~*~oLi in Dayoland~*~

阿佘玩殘子華

忽然一週 691 2008.10.24

 
大家有冇睇《天龍八部》，記唔記得丐幫馬副邦主夫人康敏為乜要設計陷害喬峰？原因只係喬峰冇俾佢美貌迷倒，連眼尾都唔瞄佢一下。女人真係可以為咁而記仇o架！大家睇睇現代搞笑版。

上周五（10月17日），TVB新劇《企業醫生》開鏡拜神。例牌貨，黃子華全程喪避佘詩曼，過程係點就講多都嫌㎡氣啦！

戲肉鰠儀式最後尾發生。話說拜完神，子華同謝天華、黃宗澤圍埋打牙骹之際，阿佘施施然咁行埋子華後面部咖啡機斟咖啡。子華眼尾瞄到阿佘個影，立即轉身扮睇唔到。點知阿佘斟完咖啡經過子華身邊時，當住眾人面前，好大動作兼非常風騷咁同佢揮手拜拜，子華係班兄弟面前失威，惟有尷尷尬尬咁打番個招呼。行遠左既阿佘，仲得戚到笑唔埋口！

同場仲有JJ賈曉晨，原本圍住條頸巾斯斯文文，但一影相就除巾，擺盡發姣甫士。成套劇要拍幾個月，子華避得邊個呢？

阿 佘 斟 咖 啡 飲 ， 子 華 明 明 睇 到 都 冇 打 招 呼 。

阿 佘 若 無 其 事 咁 行 開 ， 子 華 就 扮 專 心 同 黃 宗 澤 （ 白 背 心 ） 傾 偈 。

拜 拜 你 條 尾 ！ （ 設 計 對 白 ） 點 知 阿 佘 經 過 子 華 身 邊 時 ， 失 驚 無 神 同 子 華 揮 手 拜 拜 ， 搞 到 子 華 手 足 無 措 。

最 抵 死 係 阿 佘 同 助 手 仲 回 頭 好 得 戚 咁 陰 陰 嘴 笑 。

圖像版

Source: http://hk.sudden.nextmedia.com/article/691/11758495