棟篤笑鬼才黃子華的脫口秀作品一向是信心保證。從棟篤笑的舞台走向電視熒幕

，黃子華的黑色幽默魅力依然無遠弗屆。繼《男親女愛》(2000)、《棟篤神探》(2004)、《奸人堅》(2007)等電視劇大收旺場後，黃子華的TVB最新時裝喜劇《絶代商驕》即將強勢登場！ 

        黃子華從來都屬於舞台。踏上棟篤笑舞台的他可說是光芒萬丈；單是欣賞他一人在舞台上以錘鍊的語言邏輯和個人在台上的強大氣場，獨力震懾台下尖酸的香港觀 眾，實在是件賞心悅目的事。這位非一般的才子，走進電視劇製作，仍是位非一般的男主角。黃子華的電視劇其中一項最大賣點就是販賣他個人「才氣橫溢的痞子」 的獨特形象。由《男親女愛》、《棟篤神探》到《奸人堅》，我們看到的都是有別於典型帥哥，外形流裏流氣但內在卻有大智慧的的痞子式英雄。這也是為何他能在 偶像當道的今天，依舊能男女粉絲通殺，殺出一條新血路的原因。

        回歸新作《絕代商驕》，黃子華飾演的麥提爽又 是一位非一般的才子。一出場的麥提爽帥氣、銀兩俱從缺，甚至性格帶點潑皮撒賴。但隨著劇情推進，觀眾亦會慢慢發現他屬於非主流派男主角的典型魅力；這位輕 佻懶散的痞子竟意外的具有正義感和眼光見識。在多次的拔刀相助展露他的企管才華之後，麥提爽的驚人過亦隨之去曝光：原來他竟是曾叱吒一時，心狠手辣的商界 奇葩「黑武士」！究竟是甚麼原因，令昔日的人上人洗心革面，甘心為他曾經不屑一顧的小企業勞心勞力，解救一家家無利可圖又瀕危的老麵檔、老人院、環保機 構。令冷血黑武士轉化成為人民服務的企業醫生

        走下棟篤笑的舞台，黃子華不再是一人獨秀。《絕》劇中將有視后佘詩曼、Laughing哥謝天華和久休復出的李綺虹一同合作，共同發放笑彈。佘詩曼將飾演外剛內柔的粗豪收帳員林淼淼，和黃子華有大量精彩對手戲；而和TVB一別十二年的李綺虹回巢後首部作品即在《絕》劇中出演佘慕蓮一角，扮演一個身兼父職的爽直寡婦，鬼妹仔活潑演技新鮮自然。兩個女主角一個在職場上拼搏，一個為家庭默默耕耘，正好代表了現代女性兩種面貌，亦令女性觀眾多了一分共鳴。另外，舞王謝天華將以熱愛藝術的富家子形象出演安祖連一角，相信《學警狙擊》“LAUGHING哥”的高人氣，加上舞王的風采，必能令此劇更具瞄頭。

       《絕代商驕》，二零零九年八月十日首播，播出時正好配合黃子華2009的棟篤笑同期開騷，相信必能帶動收視再創佳績，精彩劇情，絕對不容錯過！

劇情大綱：

絕代商驕 

監製：張乾文 

編審：朱鏡祺，孫浩浩

演員：黃子華，佘詩曼，李綺虹，許紹雄，謝天華，陳國邦，曹敏莉，張國強

商界黑武士麥提爽(黃子華)連累恩師輕生，黯然退出商界，但聞悉恩師的妻子佘慕蓮(李綺紅)因而負債累累，惟以賣“橋”給商人唐吉(許紹雄)賺取報酬代慕蓮還債，但他愛耍個性拒做上班族，導致收入不穩，日夜遭收數妹林淼淼(佘詩曼)死纏爛打，兩人爾虞我詐，你追我跑，遂成一對歡喜冤家。

直至提爽遇上同母異父的弟弟安祖連(謝天華)，勾起當年被母親拋夫棄子的慘痛回憶，突然性情大變，逐步向安家上下大開殺戒，一向多計的淼淼也無所適從，看不清提爽的葫蘆到底在賣甚麼藥……

http://www.hoohala.com/index.php/action-viewnews-itemid-190

首播日期: 2009.08.10
黑武士的誕生
麥提爽自小滿有商業頭腦，深明做生意才會發達的道理，於是發奮讀書，憑努力於美國史丹福完成MBA課程，並在彼邦尋找機會。

畢業後，爽看中何問天公司的潛質，主動找上門向問天自薦，並開門見山表示不打工，只想做合作夥伴，就算只有0.01%股份亦願意，問天見爽與別不同，讓爽加入成為合夥人，二人關係亦師亦友，合作無間，專收購公司分拆出售，成為美國商界叱咤風雲的狙撃手。

及 後，爽成為人所皆知的商界黑武士，出手狠辣，毫不留情，漸漸坐大，同樣地，與問天之間意見分歧亦增大，爽為了公司利益及發展，決定全盤收購問天公司，問天 不堪打擊，醉酒駕駛，爽得知問天車子失控跌入海中，事發後，問天屍首未能尋獲，但爽認定問天已死，內疚不已。一盤生意的價值真的大於友情，生命？

爽反思過去一切，決心不再做黑武士，退出商界。爽從報章中得知問天遺下的妻兒在香港生活困難，爽認為責任在己，決定回港照顧問天之家人。

淼淼纏身追數
爽回港找問天妻佘慕蓮，剛巧入住唐吉開設之地痞酒店，碰上為酒店經營問題苦惱的唐吉，唐吉是中年裙腳二世祖，生於商業世家，在外聲明狼藉，但孝順老豆，身旁美女如雲。

巧合下，爽於名店遇上林淼淼，二人因此結下樑子，淼淼是瘋狂購物狂，因而欠下大筆卡數，被迫賣身成為收數妹，淼淼本著不成功不收費的精神，成為收數公司皇牌。

慕蓮因奶奶周小俏被騙錢而欠下淼淼財務公司大筆債務，淼淼負責追數，因而再度遇上爽，爽找到慕蓮一家，將慕蓮之債務孭上身，令淼淼一度誤會爽是慕蓮前夫，拋妻棄子，對爽印象惡劣。

慕蓮對丈夫之死，間接是爽造成毫不知情，甚至一直相信丈夫問天未死。慕蓮奶奶更不時指爽是害死兒子問天之兇手，爽初時大驚被慕蓮發現真相，其後奶奶因證實患有早期老人癡呆，眾人皆認為奶奶瘋人瘋語，不足為信。

爽變身白武士
爽乃齊記麵舖熟客，見慕蓮生活有困境，介紹慕蓮到齊記麵舖工作。慕蓮自小在美國長大，生性率直，做人不懂轉彎抺角，但在齊記工作賣力有熱情，為麵舖注入一番新氣象，得到忠齊讚賞。

齊 記麵舖受附近新開張的車仔麵舖威脅，爽贈上CEO一詞，淼淼為救麵舖，託兄林木森做麵舖CEO，木森接手麵舖，成為麵舖CEO，但有姿勢無實際，弄得一團 糟，爽勸忠齊勿將麵舖交給木森，不能用人唯親，見慕蓮工作勤奮，任勞任怨，向齊、淼推薦慕蓮可當上重任，淼淼卻不以為意，以為爽只是隨口亂說。

直 至爽助伯德集團收購麵舖所在的舊樓轉營酒店，並說服森、翹賣舖，淼淼不想父親心血毀於一旦，力保麵舖，決顧全大局切換木森，委任慕蓮為CEO。慕蓮以麵舖 CEO身份與淼淼聯手主動出撃與伯德集團講數，結果在爽暗中相助下，唐吉第一次取回自主權，齊記麵舖亦因此渡過難關，達成兩方人雙贏局面，自此淼淼深信爽 是商業奇才，決定向爽拜師學做生意，希望由此脫貧，淼淼不停纏著爽，爽雖沒開口答應，暗中卻教授淼淼生意之道，想不到，淼淼營商之路上，竟重遇舊男友童一 本。

淼淼漸漸對爽生情愫
慕蓮為工作迫於無奈下送小俏去老人院，爽為安撫小俏，自己亦要求入住，誰知該老人院乃是唐吉打本給女友開設，經營出現困難，唐吉於老人院偷情時碰著爽、淼，唐吉知爽實力，希望爽出手解決老人院問題，淼淼步步緊迫，希望在爽身上學習經商之道，爽迫於無奈，決定出手。

爽 答應後，表現得不痛不癢，淼淼見爽悠悠閒閒，對老人院改革之事沒擺上心，小試牛刀，決定獻計，但「種親恩，得獎金」計劃卻搞出大頭佛，最終爽出手解決老人 院騷動，並出乎意料地將老人院與鄰旁的幼稚園合併，成為新一代老幼院，解決了一切問題，經此一役後，爽淼師徒關係大增。

淼淼發現自己漸漸對爽產生感情，但爽卻不予理睬，淼淼以為爽是情深的男人，背後有抛不開的女人，後來發現這便是爽母青青，爽將母親情義結轉移淼淼身上，淼淼盡力化解，但見爽始終不肯接受自己，認定爽看不起自己，決定自強，誓要爽另眼相看，從而得到心愛的男人。




人物演員: 黃子華 (飾麥提爽), 佘詩曼 (飾林淼淼), 李綺虹 (飾佘慕蓮), 許紹雄 (飾唐吉), 謝天華 (飾安祖連), 陳國邦 (飾林木森), 張國強 (飾何問天), 曹敏莉 (飾華翹), 陳山聰 (飾童一本), 白彪 (飾林忠齊)

全集语录

第一集（tips：等价交换）
　　
　　你作为一个朋友，千古难求；你作为一条水鱼，举世无双！
　　
　　东邪西毒嘅混合体，西斜（起）！
　　
　　住得舒适，食得招积。
　　
　　（飞机上，扮传染病换头等舱）
　　唔得啦，我好辛苦啦，可唔可唔停机比我落机，或者开个窗比我透透气
　　
　　（得寸进尺）
　　——Angel，你们呢度会唔会有98嘅Chateau Saint Pierre？
　　——麦生，你唔舒服仲饮酒？
　　——我都系咁同我医生讲。... 医生话，你饮得就饮，食得就食，至紧要开心喔。
　　
　　我钟意731果个枕头，因为佢软得离够硬，371果间，我又钟意个床褥，因为佢硬得嚟够软，最紧要2047房果个坐厕板，我头先坐落去，佢个震荡力令到你明明想小便都想小事化大噶。
　　
　　（餐厅内）哥哥啊，你地呢头有无博物馆啊？甘就可惜啦，因为我发现左一旧化石。
　　============================================================
　　第二集（tips：合理化烟雾）
　　
　　我原本想即刻还钱嘅，不过我考虑到如果你个个客都即刻还钱，你知点嘛你，你失业啊!...我为了你勒，我拖几日。
　　
　　猎头顾问：年薪六百万啊？！
　　爽（难过状）：失礼人。。。
　　
　　爽对三水：你由借钱到帮我搵埋楼，家下又帮我搵埋工，你真系一条龙服务嘅哦。
　　
　　提爽：你去沟仔呀？钓金龟呀？
　　三水：关你鬼事！
　　提爽：I miss u~
　　
　　你听个财经佬同你讲，大手买入....佢真正意思就系买少少；佢同你讲买少少，即系叫你唔好卖；佢叫你唔好卖嘅时候，就即系叫你沽；当佢叫你沽嘅时候，真正意思就系，沽都无谓。。。
　　============================================================
　　第三集
　　
　　你（三水）讲到咁勇 你自己唔去？！话唔定D纹身佬都怕你嘅，你一去到就天下太平，警察局仲颁个奖俾你添！
　　
　　——（爽）唔好意思，我哋头先系~我哋~唔小心收少咗两蚊。
　　——（古惑仔）你话我俾少两蚊你？
　　——我唔系咁嘅意思，系我哋收少咗两蚊。
　　——你家阵话我两蚊都无得俾你咋嘛？！
　　——唔系咁嘅意思。
　　——唔系咁嘅意思即咩意思啊？！ 你凭咩话我无俾两蚊你啊！
　　——我宜家就系屈你 话你无俾到两蚊我！你觉得有咩唔妥就报警啦！…我报警… 你有无电话啊？！…… 我宜家唔系要十蚊，我就系要两蚊！你无两蚊我就报警！
　　
　　如果一个零表示一个诚意，你都几有诚诚诚诚诚诚意嘅哦~
　　
　　我真系好衰噶。我一听到翻工我就头痛，我一听到要交report就脚痛，你话要随传随到我就周身骨痛，总之要打工 我系痛不欲生...
　　
　　哇~大哥，你嚟呢D地方玩 我话俾你老婆听！ 啊呀~阿嫂你都嚟埋，我话俾你老公听！ 哎呀~你两个都嚟埋 我话俾你爸爸听！
　　
　　真系唔好意思，我头先系厨房 咁啱煲咗煲水，咁啱又搵到一包味精粉哦，咁啱我又肚饿，但系咁啱就系欠个面……
　　============================================================
　　第四集（tips：逢商必奸）
　　
　　着衫又lelefefe，戴条金链唔着底衫都敢…
　　
　　当然呢，如果你谂住用呢笔钱包女明星或者每个礼拜去欧洲包欧洲女明星咁当然唔够啦，但系如果你用呢笔钱翻你乡下，我地check过你乡下系边了~~~大家知了系唔系，我恐怕你会受欢迎过刘德华喔，恐怕你每次行出街有万千少女对住你，车仔黄~车仔黄~
　　车子黄（痴笑）：唔会挂哈哈哈
　　车子黄老婆出场：你好恨包女明星咩
　　车仔黄：冇冇冇...包乜嘢吖...
　　车仔黄老婆：你觉得你会受欢迎过刘德华咩~
　　
　　呢位客人，你系咪漏咗个果篮勒？！~
　　
　　殷实商人，阴住D老实嘅商人！
　　
　　我谂佢呢D唔系爽朗喔，系恶；佢唔系率直，系真系唔怕羞咁解...
　　
　　三水：以為打條tie就係傾生意啊？撞嗮啊你D衫！！！
　　爽 ：好。。到時我送多棵蔥你
　　　　
　　爽：唐生，佢哋有組織，咪有組織咁失敗咯
　　============================================================
　　第五集
　　　
　　三水：麦提爽，你家徒四壁，求其拣翻样（家具）走啦...
　　爽：诶~几难先维持到家徒四壁啊！多一样嘢就要抹多一样 ……
　　
　　钱就唔系问题啦....横掂我都无.....
　　　 　
　　麦提爽（对林三水）：你以为呢度系动物园，你当我系蝙蝠啊？？！……你不要成天就在想我们人类在干什么，回去啄木啦！
　　
　　麦提爽：你再不走我就告你意图侵犯，那我为了自卫，我就成全你啦……（林三水吓的掉头就走）
　　
　　好彩屋企最值钱果样嘢（指他自己）出咗街嗟...
　　
　　一本：有无听过废油发电啊？沼气发电？生物发电？……
　　爽：听你咁讲嘞，废话都可以发电嘅喔，放几个屁都可以开冷气嘅喔...
　　一本：why not？屁里面有烷气，只要有经费研发就一定可以做得到...
　　爽：你系咪闻烷气闻得多嘞哈？！...
　　============================================================
　　第六集
　　
　　爽对Betty讲：你谂都唔好谂~ 你单身女子学人抛头露面咩！~
　　
　　垃圾最强 系零成本... （怪之得做废品回收嘅都好有米！）
　　
　　才记：朋友妻 一定无走鸡...
　　
　　林三水：你还我一个浅水湾！
　　麦提爽：得得得，我石澳连同几间酒店整套大富翁送畀你！
　　
　　三水：佢搞到我好hurt啊...
　　爽：what,距打你?
　　三水妹：系我个心啊
　　爽：打你个心唔紧要，你冇表面伤痕仲好靓下..
　　============================================================
　　第七集
　　
　　爽对三水讲：你系一颗无得顶嘅泻药...
　　
　　发育超健全，但个脑二十四小时都系谂紧一样嘢...呢D我哋叫做色狼...
　　
　　爽：几掂噶~由占士金马伦执导噶...
　　三水：“You jump I jump”果个导演？！
　　爽：系占士金同埋马伦...
　　
　　D师奶唔上网，又点会好哋哋喺屋企洗洗下衫输嗮D股票吖...
　　
　　爽：师傅，这一间其实是一间环保公司，我们是为了人类为了大自然而努力，所以如果你能够把你的装潢费捐出来，我代表人类和大自然谢谢你 …… 做够一百蚊善事可以减税喔！~~
　　============================================================
　　第八集（tips：鲶鱼效应 ）
　　
　　根据我睇电视嘅经验，呢D应该系自己人做嘅.....
　　
　　D人成日以为D蚂蚁好勤力，日日翻工...佢地咁系日日翻工啦，因为佢地唔系同一只蚂蚁翻工吖嘛！点解蚂蚁要生到一模一样啊，就系等个老细唔认得佢！
　　
　　三水：咁即着低胸就要俾人昅，带钱出街就要俾人夹荷包啊！
　　
　　呢D就系nīn nín nǐn …鲶鱼效应啦....多谢各位同学，唔使拍手！
　　
　　发愤图强，日日冲凉 …… 日日冲凉 系为咗老板娘~
　　
　　你愁到个样...两道眉可以夹死一只乌蝇，你可以上电视表演啦……系咪愁紧，高层海景应该望边个海嘞....
　　
　　你话买衫浪漫D，掂系买鞋浪漫D嘞？！...
　　
　　废纸可以回收利用，感情唔可以循环再造。
　　
　　你老窦都算犀利嘞你真係黑（克）仔架喎~
　　
　　
　　你略有小成嘅话，都应该系一个师奶，再有成绩D就已经系一个耆英。如果你好努力好努力，就唔系做到一个商业奇才，而系一个商业耆英..
　　
　　爽：大嘅要让细嘅，细嘅要尊重大嘅...所以你哋睇我果套《夜香人》就啱噶啦...
　　Betty：唔制啊！~我要《蝶影红梨记》.我要《蝶影红梨记》.…
　　KK仔：我要睇《飞天笨蕉侠》.我要睇《飞天笨蕉侠》…
　　爽：我要《夜香人》我要《夜香人》…
　　
　　（电影院内，扮有鬼）小芙蓉啊，食粒爆谷啦...你食D嘢啦！金银衣纸你又唔食，果D嘢你又唔食！咁宜家食粒爆谷.....你睇你瘦到双脚都 唔掂地...你知唔知啊！...翻咩屋企喆？！鬼节下年先有。..你食粒先啦！...你去厕所？你无食嘢去乜厕所喆！...你去厕所唔好梳头啦...阵间 梳甩咗个头吓亲人啦....
　　============================================================
　　第九集
　　
　　林三水：你呢d系永久性伤残，注定孤独终老
　　麦提爽：你呢d永久性黑心叻，你因住冇得终老
　　
　　无计啦，D女人系钟意D识做生意嘅男人…… 我同佢哋讲，你哋唔系因为我识做生意而钟意我，而系因为我够靓仔！最主要，系我够性感！你睇我唇形~ （好抵死）
　　　　
　　我哋喺同一个cinema,佢系唔同嘅theater，其实我哋都系together。
　　
　　爽：Betty睇果套戏，21岁楼下系唔睇得嘅，咁我哋呢D青少年有咩办法啊？！..
　　
　　麦提爽：鬼鬼鬼鬼（魑魅魍魉） ...
　　
　　你叫我做Daddy就得啦……Daddy系一个名嚟嘅，美国咪有一个Rapper就做Puff Daddy系咪 … 咁我就叫做Song Daddy。
　　
　　（见到美女校长呢段都好搞·）
　　1. 唔系Daddy，系Danny …… 哥哥系呢度等你哈！~
　　2. 无可否认学校系远咗D，不过....咁你自己系咪都住得好远嘞抑或住得好近。不如你讲低电话号码俾我，我哋家长得闲就反映下我哋意见吖嘛...
　　3. 我哋（同KK仔）系异父异母....唉...上一代..好复杂噶 D关系。 你家庭复唔复杂啊？！譬如你有无男朋友咁样嘞？！~
　　
　　靓仔到啊，惨咯~ 你一返学你D女同学就大件事啦。
　　
　　你真系雀仔嚟嘅，果头食果头屙，忍DD都唔得嘅。… 如果你真唔忍得，平时就食少D泻药啦。
　　Betty：我想去老人院住啊。
　　爽：哦！！~即宜家嫌我唔够靓仔，想去搵D阿伯咁话咯！？~
　　
　　Betty：人哋话入老人院，有得入无得出噶....
　　爽：痴线！你试下下个月无俾钱，今个月就赶你出去。
　　
　　低胆固醇即唔方好食嘅哦！....
　　
　　老人院院长：阿麦生，老人院顾名思义就係畀老人家住嘅，你唔符合我哋嘅入住资格喔
　　爽：你睇我个样，好似得25岁咁係咪？但係就係其实，我嘅心境係非常咁苍老嘅，我经历过好多嘢啊，院长你睇真D啊吓。人生嘅酸甜苦辣咧我就真係食到滞晒咖啦，我试过用一个老人探测器咧探过咧，其实我个心境咧，我係一个人瑞嚟嘅
　　
　　（啊爽对老婆婆最识口花花，哈哈~）
　　1. 个个都好似你咁就唔系老人院，而系幼稚园啦。
　　2. 呢位阿姐，你身材最好，由你开始啦。
　　3. 姓何…… 何小莉吖嘛，你以前做明星嘅。
　　
　　爽：你仲未走嘅？！
　　三水：慕莲陪Betty冲凉，我咪等下佢咯。
　　爽：咁你谂住过嚟陪我冲凉？！~
　　
　　我终于明白咩叫做“喉咙粗过颈”……即一个人点可以同时啃咁多件嘢嘞.....
　　
　　你要唔要睇下眼科医生啊，你一只眼开咗一只眼闭咗喔。
　　=============================================================
　　第十集
　　
　　阿麦生..我淰你唔止童年有阴影,你少年 青年 年年你都有阴影~
　　
　　老人院院长叫麦提爽唱歌
　　爽：灵感IQ称得上十分之高超...
　　院长：可唔可以唱d慢d，浪漫d既歌啊
　　爽慢慢地深情地唱：灵感....IQ....称得上....十分....之高超...
　　
　　吉少：啊！你件衫湿晒啦...
　　爽：我件衫防水嘅喔！~
　　吉少：可能过期了……
　　
　　吉少：处理感情危机同救灾一样。当两个女人撞埋一齐，就系灾难开始发生，要营救就要系72小时之内营救，咁样感情就有得救啦……
　　=============================================================
　　第十一集
　　
　　呢场戏再做落去，我收钱噶啦！
　　
　　我宜家觉得我系唐僧，佢两个就好似蜘蛛精同白骨精咁想啄我。
　　
　　有D人求你嘅时候就“师傅师傅~”，你求佢嘅时候就“辛苦辛苦~”
　　
　　你系咪唔够叶绿素啊，出去晒太阳啦！
　　
　　好臭啊~你睇下医生好哦，你漏煤气啊你！
　　
　　三水：你有童年阴影？
　　爽：系啊，因为我童年遇到你。
　　三水：无可能！以你嘅尊容无可能遇到我咁索嘅女人……
　　
　　你想做生意，又得二十万，你应该去女人街卖胸围。
　　==============================================================
　　第十二集
　　
　　爽：喂~
　　慕莲：阿爽~
　　爽：以下系电话录音，你听到啪一声就讲啦。 “啪”~
　　
　　好嘢好嘢~其实唔知你好嘢掂我好嘢，你唱咗30首我一首都唔识。…… 一唔系你认认真真同我唱好D。
　　
　　（呢集唔多语录....）
　　==============================================================
　　第十三集
　　
　　宜家25岁以下嘅EQ同5岁到15岁无咩分别嘅，佢哋嘅自尊系好大，但系自卫能力却好细，你一话炒佢，佢可能就揸住旧炭插住个鼻嚟烧。
　　
　　祖：我今日有个消息由我嘅顾问代我向大家宣布。
　　爽：各位，安生要我同大家宣布 今日有个好重要嘅决定同大家宣布。
　　
　　三水：你禽晚又失眠啊？
　　爽：你挂住我啊？！~
　　三水：你吵住我啊！
　　
　　有番茄有蛋好明显系想做豉汁排骨噶啦！~
　　===============================================================
　　第十四集
　　
　　你系想讲我唔可以搞你吖嘛~你直接讲咯！你放心喔，你喺我心目中嘅地位系好神圣嘅，你系已经去咗灭绝师太嘅level，你系唔会引起我任何杂念。
　　
　　三水：你话我好似佢吖嘛，咁佢有无我咁索噶？
　　爽：咁系索过你啦，佢好似我噶！
　　
　　“头七尾七”：即系头果七页同尾果七页系坚嘅，report中间果D就系乱咁塞D嘢入去，碎料嚟嘅。
　　假duo：唔系唔duo，系duo少少。
　　虚应：唔系唔应，系应少少。
　　办公室生存之四大法宝：he做，假duo，虚应，陪笑。
　　
　　办公室唔系真系“办公”个“办”，系“扮嘢”果个“扮”，咁你扮嘢兜份人工，咁样就系“扮公室”啦。
　　
　　苏虾米，由苏哈到苏哈托都钟意食。
　　=================================================================
　　第十五集
　　
　　一个无得威嘅老细，即等于一个无妃嫔嘅皇帝，做嚟做咩。
　　
　　你系我哋校草嚟吖嘛，你话噶。
　　
　　点会做“可怜天下父母心”？！节目表明明话播“掟阿妈出火车”噶嘛！
　　
　　（安太话阿爽）
　　爽：安太我哋唔系好熟噶咋，你唔怕得罪人咩！
　　
　　呢D人真系唔讲道理嘅，第日佢个仔大个咗娶老婆，呢D咪“野蛮奶奶”咯。
　　
　　如果真系饥荒，呢班饥民都算几有性格喔，咩米都要就系唔要我哋嘅米。
　　
　　爽：呢位阿姐，你屋企好多人咩买咁多米？！
　　师奶：就我同我老公咯。
　　爽：好多老公咩？！呢度食好耐噶了喔。
　　
　　呢个世界系有样嘢快过光速，果D就系师奶把口。
　　
　　全银河系最大碌嘅笑柄。
　　
　　才记：痴线噶！~时光倒流，食饭仲平过饮水啊。
　　
　　你个独家村，边有朋友噶？！
　　===============================================================
　　第十六集
　　
　　祖：我家姐明明好支持阿sam嘅喔。
　　爽：就“明明”咯，暗暗就唔系咁噶啦。
　　
　　爽：你知唔知光绪系点死噶？系你咁上下年纪死噶。……
　　
　　每年十大上当人士佢一定有份。
　　
　　三水：我系咪好烦啊？
　　爽：你的确系一个好烦 好八卦…嘅好女仔。
　　三水：欸！呢一点我又知哦！
　　
　　呢D（零食）根本就系味精嘅浓缩味精棒，我觉得食多两条个脑会溶。
　　
　　三水：做咩会有个垃圾袋嘅？
　　爽：我件衫嚟噶，小姐。……佢唔单止系我件饮衫啦，其实佢都系一件名牌嚟噶，咁先衬得起你吖嘛。
　　================================================================
　　第十七集
　　
　　我系咪D中文咁退步嘞，即我讲野讲得唔清楚，我话我要四个，I want four！就算系冲一杯咖啡，I want four！…… 加咖啡粉一个，加奶一个，加糖一个…… 咁边个帮我搅啊？！~
　　
　　祖（模仿爽）：你到底知唔知咩系蓝海啊？！或者加勒比海、地中海、上海果D你会熟悉D嘅~ 连蓝海同红海你都分唔清楚，咁你更加唔知咩系引爆效应啦，乜系二八定律、黑天鹅趋势果D啊。……欸……欸咪即系唔知咯，唔知就无嘥我时间啦，不如翻去唱下K 跳下舞好啦。
　　
　　你哋宜家系话剧训练班，掂系语言障碍辅导课程啊？！……我觉得你哋好适合做米，但系唔系食果D米，系米老鼠嘅米。
　　=================================================================
　　第十八集
　　
　　我一个人惯咗噶啦，忽然间多咁多亲戚，过年窦起利是，我好蚀噶。
　　
　　三水对树洞讲心事：系~（爽）系木口木面，把口衰D，但心地都几好啊。 系啦！无你咁高吖嘛，不过拍埋嚟我度啱啱好啊。
　　
　　你真系搵武松易D，我搵只老虎俾你。
　　
　　你阿爷系孔子咩，谢师谢得咁紧要！
　　
　　痴线噶，我点会唔衬，我呢套服装就系衬咩人都系衬靓对方嘅，不知几衬！
　　
　　问世间情是何物，情是怪物。
　　
　　一家四口灶底藏尸，无咩嘅，煮面时煮多四碗咯。
　　
　　无话“我个”三水妹，我无注册噶。
　　==================================================================
　　第十九集
　　tips：长尾理论
　　
　　（无咩语录..）
　　==================================================================
　　第二十集
　　
　　试拍拖，OK咁就OK嘎啦，若然系唔OK都OK嘅哦，因为试下咋嘛。……当系买股票一样，若然只股票系好，你咪长揸咯；若然唔好，你就止蚀收场，唔伤感情。
　　
　　爽：唔好意思，先生，你识唔识拉“无言的饭局”啊？！
　　拉小提琴的：唔识。
　　爽：我意思系，我想静静地吃餐饭。
　　==================================================================
　　第二十一集
　　
　　吉少：做咩三水妹，你突击检查啊，好彩我有着裤嗻。
　　
　　三水：你第时都会死嘎，你不如试下去死啦。
　　
　　（有Martin嘅戏份，语录就少好多了....）
　　===================================================================
　　大结局
　　
　　（爽向三水试求婚）
　　林淼淼，我麦提爽对住灯火发誓，若然你肯收下呢只戒指，我哋有福同享有难同当，如有异心，天诛地灭。
　　淼淼，就算我俾人打陂只脚，我用轮椅都跟足你一世。就算香港海啸，水浸18层楼咁高，我潜水都嚟同你食早餐。
　　
　　我哋起码要似谢贤同狄波拉咁，分手都可以一齐去Party。
　　
　　吉少：女人唔单止要氹，仲要沟嘎，系沟通嘅“沟”。
　　
　　你返屋企小心啊，十几步路啊。
　　
　　剧情笑点（边有剧会病人突然一个喷嚏而从中醒翻嘅嗻！笑死！）
　　
　　吉少你救翻我啊？！抑或你 都死埋啊？！..
　　
　　才记：我系度烦紧，做为今晚典礼嘅导演，我应该点先捕捉到契姐佢明明要做（老处）啦，但突然间又嫁得出果种fee啊ling啊。
　　
　　Sam：爽哥，你系频临绝种动物华南虎嚟嘎。
　　
　　你无睇我平日好似好随便，但其实我系有洁癖嘎。我唔可以见（shit），我会晕嘎。我自己去完厕所我都忧郁几个钟嘎。
　　
　　==================================================================
　　 You're fired

http://panel.pixnet.cc/blog/article_edit?blogarticle_id=26109017#