~*~oLi in Dayoland~*~

奸得盡情自信後無來者
奸人誌--黃子華：擔心俾人掟雞蛋
蘋果日報 2007.10.22

奸人誌　第一回
黃子華近日憑無劇集《奸人堅》，再次成為坊間師奶的家常話題，首次飾演奸角，子華笑言也擔心會被人掟雞蛋，但只要角色有趣，任何角色他都一定會演。由於向來甚少劇集以奸角為主角，子華揚言該劇播出後，將來相信也很難會有另一套以奸角作主線的劇集出現，因為他對《奸人堅》信心十足，可以做到後無來者。

近日黃子華在無播出的新劇《奸人堅》中，開拓了一條新戲路，飾演大壞蛋奸人堅，就連他自己也覺得這角色「賤到無倫」，但他也承認當初正是看中角色夠賤，才決定接拍。子華說：「其實當初我以為係黃飛鴻同奸人堅對打劇，點知睇埋劇本之後，都覺得真係賤到咁，到底得唔得？我仲問監製係咪真係得，不過我就覺得呢個角色好好玩，最想試觀眾對奸人堅忍耐力。」

遺憾武打戲太少
由於黃子華甚少飾演奸角，他也坦言怕影響形象。子華說：「梗係擔心喇，我話晒都係一個靚仔嘛！不過希望電視觀眾睇完套劇可以理智少少，為免出街俾人掟雞蛋，所以我都決定近排去少街市。講真呢套劇之後，我相信 TVB好難會再去用奸角擔正，因為真係好難平衡到。」
今次黃子華除奸得盡興外，也一嘗做打仔的心願，他說：「成套劇唔只打得辛苦，被打都好辛苦，總之就日日打，再唔係就整機關去害人，對於我講如果個角色有趣，即使要打或者被打都冇問題，不過今次我唯一一樣覺得遺憾就係打唔夠，導演以為我唔打得，所以唔敢寫得太多畀我打。」
向來是收視保證的黃子華，絕對相信該劇一定大收，他自信地說：「總之你打開電視睇呢套劇，絕對唔會浪費你時間，不過我本身就真係唔會介意收視好唔好。」子華又笑言劇中除了奸到出汁的奸人堅外，林嘉華飾演的黃飛鴻也是前所未見，他說：「雖然大家以前都未合作過，不過林嘉華今次真係做得好好，佢真係做到黃飛鴻好戇居，其中有幕講佢同個女仔去拍拖，點知冇玩之下仲戇居到耍洪拳，真係超爆笑。」

子華在《奸人堅》中扮演大壞蛋，連他自己也笑言這角色「賤到無倫」。劇照

子華大讚拍檔林嘉華飾演的黃飛鴻前所未見，戇居得十分爆笑。

向來是收視保證的黃子華，坦言《奸人堅》一定大收，自信十足。

現實沉默寡言

黃子華於1987年參加無電視舉辦的「全能司儀大賽」成功加入娛樂圈，但至1990年演出棟篤笑《娛樂圈血肉史》，才開始廣為人識，10多年間演出過多次棟篤笑均叫好叫座。至2000年他殺入電視圈，與鄭裕玲合演無劇集《男親女愛》收視高企，更憑余樂天一角奪得無「本年度我最喜愛的電視角色」獎；其後子華於2004年再憑另一劇集《棟篤神探》莫作棟一角，奪得同樣獎項，證明子華深受家庭觀眾歡迎。
平日在電視上或棟篤笑表演中所看到的黃子華，十分搞笑，更擅於搞氣氛，但原來現實生活中的他十分沉默，他說：「我私底下係一個靚仔，每次人見我第一次都話我唔係醜樣，而我本身真係比一般人靜好多，我平時生活都係無言無語，有時都會畀人感覺我好悶，我最想一大班人時候可以唔使我出聲，識得我耐朋友都知我比較靜，我反而係一個鍾意聽人講多過自己講人。」
其實子華近日除積極宣傳《奸人堅》外，也忙於籌備今年12月舉行的棟篤笑《越大鑊越快樂》，問到第十次舉行棟篤笑的他將有何突破？他說：「次次都會有問呢個問題，但又唔會問唱歌人有乜突破，其實我每一次都會有新，記得第一次做完棟篤笑之後，自己都覺得冇可以再做第二個，做完第二個之後又會再咁諗，最有突破係以為自己冇料，原來係好有料，其實今次題材上面會比較殘暴。」
做好本份冇壓力

問到門票銷售情況時，子華說：「我都已經屬於一個老字號，唔鍾意我拉你入都唔會入喇，係老朋友就自然會入睇。」黃子華向來周身刀，早年更與友人夾 Band組成「哈痞樂隊」，由子華擔任主音，對於自己的多才多藝，子華笑言有一定壓力，問他平日如何減壓？他說：「冇！有壓力即係有仲未做好，咁唯一方法就係將件事做好佢，自然就唔會有壓力，簡單講句即係未解決要去解決先得。」

採訪：王崇穎
攝影：陳順禎

經典小八卦：正牌奸人堅

石堅（右）早年在粵語片《黃飛鴻》系列中，慣演黃飛鴻的對頭人，其招牌奸笑聲更令人不寒而慄，奠定其經典奸人地位，坊間更流傳以「奸過奸人堅」的俗語來形容奸狡的人。其後堅叔更以「奸人堅」形象拍攝薄荷糖廣告。
現年94歲的堅叔依然精神飽滿，雖然因右腳傷患行動不便，要在家中休養，但他仍自得其樂，閒時會看書、睇電視及與好友下棋耍樂。

Source: http://hk.apple.nextmedia.com/entertainment/art/20071022/10318552