支持外，最近忙緊乜嘢呢？佢話:「呢期keep住失業，冇休息，進修下各方面咁囉。」咁會唔會趁呢個失業期出碟？子華即笑笑口:「你睇小我呀？我都出過幾張唱片0架!但我唔會再出。」

依家見親藝人，只要用電視圈有少少關係，都會問番佢點睇無綫藝人逃亡潮，或會否返去「救亡」。子華呢？會否返大台幫手拍劇？佢笑了笑，答:「好耐冇聯絡。Benz雄(許紹雄)都約我食飯約咗好耐，得喇我真係會食0架喇。」

問子華何時計劃返大台拍劇啦，佢話:「冇咩計劃。進修完先計劃。」咁幾時進修完？佢都係呢句:「冇計劃。」

apple20150919b

黎曉陽網上集資出專輯，子華笑言自己係大股東。

apple20150919c

Source: http://hk.apple.nextmedia.com/enews/realtime/20150919/54224397?top=4h

Line

黃子華忙進修　未計劃返TVB拍劇

東方日報 2015.09.19

oriental20150919a

黃子華（左）現身撐黎曉陽，仲大讚對方有新一代嘅唱腔！

【on.cc東網專訊】創作歌手黎曉陽（Michael）舉行音樂會，獲黃子華撐場。Michael與子華接受訪問時，子華笑言早幾年已經認識Michael：「有個朋友差我幾嚿水冇還錢，就帶我睇佢（Michael）個騷，之前都有睇咗佢唱歌兩、三年，對佢印象好深刻，有新一代嘅唱腔，同學友（張學友）、Eason（陳奕迅）好唔同！」他亦透露Michael今次推出唱片是網上集資，自己也是大股東，但子華就不願透露投資了幾多，謂：「唔講幾多錢啦，係大股東。」

子華亦大讚Michael叻仔，因用了最難的方法去開始，就是街頭唱歌，說：「我都唔會喺街頭做棟篤笑啦！」問到子華可會為對方填詞，他說：「新人類就搵番新人類啦，我哋依啲老嘢...就搵巨星啦！（自己會再出碟？）我都出過幾張唱片，唔會再出啦。」談到子華近排忙甚麼，他表示：「休息緊，但都忙住進修。」至於問到子華可會回無綫拍劇，他臉上就似乎有難言之隱，直言：「好耐冇聯絡喇，其實Benz雄（許紹雄）約咗我食飯，我會食架喇。（會返去拍劇？）未有計劃，進修完先計劃啦！（進修到幾時？）未計劃。」

另外，Michael就表示自己之前街頭唱歌時，都遇過瘋狂觀眾，試過有外籍女士扯高衣服，以行動支持Michael的音樂，Michael亦表示非常感激子華到場支持自己。

oriental20150921b